Երկու հատ «Տ» կա, մի հատ «Մակար», մեկ էլ «ПК». ինչ զենքեր է գնել զինված խմբի պարագլուխը

Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Արմեն Բեկթաշյանի նախագահությամբ այսօր շարունակվեց զինված խմբի գործով դատական նիստը:

Այսօրվա նիստի ընթացքում հրապարակվեցին զինված խմբի պարագլուխ համարվող Արթուր Վարդանյանի եւ սույն գործի անջատված մասով անցնող այժմ դատապարտյալ Հակոբ Հակոբյանի միջեւ տեղի ունեցած հեռախոսային խոսակցությունների գաղտնալսումները, որոնք, ըստ էության, վերաբերում էին զենքի առուվաճառքին: Գաղտնալսման հրապարակումից պարզ դարձավ, որ Արթուր Վարդանյանը եւ Հակոբ Հակոբյանը իրար հետ խոսում էին կոդավորված բառերով, չնայած նրան, որ զենքի կոդը «4 յաշիկ» փուչիկն էր, իսկ երբ արդեն միմյանց լավ չէին լսում, Հակոբյանը զրույցում թվում էր զենքի անունները՝ օրինակ, Մակարով, «ՏՏ» եւ նշում դրանց գինը: Արթուր Վարդանյանը Հակոբյանին դիմում էր «ուստայով»: «Լսե, մեռնեմ քեզի, առաջինը՝ 1400 կառաջարկեն, երրորդը՝ հատը 190 դոլար, 7 անուն է գրած մոտս»,- ասում է Հակոբյանը: Երբ Արթուր Վարդանյանը հարցնում է առաջին «փուչիկի» անունը, Հակոբյանը պատասխանում է՝ «Տ»: Վարդանյանը, սակայն «փուչիկի» անունը լավ չի լսում եւ որպեսզի նրա համար հասկանալի լինի, Հակոբյանն ասում է՝ «երկու հատ Տ»՝ նկատի ունենալով «ՏՏ» ատրճանակը: Այս հրապարակումից հետո դահլիճում ներկա գտնվողները եւ անգամ դատավոր Արմեն Բեկթաշյանը չկարողացան զսպել ծիծաղը: Շարունակելով զրույցը՝ Հակոբյանը Արթուր Վարդանյանին ասում է, որ «ՏՏ»-ի գինը 1400 է: Վարդանյանն էլ ճշտում է, «երկու հա՞տ ՏՏ»-ն է 1400, ինչին ի պատասխան Հակոբյանն ասում է. «Տո չէ, երկու հատ «Տ»-ի մասին է խոսքը, իսկ «ПК»-ն՝ 2000 է»: Երբ Արթուր Վարդանյանը լսում է «ПК» գնդացրի մասին, միանգամից Հակոբյանին ասում է. «Հա բեր, դրանից ուզում եմ»: 

«Մակար (խոսքը՝ «Մակարով» տեսակի ատրճանակի մասին է) կա՝ 1200: Ամեն տեսակի էլ կա, դու հել արի»,- ասում է Հակոբյանը: Արթուր Վարդանյանը նրանից ճշտում է, որ եթե գա, կկարողանա՞ իր աչքով դրանք տեսնել, թե՝ ոչ, ինչին ի պատասխան Հակոբյանն ասում է, որ ապրանքը պահեստից են բերում: «Պահ, մալադեց»,- պատասխանում է Արթուր Վարդանյանը, ապա ճշտում, թե «Մակարով»-ն ինչքա՞ն էր: Հակոբյանն էլ երբ բոլորն արդեն թվել էր, հանկարծ հիշում է. «Տո հեռախոսով էդքան բանը հո չեմ ասելու»: Հեռախոսազրույցների գաղտնալսումը հրապարակելուց հետո Արթուր Վարդանյանի պաշտպան Լեւոն Բաղդասարյանը հայտարարեց, որ չգիտի, թե ինչու են հրապարկվում այս սերիալային ձայնագրությունները, քանի որ Արթուր Վարդանյանը հայտնել է, որ զենքը, որը հայտնաբերվել է, իրենն է եւ միեւնույն ժամանակ հայտնել է, թե այդ զենքն ինչի համար է անհրաժեշտ:

Ապա ասաց, որ իր պաշտպանյալը վատառողջ է եւ միջնորդություն ունի ներկայացնելու: Բաղդասարյանը ներկայացնելով միջնորդությունն ասաց, որ միջնորդում է Վարդանյանին տեղափոխել քաղաքացիական հիվանդանոց՝ բուժզննության. «Արթուր Վարդանյանի առողջությունը վատթարացել է, իր կյանքին վտանգ է սպառնում: Շուրջ մեկ տարի է, ինչ Արթուր Վարդանյանը բողոքում է առողջական վիճակից, մասնավորապես՝ չկարգավորվող ջերմությունից, ճնշման տատանումից, գլխապտույտից, որովայնի շրջանում սուր ցավերից: Արդեն անզեն աչքով էլ երեւում է, որ աչքերի մեջ կա դեղնություն, մարմնի որոշ մասերին՝ կարմրավուն կետեր»: Նա ասաց, որ Քրեակատարողական հիմնարկում տեղյակ են Արթուրի վիճակի մասին, նրա ջերմությունը տատանվում է 37-ի սահմանում, նրան զննել են տարբեր մասնագետներ՝ թոքաբան, նյարդաբան, սրտաբան, թերապեւտ, 2 անգամ կատարվել է թոքերի ռենտգեն, մեզի արյան ընդհանուր, բիոքիմիական անալիզներ է տվել, նրա մոտ ախտորոշվել է բրոնխիտ, բուժման կուրս է ստացել, բայց առողջական վիճակը ոչ միայն չի լավացել, այլ նաեւ վատթարացել է: Նա ասաց, որ Վարդանյանը գիշերվա ժամերին արթնանում է շնչահեղձումից, ջերմությունը չի կարգավորվում, աչքերի մեջ դեղնությունն ավելացել է, վերջին շրջանում անզգայացել են ձեռքի, ոտքի մատները: Նա ասաց, որ Վարդանյանի առողջական վիճակը բացասական դինամիկա է գրանցել, ուստի միջնորդում է նրան տեղափոխել քաղաքացիական հիվանդանոց: Եզրափակելով իր միջնորդությունը՝ Բաղդասարյանն ասաց. «Ես ցանկանում եմ, որ դատարանը քննի միջնորդությունը, որպեսզի հետագայում մի գեղեցիկ օր էլ մենք վեր կենանք տեսնենք, որ կարող է Վարդանյանը կյանքին հրաժեշտ տա, այդ ժամանակ դատարանը թող մտածի իր պատասխանատվության մասին»: 

Սա լսելուն պես, ազատամարտիկ Ապար մականունով հայտնի Էդուարդ Ներսիսյանը, որը բավական լուրջ առողջական խնդիրներ ունի, դժգոհեց. «Կարո՞ղ ա մի քանի տարի էլ մնանք ստեղ, այ մարդ, այ քեզ բան»:

Սույն գործով հաջորդ դատական նիստը տեղի կունենա ապրիլի 13-ին՝ ժամը 11:00-ին:

Տպել
2314 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց