ԵՊՀ ուսանողները դասադուլների են պատրաստվում՝ ընդդեմ Ս․ Սարգսյանի կառավարման երրորդ ժամկետի

Երեւանի պետական համալսարանի ուսանողները դասադուլների են պատրաստվում՝ ընդդեմ Սերժ Սարգսյանի կառավարման երրորդ ժամկետի։ Վերջիններս համալսարանի բակի ողջ տարածքում, մասնաշենքերի մուտքերի մոտ գրաֆիտիներ են արել՝ դասադուլ գրությամբ։

ԵՊՀ մի խումբ ուսանողներ երեկ շարունակել են նաեւ այս ուրբաթ՝ ապրիլի 13-ին կայանալիք հանրահավաքի իրազեկման ակցիաները։ Ինչպես արդեն տեղեկացրել ենք՝ նախօրեին իրազեկման այդ ակցիաների ժամանակ համալսարանի ղեկավարությունը ճնշում է գործադրել ուսանողների վրա, նրանց արգելել է մուտք գործել մասնաշենքեր։ Մասնավորապես՝ ԵՊՀ աշխատակազմի ղեկավար Ալիկ Ղարիբյանը բղավել է ուսանողների վրա ու աշխատակիցներին հրահանգել «դուրս շպրտել բոլոր նրանց, ովքեր ուսանողական տոմսեր չունեն»։

Թեպետ երեկ համալսարանի անվտանգությունն ավելի խստացված էր եւ մասնաշենքերի մուտքերի մոտ մեկից ավելի էին անվտանգության աշխատակիցները, ուսանողները, այնուամենայնիվ, կարողացան նաեւ մասնաշենքերի ներսում բաժանել իրազեկման թռուցիկներ։ Անվտանգության աշխատակիցները հորդորում էին համալսարանի տարածքից հեռու բաժանել թռուցիկները՝ հղում անելով ինչ-որ օրենքի, ըստ որի՝ բուհերի տարածքում չի կարելի իրազեկում անել կամ թռուցիկ բաժանել, չնայած նրան, որ նմանատիպ օրենք չկա։

ԵՊՀ ռեկտորի խոսնակ Գեւորգ Էմին-Տերյանը, որը երեկ փորձում էր հարթել միջադեպը, իր հարցազրույցներից մեկում հայտարարել է, թե ուսանողները փորձել են ԵՊՀ գրադարանի պատին ինչ-որ բան նկարել, իսկ անվտանգության աշխատակիցները թույլ չեն տվել, այդ պատճառով էլ աղմուկ է բարձրացել ու միջադեպ հրահրվել։

Մեր զրույցում ԵՊՀ ուսանողուհի, իրազեկման ակցիայի մասնակից Աստղիկ Քեշիշյանն ասաց, որ որեւէ մեկը չի ցանկացել համալսարանի պատերից գոնե մեկին նկարել կամ գրություն թողնել։ Նրա խոսքով՝ ուսանողները տեղյակ են՝ որտեղ կարելի է գրաֆիտի անել եւ որտեղ՝ ոչ։ Իսկ քաշքշուկն անսպասելի է սկսվել՝ համալսարանի ղեկավարության ու անվտանգության աշխատակիցների հրահրումով։

Մեր հարցին՝ ինչպե՞ս են արձագանքում ուսանողներն ու դասախոսները, ուսանողուհին պատասխանեց, որ ամենատարբեր արձագանքներ են ստանում թռուցիկներ բաժանելու ու իրազեկելու ժամանակ․

«Ուսանողներ են լինում, ովքեր անտարբեր անցնում են, անգամ չեն վերցնում, որ կարդան, թե ինչ է գրված թռուցիկի վրա։ Լինում են անգամ դասախոսներ, ովքեր հարցնում են, թե երբ են սկսվելու դասադուլներն ու հանրահավաքները, որպեսզի իրենք էլ մասնակցեն»,- մեր զրույցում ասաց Աստղիկ Քեշիշյանը։

Ուսանողները իրազեկման ակցիան շարունակել են մինչեւ երեկո։

Բացի ԵՊՀ-ից, ուսանողների վրա ճնշում են գործադրել նաեւ այլ համալսարաններում։ Մասնավորապես՝ մեր տեղեկություններով՝ Տնտեսագիտական համալսարանում փակել են պատուհանները ու խստացրել մուտքերի մոտ անվտանգության աշխատանքը, որպեսզի որեւէ մեկը թռուցիկ չկարողանա հասցնել համալսարանի դռներից այն կողմ։

Հիշեցնենք, որ այսօր Քաղաքացիական պայմանագիր կուսակցության նախաձեռնած #ԻմՔայլը շարժման մասնակիցները քայլերթով կհասնեն Ազատության հրապարակ, որտեղ կսկսվի շուրջօրյա հանրահավաք։

ՀայԱրփի Բաղդասարյան

Տպագրվել է «Հայկական ժամանակ» օրաթերթի ապրիլի 13-ի համարում:

Տպել
1943 դիտում

Գերմանիան ևս դադարեցրել է զենքի արտահանումը Թուրքիա. Մերկելը Էրդողանին կոչ է անում անհապաղ դադարեցնել կրակը

Վայք քաղաքի բնակիչներից մեկի ավտոտնակում «Տրոտիլ» տեսակի 4 պայթուցիկ է հայտնաբերվել

Եղեգնուտ գյուղի 50-ամյա մի բնակիչ բենզասղոցի գործադրմամբ 63 ծառ է կտրել ու տարել իր բակ

Վանաձորի աղմկահարույց սպանությունների գործով Բագրատաշենի անցակետում հայտնաբերվել է եւս մեկ կասկածյալ

Ոստիկանները հայտնաբերել են «Դայմոնդ» ֆիթնես» ակումբի և մեկ այլ ԱՁ-ի տնօրեններին դանակահարողին

Աննա Հակոբյանն իրականացրել է հաշմանդամություն ունեցող Ռազմիկի երազանքը

Սարավան գյուղում այրվել են ավտոմեքենա և խոտածածկույթ

Արարատ Միրզոյանը Բելգրադում հանդիպել է Սերբիայի խորհրդարանի խոսնակի հետ

Բակո Սահակյանը այցելել է գյուղաշխատողի օրվա կապակցությամբ կազմակերպված տոնավաճառին

Եղանակային առումով նորից ունենալու ենք հրաշք շաբաթ, արեւային աշունը շարունակվում է. Սուրենյան

Թուրքական բանակը Ռաքքայի հյուսիս-արևելքում գրավել է Սուլուք բնակավայրը

Ստեփանակերտում կկառուցվի ֆրանկոֆոնիայի կենտրոն. Արցախում հուշագիր է ստորագրվել

Արմեն Սարգսյանը ցավակցական հեռագիր է հղել ֆրանսահայ նկարիչ Ռիշար Ժերանյանի մահվան կապակցությամբ

Ծեծկռտուք՝ Արարատի մարզում. Մասիսի Բ/Կ-ի տնօրենը քթի շրջանում վնասվածքով տեղափոխվել է հիվանդանոց

«Ավրորայի» հերոս Զանա Բուկար Մուստաֆան արդեն ժամանել է Երևան

Բակո Սահակյանը հանդիպել է ՌԴ Պետդումայի պատգամավոր Կոնստանտին Զատուլինի հետ

Սպիտակ քաղաքում տնակ է հրդեհվել. տուժածներ չկան

Թուրքիան միտումնավոր կրակ է բացել Սիրիայում տեղակայված ամերիկյան դիրքերի վրա. Washington Post

Կոնգոյում վթարի ենթարկված օդանավը հայկական պատկանելություն չունի. ՀՀ վարչապետի խորհրդական

Ֆրանսիան դադարեցնում է սպառազինությունների արտահանումը Թուրքիա. որոշումն ուժի մեջ է մտնում անհապաղ