Գույք՝ վերանորոգման դիմաց. ծնողն ահազագում է, դպրոցի տնօրենն ու դասղեկը՝ հերքում

Տավուշի մարզի Կողբ համայնքի N2 միջնակարգ դպրոցի ծնողներից ահազանգ է ստացվել «Հայկական ժամանակի» խմբագրություն, ըստ որի՝ վերջերս դպրոցին տրամադրված գույքը դասարաններին է բաշխվել միայն պայմանով. հատակն ու պատերը կներկվեն, գույք կունենան, չեն ներկվի, կզրկվեն նոր սեղան-աթոռից:

«Դպրոցը գույք է ստացել, եւ այդ գույքն օրենքով պիտի բոլոր դասարաններին տան, բայց պայման է դրած՝ որ դասարանը կվերանորոգվի՝ հատակը կներկվի, պատերը կներկվեն, այդ դասարանն էլ կստանա: Դպրոցում հրաժարվել է միայն մեկ դասարան: 8-րդ դասարանի դասղեկն ինքը անձամբ ասել է՝ եթե պայմանը դա է, ինձ գույք պետք չէ, ես իմ երեխաներին չեմ թույլ տա հատակը վերանորոգել»,- տեղեկացնում է ծնողներից մեկը՝ երեխաների համար անհանգստանալու պատճառով անունը հրապարակել չցանկանալով:

Նշվում է, որ յուրաքանչյուր դասարանում աշակերտներից պահանջվել է 1000-1500-ական դրամ՝ ըստ նրանց քանակի: Բարձր դասարաններում ներկման աշխատանքներն, ըստ այդմ, կատարել են աշակերտները, ցածրերում՝ ծնողները:

«Ամբողջ դպրոցում միակ հասկացող, խիստ, բայց եւ ընկերական ուսուցչուհին երեւի այդ 8-րդ դասարանի դասղեկն է: Արտակարգ ուսուցչուհի է, եւ երեխաները ենթարկվում են, եւ պահանջում է, եւ լավ սովորեցնում է: Ու ճիշտն էլ երեսին ասում է: Եթե տվյալ բանը իրեն դուր չի գալիս, ինքը կմտնի, անմիջապես տնօրենին կասի՝ դու սխալ ես անում: Այդքան ազնիվ մարդ է»,- մանկավարժ Սուսաննա Ավագյանի մասին դրական խոսքեր ասաց ծնողներից մեկը:

Ավելացրեց, որ կան ընտանիքներ, որոնց երեք երեխաները հաճախում են այս դպրոց, եւ նրանք ստիպված են միանգամից երեք երեխայի գումար վճարել, այն դեպքում, երբ օրինակ աշխատանք չունեն կամ հաշմանդամության թոշակ են ստանում:

Կողբի միջնակարգ դպրոցում, ըստ ահազանգի, հաճախ է դրամահավաք կազմակերպվում այս կամ այն պատճառով: Բայց ծնողների համբերության բաժակը երբեմն լցվում է. «Ծնողկոմիտե ունենք, որոշողը ինքն է, ոչ մեկի հետ հաշվի չի նստում: Երեւի բոլոր դասարաններում է էդպես. զանգում են, ասում՝ այսքան փող, ասենք՝ հազար դրամ, հազար հինգ հարյուր դրամ, ութ հարյուր դրամ: Մեծ գումար չէ, բայց դա պարտադրելը ճիշտ չէ»:

Դպրոցի տնօրեն Ամալյա Ղարագյոզյանը, անդրադառնալով գույքը պայմանով տրամադրելու մասին բողոքին, վստահեցրեց, թե աշակերտների եւ ուսուցիչների առաջ նման խնդիր չի դրվել: Բայց նաեւ չհերքեց, որ եղել են դասարաններ, որոնք ներկել են իրենց դասասենյակները:

«Մարտի 3-ին մենք գույք ստացել ենք «Հայ դպրոց» հիմնադրամից՝ որպես օգնություն սահմանամերձ դպրոցին: Տրամադրվել են աշակերտական սեղան-աթոռներ, ուսուցչի սեղան-աթոռներ, գրատախտակներ եւ կախիչներ: Գույքը բաժանվել է տարրական բոլոր դասարաններին՝ առաջինից մինչեւ չորրորդ: Տրամադրել ենք նաեւ 5-րդ, 6-րդ, 7-րդ դասարաններին: 8-րդ դասարանին չի տրվել, որովհետեւ նրանց գույքը լրիվ նոր է եղել, որը գնել ենք անցյալ տարի եւ առկա են բոլոր փաստաթղթերը: «Հայ դպրոց» հիմնադրամի նվիրած գույքից տրամադրվել է նաեւ 9-րդ դասարանին, երկու 10-րդներին, ինչպես նաեւ ֆիզիկայի եւ կենսաբանության լաբորատորիաներին»,- մանրամասնեց Ամալյա Ղարագյոզյանը՝ հավելելով, որ 11-րդ եւ 12-րդ դասարաններում եւս գույքը թարմ է եւ նորով փոխարինելու կարիք չի զգացվել:

Անդրադառնալով, այդուհանդերձ որոշ դասարաններ ծնողների միջոցներով ներկվել-կարգի բերվելուն, հաստատության տնօրենն ասաց. «Մի քանի դասարաններ գարնան արձակուրդի ժամանակ հատակը մի անգամ ներկել են, չեմ ժխտում, բայց նաեւ դասասենյակ կա, որ ընդհանրապես ոչ մի այդպիսի աշխատանք չի կատարվել, սակայն նոր գույքը դրված է: Առանց ծնողական խորհրդի ոչ մի աշխատանք չի կատարվել: Դպրոցը շահագործվել է 1972 թվականին ու մինչեւ հիմա ոչ մի անգամ հատակը չի փոխվել: Նույնիսկ դասասենյակ ունենք, որ ոչ հատակն է  վերանորոգված, ոչ ներկ ենք քսել: Ծնողական խորհուրդը ինքը որոշել է, ինքն էլ նախաձեռնել: Ես նույնիսկ միջամտել, ասել եմ՝ որ դասասենյակի հատակը հնարավոր չէ, մի էլ ներկեք»,- ասաց Կողբի հանրակրթական հաստատության ղեկավարը:  

8-րդ դասարանի դասղեկ Սուսաննա Ավագյանը նույնպես պնդեց, թե «գույք՝ վերանորոգման դիմաց» պայման իր առջեւ չի դրվել: Ու նույնիսկ ինքն էլ այսօր խոսել է երեխաների հետ, որ եթե հնարավորություն լիներ եւ իրենք նույնպես դասասենյակը ներկեին, դասապրոցեսն ավելի հաճելի կլիներ:

Ասաց նաեւ, որ երբ այսօր մտել է դասասենյակ, ուրախացած երեխաներից տեղեկացել է, որ տնօրենը եկել է, տեսել, որ գրատախտակը հին է, ասել է՝ նորն են տրամադրելու: Այդ մասին, ի դեպ, նշեց նաեւ Ամալյա Ղարագյոզյանը:

«Առհասարակ այդպիսի բան չի եղել: Տնօրինությունն առհասարակ ոչ մի բան չի առաջարկել, որ կա՛մ ներկեք ձեր դասարանը, կա՛մ չներկեք: Դասարաններ կան՝ ոչ մի աշխատանք չի արվել, բայց ընտիր, նոր գույքը ստացվել է: Ձեզ շատ սխալ տեղեկություն են տվել: Ապատեղեկատվություն է դա: Ես անկեղծ ձեզ ասում եմ՝ այդպիսի խոսք էլ չի եղել: Եթե իմ դասարանից է բողոքը, կուզենայի այդ ծնողին ասել՝ ինձ գովել պետք չէր, ճիշտ խոսել էր պետք»,- եզրափակեց 8-րդ դասարանի դասղեկը:

Տպագրվել է «Հայկական ժամանակ» օրաթերթի ապրիլի 10-ի համարում:

Տպել
3815 դիտում

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտութուն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում