Ապրիլի 9-ին մենք արթնացանք նոր՝ խորհրդարանական Հայաստանում: Նոր համակարգին անցնելու վերջին շտրիխը Արմեն Սարգսյանի երդմնակալության արարողությունն էր: Նոր նախագահը երդվեց ձեռքը դրած Աստվածաշնչի և Սահմանադրության վրա: Այն նույն Սահմանադրության, որի 124-րդ հոդվածի երկրորդ կետը ենթադրում է, որ ՀՀ նախագահի թեկնածուն պետք է վերջին վեց տարում միայն Հայաստանի Հանրապետության քաղաքացի հանդիսանա: Հենց այս կետն էր Արմեն Սարգսյանի պարագայում խնդրահարույց: Երդմնակալությունից հետո Արմեն Սարգսյանն առաջին ելույթն ունեցավ նախագահի կարգավիճակում: Նա խոսեց կոռուպցիայի, սոցիալական անարդարության, անտարբերության և անպատասխանատվության դեմ միասնական պայքար մղելու անհրաժեշտության մասին: Խնդիրն այն է, որ վերոնշյալ արատավոր երևույթների դեմ պայքարելու բոլոր լծակներն արդեն գտնվում են ոչ թե նախագահի, այլ վարչապետի տրամադրության տակ:

Վարչապետի հարցը որոշված էր կարծես դեռ սահմանադրական փոփոխությունների նախաձեռնության սկզբում: Չնայած նրան, որ Սերժ Սարգսյանը դեռևս 2014 թ. հայտարարեց, որ չի հավակնի վարչապետի պաշտոնին՝ հասարակության շրջանում մտավախություն կար, որ նա, այնուամենայնիվ, առաջադրվելու է: Այդ մտավախությունը որոշակի նահանջ ունեցավ 2016 թ. Կարեն Կարապետյանի՝ վարչապետ նշանակվելուց և խորհրդարանական ընտրություններին նրա՝ ՀՀԿ քարոզարշավը առաջնորդելուց հետո:

Սակայն, ապրիլի մոտենալու հետ ակտիվացավ Սերժ Սարգսյանի անփոխարինելիության թեզը, որը ամեն կերպ առաջ էին տանում ՀՀԿ-ական տարբեր գործիչներ: Վերջին կասկածները ցրվեցին Սերժ Սարգսյանի tert.am-ին տված հարցազրույցից հետ, որում նա չբացառեց վարչապետ դառնալը:

Խոսակցություններին վերջակետ դրվեց ապրիլի 9-ին. ՀՀ Վարչապետի պաշտոնակատարի կարգավիճակում գտնվող Կարեն Կարապետյանը հայտարարեց, որ Սերժ Սարգսյանի հետ ապրիլի 7-ին կայացած հանդիպման ընթացքում որոշվել է որպես առաջին դեմք ներկայացնել Սերժ Սարգսյանի թեկնածությունը:

Այս առումով մեր ռազմավարական դաշնակցի անդրադարձը Սերժ Սարգսյանի անձին ստանում է արդեն քարոզչական բնույթ: Ռուսաստանի ներկայացուցիչները երկու օրում երկու անգամ անդրադարձել են Սերժ Սարգսյանի անձնական ներդրումներ՝ երկու երկրների հարաբերությունների զարգացման գործում:

Ս. թ. ապրիլի 7-ին ՀՀ-ում Ռուսաստանի արդեն նախկին դեսպան Վոլինկինը նշել է, որ հայ-ռուսական բարեկամական հարաբերությունների ամրապնդման հարցում մեծ դեր ունի Սարգսյանի և Պուտինի անձնական ներդրումը:

Հաջորդ օրը ՌԴ արտգործախարար Սերգեյ Լավրովը հայկական հեռուստաալիքներին տված հարցազրույցում ևս խոսել է ռազմավարական և դաշնակցական հարաբերությունների և դրանցում Սարգսյան-Պուտին բարեկամական հարաբերությունների ներդրման մասին: Դրանով, կարծես, փորձ է արվում հավելյալ ամրապնդել Սարգսյանի դիրքերը՝ որպես ռուսական «դոբրո» ունեցող վարչապետի թեկնածու:

