«Սմերչ»-ի հրթիռները կրակելիս չեն պայթում. Ադրբեջանը դժգոհ է ռուսական զենքի որակից

Ադրբեջանը դժգոհություն է հայտնել մատակարարվող ռուսական զենքի որակից՝ նշելով, որ Ռուսաստանը չի կատարում պայմանագրով ստանձնած բոլոր պարտավորությունները: Այս մասին, հղում կատարելով իր աղբյուրներին, հայտնում է Լեհաստանում տեղակայված «Беларуская Праўда» պարբերականը: Հրապարակումը մեջբերում է Lenta.ru-ն:

«2017թ. վերջին ռուս-ադրբեջանական ռազմատեխնկական համագործակցության հանձնաժողովի փակ նիստում Բաքուն բարձրացրել է այդ հարցը եւ հատուկ ուշադրություն է հրավիրել այն բանի վրա, որ Ռուսաստանը չի կատարում պայմանագրով ստանձնած բոլոր պարտավորությունները՝ կապված Ադրբեջանին ռազմական տեխնիկայի մատակարարումների հետ»,- ասված է հրապարակման մեջ:

Նիստի ժամանակ ադրբեջանական կողմը, նշում է պարբերականը, դժգոհություն է հայտնել Տ-90Ս, ԲՄՊ-3, ԲՏՌ-82, «Մստա-Ս» ինքնագնաց հրետանային համակարգի, «Սմերչ» ՀԿՀՀ-ի, «Թոփ-Մ2» ԶՀՀ-ի եւ այլ տեսակի ռուսական սպառազինությունների որակից:

«Մատակարարված տեխնիկան չի համապատասխանում պայմանագրով սահմանված տեխնիկական կոմպլեկտացիային, բացակայում է տեխնիկական փաստաթղթերը, սպառազինության որոշ նմուշներ շարքից դուրս են եկել արտադրական դեֆեկտի պատճառով, բացի այդ բացակայում են ընթացիկ վերանորոգման համար պահեստամասերը»,- պատճառաբանել է ադրբեջանական կողմը, նշելով, որ «Սմերչ» ՀԿՀՀ-ները կրակելիս չեն պայթում:

Նրանք նաեւ ընդգծել են, որ ԲՏՌ-82Ա-ի համար նախատեսված զինամթերքը չի հասնում նշանակետին, իսկ Մի-35 ուղղաթիռների մոտ այնպիսի խնդիրներ են առաջանում, որոնք թույլ չեն տալիս գործի դնել շարժիչը:

Հատկանշական է, որ 2016 թ.-ին ապրիլին առաջնագծում լայնածավալ ռազմական բախումների ժամանակ ադրբեջանական կողմը, ըստ Արցախի ՊԲ-ի, «Սմերչ» համակարգերի կիրառման անհաջող փորձ էր կատարել: Պաշտոնական տեղեկատվության համաձայն՝ այդ համակարգերի հրթիռները թեպետ տեղ էին հասել, սակայն չէին պայթել:

Իսկ վերջին շրջանում ռուսաստանցի մի քանի բարձրաստիճան պաշտոնյաներ Երեւանում հայտարարեցին, որ Մոսկվան հետեւություններ է կատարել «ապրիլյան պատերազմից» եւ մեծ ծավալներով զենքի մատակարարումներ չի իրականացնելու Ադրբեջանին:

«Մոսկվայում հասկացել են, որ Ադրբեջանին սպառազինելը անզգուշություն էր»,- Երեւան-Մոսկվա տեսակամուրջի ժամանակ հայտարարել էր  ՌԴ Պետդումայի ԱՊՀ, եվրասիական ինտեգրացիայի եւ հայրենակիցների հետ կապերի հարցերով հանձնաժողովի փոխնախագահ Կոնստանտին Զատուլինը: Նրա խոսքով, մարդիկ, որոնք ուղեգծում են ՌԴ արտաքին քաղաքականության ադրբեջանական կուրսը, հաշվի չեն առել Բաքվի ագրեսիվության մակարդակը եւ բազմաթիվ հայտարարություններ այն մասին, որ մտադիր են ղարաբաղյան հակամարտությունը լուծել ռազմական ճանապարհով:

Ռուսաստանը չի շարունակի նույն մասշտաբներով սպառազինություն մատակարարել Ադրբեջանին, որը կար մինչեւ 2016թ. ապրիլյան պատերազմը: Այս մասին էլ Երեւանում մարտի 14-ին հայտարարել էր ՌԴ Դաշնային ժողովի Դաշնության խորհրդի միջազգային գործերով կոմիտեի նախագահ Կոնստանտին Կոսաչովը:

Հայաստանի Ազգային ժողովում լրագրողների հետ հանդիպմանը Կոսաչովը նշել էր, որ Ռուսաստանը իրականացնում է այն պայմանագրերը, որոնք Ադրբեջանի հետ կնքվել են մինչեւ 2016թ. ապրիլ: «Մենք պարտավոր ենք անել դա այդ պայմանագրերին համապատասխան: Սակայն իմ ունեցած տեղեկատվությամբ դա չի լինի այն մասշտաբներով, որը կար 2016թ. ապրիլի դրությամբ: Անկասկած, մենք արձագանքում ենք իրավիճակին, որը տեղի ունեցավ 2016թ. ապրիլին»,- ասել էր Կոսաչովը:

Տպել
8048 դիտում

Արա Շահվերդյան, Ռոբերտ Բեգլարյան. հայտնի են Իրանի խորհրդարան անցած հայ պատգամավորների անունները

Հայաստանն ու Շվեյցարիան կհամագործակցեն Մասնագիտական կրթության և ուսուցման ոլորտում

«Նորք - Մարաշ» բժշկական կենտրոնում 2-րդ անգամ իրականացվել է սրտի աորտալ փականի փակ ներանոթային վիրահատություն

Հայաստանի ու Արցախի փոխգործակցությունը մեր ժողովրդի անվտանգության կարևորագույն բաղադրիչն է.Նիկոլ Փաշինյան

«Չարչարանքներ ըստ Հովհաննու». 20 տարվա ընդմիջումից հետո Հայաստանում հնչել է Բախի ստեղծագործությունը

Աղբահանության հիմնարկն ու «Վեոլիա Ջուրը» մայրաքաղաքի անձրեւատարները մաքրելու հույսը դնում են մեկը մյուսի վրա

Անցած 7 օրում հակառակորդը 190 անգամ խախտել է հրադադարի ռեժիմը, հայ դիրքապահների ուղղությամբ արձակել 1800 կրակոց

Վազգեն Սարգսյանի անվան ռազմական համալսարանի ներկայացուցիչները Գյումրիում հանդիպել են ՇՄ ավագ դպրոցների աշակերտների հետ

«Էյ Բի Սի ֆարմացիա»-ն Շուկայի վերահսկողության տեսչական մարմնի կողմից վարչական պատասխանատվության է ենթարկվել

ԱԻՆ-ը փակ դռների վերաբերյալ ահազանգեր է ստացել Երևանից, Գյումրիից, Վանաձորից եւ Սևանից

Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն. ԱԻՆ

ՀՀ նախագահ Արմեն Սարգսյանը ցավակցական ուղերձ է հղել ԳԴՀ նախագահ Ֆրանկ-Վալտեր Շտայնմայերին

Հրշեջ-փրկարարները մարել են ՀՀ խոտածածկ տարածքներում բռնկված հրդեհները. դրանք ընդգրկել են մոտ 2.5 հա տարածք

ԻԻՀ-ում ՀՀ դեսպանությունը հորդորում է հայաստանցիներին կապ հաստատել ՀՀ դեսպանության հետ

Հրդեհ՝ Ինտերպոլի ազգային բյուրոյի մոտակայքում. հայտարարվել է հրդեհի բարդության «1-ԲԻՍ» կանչ

Ստեփանակերտում մեկնարկել է ՀՀ եւ ԱՀ Անվտանգության խորհուրդների համատեղ նիստը

Լարսի ռուսական կողմում կա կուտակված 656 բեռնատար. ԱԻՆ

Փրկարարներն արգելափակումից դուրս են բերել 2 ավտոմեքենա, օգնություն է ցուցաբերվել 2 քաղաքացու. ԱԻՆ

Ով ինչ ուղերձներ հղեց մյունխենյան «հայացքների մենամարտում»

Արման Թաթոյանն այցելել է զորամասեր, հանդիպել զինվորների հետ