Շարքային Հայկ Մինասյան. առաջնագծում գտնվելու մասին ընտանիքի անդամներին չէր ասել

Մեր ժամանակի հերոս Հայկ Մինասյան. Հայկ Մինասյանը ծառայում էր ԼՂՀ Մարտակերտի շրջանի զորամասերից մեկում որպես կապավոր: Մեծ սիրով է մեկնել ծառայության ու նվիրված եղել իր գործին:

Ապրիլյան պատերազմի օրերին Հայկը առաջնագծում է եղել, մարտնչել ու աչքի ընկել իր քաջությամբ: 2016թ.-ի ապրիլի 26-ի` լույս 27-ի գիշերը, հրետանային դիվիզիոնի կրակի կառավարման կետում, հրետակոծության հետևանքով Հայկը մահացու վիրավորում է ստացել սրտի շրջանում:

Հայկ Մինասյանը ծնվել է 1996 թ. Ուկրաինայի Հանրապետության ՝ Խարկով քաղաքում: 2001 թվականին ընտանիքը վերադարձել է հայրենիք ու մշտական բնակություն հաստատել Վանաձոր քաղաքում: Սովորել է Վանաձորի Պուշկինի անվան թիվ 4 դպրոցում: Հայկը բավական հավասարակշռված, համեստ ու զուսպ անձնավորություն էր, լավ ընկեր, քույրերի համար լավ ու նվիրված եղբայր: Իր մեջ անսահման բարություն կար, ամեն ինչում աշխատում էր լավ գծեր տեսնել ու բոլորին հուսադրել, որ ամեն ինչ լավ է լինելու:

Ծառայության ընթացքում ընտանիքի անդամներից շատ բան չէր խնդրել: Վերջին անգամ ուզածը լուսարձակ ու ձեռնոց էր. Հայկն աչքի էր ընկնում նաեւ իր հանդարտությամբ ու կշռադատված վարքագծով: Դեռ ուսանող, վաղ տարիքից աշխատած տղան արել է ամեն ինչ, ընտանիքի հոգսը թեթեւացնելու համար: Առաջնագծում գտնվելու մասին Հայկն ընտանիքի անդամներին չէր ասել: Այդ մասին իմացել են պատահաբար` հեռուստաընկերություններից մեկի կողմից Արցախից պատրաստված ռեպորտաժի կադրերում նրան տեսնելով:

Դեռ փոքր տարիքից Հայկը ձգտել է օգնել ընտանիքին: Տարբեր նախասիրություններ ուներ դպրոցում, սիրում էր մաթեմատիկա եւ ֆիզիկա առարկաները: Զբաղվել է ձեռնամարտով ու այլ տարբեր սպորտաձևերով:
Այս ամենին զուգահեռ, շատ գեղեցիկ նկարում էր: 2011 թ. ընդունվել է Վանաձորի Եվրոպական քոլեջ, որից հետո ուսումը շարունակել է Երեւանի Եվրոպական համալսարանի ծրագրավորում եւ կառավարում բաժինը: 2015 թ. ուսումը կիսատ թողնելով Հայկն անցնում է ծառայության:

Հայկ Մինասյանը Սերժ Սարգսյանի կողմից հետմահու պարգեւատրվել է «Մարտական ծառայություն» եւ «Հայրենիքի պաշտպանության համար» մեդալներով, ԼՂՀ Նախագահի կողմից՝ «Արիության համար» մեդալով: Ի պատասխան Հերոսի սխրանքի՝ Պուշկինի անվան դպրոցում դասասենյակ է բացվել, իսկ քոլեջում, որտեղ սովորել է, «Փառքի անկյուն», այն վայրում, որտեղ Հայկը զոհվել է, հուշաքար է տեղադրված, իսկ զորամասում անկյուն կա նվիրված Մերօրյա Հերոսին:

Տպել
2443 դիտում

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է

Գյումրիում մեծ տոնախմբություն է. նշվում է քաղաքի օրը (լուսանկարներ)

Երեւանյան բնակարանում հայտնաբերվել է ԱԱԾ նախկին աշխատակցի դին, կողքին՝ ատրճանակ. Shamshyan.com

Էստոնիայի հավաքականի պաշտպանը տեղափոխվեց Ալաշկերտ

«Մալաթիա մոլ»-ի շենքում բռնկված հրդեհի հետեւանքով տուժած բոլոր քաղաքացիները դուրս են գրվել հիվանդանոցներից

Փաշինյանը հրապարակել է իր եւ տիկնոջ լուսանկարը՝ գովազդելով հայկական արտադրության վերնաշապիկները

Հունան Պողոսյանը արտահերթ խորհրդակցություն է հրավիրել՝ Սյունիքի մարզում աննախադեպ հրդեհների առնչությամբ

Արայի լեռան ստորոտում հրդեհաշիջման աշխատանքները շարունակվում են. առկա է 5 ծխացող օջախ

ՊԵԿ-ը 1 մլն 938 հազար դրամով տուգանել է «Ֆլեշ» ընկերությանը

«Պրծնենք, սաղիդ տանելու եմ «Փարվանա», պատիվ տամ». Սամվել Ալեքսանյանը գոհ է հրշեջների աշխատանքից

Մեկ օրում ՀՀ տարածքում գրանցվել է խոտածածկ տարածքներում բռնկված 75 հրդեհ

G7-ի ղեկավարները դեմ են Իրանի՝ միջուկային զենք ունենալուն

Գյումրին պատրաստ է քաղաքի տոնին. միջոցառմանը ներկա է լինելու նաեւ վարչապետ Նիկոլ Փաշինյանը