«Սկրիպալի գործը» շրջվում է Բրիտանիայի դեմ. Մոսկվան Լոնդոնից ներողություններ է պահանջում

Ռուսաստանը Քիմիական զենքի արգելման կազմակերպությունից ստացել է բրիտանական Սոլզբերիում ռուսաստանցի նախկին լրտես Սերգեյ Սկրիպալի եւ նրա դստեր թունավորման գործով ուղղված հարցերի պատասխանները:  

Ինչպես հայտնում է РИА Новости-ն, կազմակերպությունում ՌԴ-ի ներկայացուցչությունն այժմ ուսումնասիրում է պատասխանները: «Երեկ Քիմիական զենքի արգելման կազմակերպությունից պատասխանները փոխանցել են մեր ներկայացուցչությանը, դրանք ուսումնասիրվում են»,- հայտնել է դիվանագիտական աղբյուրները:

Ավելի վաղ հայտնի էր դարձել, որ Մոսկվան բրիտանական Սոլզբերիում ռուսաստանցի նախկին լրտես Սերգեյ Սկրիպալի եւ նրա դստեր թունավորման գործով 13 հարց էր ուղարկել Քիմիական զենքի արգելման կազմակերպությանը: Հարցերից մեկը վերաբերում նրան, թե «Սկրիպալի գործով» պաշտոնական Լոնդոնն ինչ օգնություն է հայցել կազմակերպությունից:

Նշենք, նաեւ այսօր Մոսկվայի պահանջով Հաագայում Քիմիական զենքի արգելման կազմակերպության մասնակից երկրների հանդիպում է հրավիրվել: Առիթը Բրիտանական Փորթոն Դաուն լաբորատորիայի՝ նախօրեին կատարած հայտարարությունն է:

Լաբորատորիայի մասնագետները նշել էին, որ չեն կարող հաստատել ռուսաստանցի նախկին լրտես Սերգեյ Սկրիպալի եւ նրա դստեր թունավորման ժամանակ օգտագործված նյարդապարալիտիկ նյութի հստակ աղբյուրը: Լաբորատորիան հայտարարել է, որ իրենց գործը չէ ասել, թե որտեղ է այն արտադրվել:

Միեւնույն ժամանակ, ըստ Daily Mail-ի հաղորդման, «Սկերպալի գործում», որը քննում են բրիտանական հատուկ ծառայությունները, եւս մեկ ռուսաստանցի է հայտնվել: «Սկրեպալի եւ նրա դստեր թունավորումից անմիջապես առաջ նա Մոսկվայից «Աէրոֆլոտի» չվերթով ժամանանել է Լոնդոն եւ կարճ ժամանակ հանց հեռացել: Հատուկ ծառայությունները հետաքրքրվել են այդ անձով, որն ամենայն հավանականությամբ արդեն լքել է Մեծ Բրիտանիան», - գրում է պարբերականը:

Սկրիպալի գործի վերաբերյալ իր մեկնաբանություններն է կատարել Ռուսաստանի նախագահի մամուլի քարտուղար Դմիտրի Պեսկովը Անկարայում լրագրողների հետ զրույցի ժամանակ:

«Հարց է ծագում, թե ինչի վրա էր հիմնվում բրիտանական կողմը: Այժմ բրիտանական կողմը պարտավոր է այդ հարցին պատասխանել: Ռուսական կողմը հենց սկզբից էլ ասում էր, որ այս ամենի հետ կապ չունի:

Իսկ Մեծ Բրիտանիայի արտգործնախարարը, ով նախագահ Պուտինին էր մեղադրում, ինչպես նաեւ Բրիտանիայի վարչապետը պետք է ինչ-որ կերպ նայի Եվրամիության իրենց գործընկերների աչքերին, որոնց նրանք ինչ-որ բաներ են պատմել, եւ նաեւ պետք է ռուսական կողմից ներողություն խնդրեն: Անշուշտ, սա երկար պատմություն է եւ այս «մարազմը» արդեն շատ հեռուն է գնացել»,- նշել է Պեսկովը: 

Մեծ Բրիտանիան Ռուսաստանին է մեղադրում Սերգեյ Սկրիպալի ու նրա դստեր թունավորման համար: Ավելին, Մեծ Բրիտանիայի արտաքին գործերի նախարար Բորիս Ջոնսոնը հայտարարել էր, որ Ռուսաստանի նախագահ Վլադիմիր Պուտինը անձամբ է որոշում կայացրել թունավորել ՌԴ նախկին սպա Սերգեյ Սկրիպալին:

Մոսկվան մերժում է իր դեմ ներկայացված մեղադրանքները եւ պնդում, որ բրիտանական կողմը դրանք հավաստող որեւէ ապացույց չի ներկայացրել: Կրեմլի խոսնակ Դմիտրի Պեսկովը Ջոնսոնի հայտարարությունն անվանել էր դիվանագիտական էթիկայի կոպտագույն խախտում:

Այնուհետեւ Ռուսաստանի դեմ դիվանագիտական պատերազմ հիշեցնող միջազգային արշավ: Ավելի քան 16 պետություն արտաքսեց ՌԴ-ի դիվանագետների, ինչին Ռուսաստանը սկսեց տալ «հայելային պատասխան»:

Հատկանշական է, որ ԱՄՆ-ի պետդեպարտամենտը, ըստ CNN հեռուստաընկերության, հայտարարել է, որ Ռուսաստանը կարող է նախկինում երկրից արտաքսված դիվանագետների փոխարեն նորերին ուղարկել:

«Ինչպես միշտ եղել է նման իրավիճակներում, Ռուսաստանի կառավարությունը կարող է դիվանագիտական առաքելությունում թափուր պաշտոնների համար դիվանագետների հավատագրման համար դիմում ներկայացնել»,- հայտարարել է Պետդեպարտամենտի ներկայացուցիչը: Պետդեպարտամենտի ներկայացուցչը նշել է, որ դիվանագիտական հավատարմագրման յուրաքանչյուր նոր հարցում առանձին կքննարկվի:

Տպել
2861 դիտում

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքի ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում

Այսօր ՏԻՄ ընտրություններ են ՀՀ 7 մարզերի 16 համայնքներում