Ապրիլի 8-ին Հանրային ՀԸ ցուցադրած՝ Սերժ Սարգսյանի մասին պատմող «Մտքով՝ տուն» փաստագրական ֆիլմը ևս ուղղված էր անփոխարինելիության թեզի ամրապնդմանը:

Տրամագծորեն հակառակ կարծիքն է տիրում ընդդիմադիր դաշտի տարբեր կենտրոններում: Նախ, հարկ է նշել, որ կենտրոններ ասվածը ի սկզբանե շատ պայմանական է եղել, քանի որ քաղաքացու համար միևնույն է, թե որ ուժն է տանում Սերժ Սարգսյանի և ՀՀԿ-ի դեմ պայքարը: Գլխավորը նպատակն ու միջոցներն են: Նպատակը միավորում է բոլորին, միջոցները որոշակի տարակարծությունների առիթ են հանդիսանում: #ԻմՔայլը և #ՄերժիրՍերժին նախաձեռնությունները, ինչպես նաև Հանուն Հայաստան Պետության ճակատը կարծես համաձայնության են եկել խաղաղ պայքարի մարտավարության շուրջ: «Երկիր Ծիրանի» կուսակցության նախագահ Զարուհի Փոստանջյանը չէր բացառել, որ ինչ-որ պահի կմիանա ընդհանուր պայքարին: Չի բացառվում, որ դա տեղի ունենա ապրիլի 13-ից 17-ը ընկած ժամանակահատվածում, քանի որ այդ ընթացքում միաժամանակ երեք ուժեր՝ #ԻմՔայլը նախաձեռնությունը, «Երկիր Ծիրանի»-ն և Հանուն Հայաստան Պետության ճակատը հանրահավաք իրականացնելու հայտ են ներկայացրել:

Խաղաղ պայքարը, ըստ #ԻմՔայլը նախաձեռնության, մերժում է բռնությունը ոչ միայն որպես գործողություն, այլև որպես հակագործողություն: Անշուշտ, շատ բարդ է բացառել բռնությունը որպես հակագործողություն, հաշվի առնելով հնարավոր սադրանքները, սակայն, եթե դա հաջողվի՝ կստացվի ապահովել ակցիաների անձեռնմխելիությունը: Ստեղծվում է փոքր-ինչ պարադոքսալ իրավիճակ, երբ հաջող ընդվզման համար անհրաժեշտ է հնազանդ լինել խաղաղ անհնազանդության սկզբունքին:

Ինչ վերաբերվում է ակցիաների հնարավոր ելքերին, ապա դրանք կախված են քաղաքացիների թվից: #ԻմՔայլը նախաձեռնության խոսքով տարբեր սցենարներ կան՝ կախված մարդկանց քանակից: Հիմնական սցենարով նախատեսվում է շրջափակել Ազգային Ժողովի շենքը և թույլ չտալ պատգամավորներին մտնել շենք ու քվեարկել Սերժ Սարգսյանի վարչապետության օգտին: Այդ ակցիայի համար, ըստ նախաձեռնության հաշվարկների, անհրաժեշտ է շուրջ 50 հազար մարդ: Տվյալ պահին այդ թիվն անիրական է թվում: Այդ քանակի մարդկանց ներկայությունը ապահովելու համար կայծ է անհրաժեշտ, որը պետք է տրվի ապրիլի 13-ից 16-ը, որպեսզի 17-ից սկսած հնարավոր լինի կոնսոլիդացված ուժերով պայքար մղել:

#ԻմՔայլը նախաձեռնության հաշվարկների համաձայն Սերժ Սարգսյանի վարչապետացումը կանխելու համար անհրաժեշտ է ընդամենը 50 հազար գիտակից քաղաքացի, որոնք չեն տրվի սադրանքների: Խնդիրը բարդ է, բայց գրագետ իրազեկման և կազմակերպման պարագայում՝ ոչ անհնարին:

Տպել
4626 դիտում

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան