Ես որեւէ մեղավորություն չունեմ, մեղադրանքն անհիմն է եւ անօրինական. Նորատուսցի Ալիկ

2016 թվականի նոյեմբերի 13-ին Շենգավիթ վարչական շրջանում գործող «Լիա» գեղեցկության սրահին կից նկուղում տեղի ունեցած աղմկոտ սպանության գործով նիստին այսօր քրեական հեղինակություն Նորատուսցի Ալիկ մականունով հայտնի Ալիկ Բանդուրյանը հրաժարվեց դատարանում ցուցմունք տալուց:

Բանդուրյանն այսպիսով օգտվեց իր սահմանադրական իրավունքից, ինչի պայմաններում էլ, դատավոր Նելլի Բաղդասարյանը հրապարակեց նրա նախաքննության ընթացքում տված ցուցմունքները: Ընդհանուր առմամբ՝ պարզ դարձավ, որ Բանդուրյանի ցուցմունքները տեւել են մի քանի րոպե: Ավելին՝ պարզվեց, որ Ալիկ Բանդուրյանը որպես կասկածյալ հարցաքննվելիս չի ճանաչել այժմ իր հետ ամբաստանյալի աթոռին հայտնված մեկ այլ քրեական հեղինակություն Չարբախցի Գեղամ մականունով հայտնի Պետրոս Իսրայելյանին:

Որպես կասկածյալ հարցաքննվելիս Բանդուրյանը չի ցանկացել, որպեսզի իր հարցաքննությունը տեսաձայնագրառվի, ինչի պատճառով էլ այն ընդհատվել է: Առաջադրված հարցերին ի պատասխան Նորատուսցի Ալիկն ասել է, որ կասկածանքն իր հետ որեւէ առնչություն չունի. «Կարծում եմ, համոզված եմ, որ այն երբեւէ չի հիմնավորվի, հետեւաբար որեւէ հայտնելու բան չունեմ»,- մասնավորապես, նշել է նա: Ինչ վերաբերում է դեպքի օրը սպանված Մուշեղ Մուշեղյանին, ապա Ալիկ Բանդուրյանը հայտնել է, որ Մուշեղն իր շրջապատի մարդկանցից է եղել, սակայն երկու տարի նրա հետ շփում չի ունեցել: Իսկ նրա մահվան մասին իմացել է դեպքից մի քանի օր հետո:

Քննիչի հարցին, թե որտե՞ղ է եղել դեպքի օրը՝ նոյեմբերի 12-ին, Նորատուսցի Ալիկը պատասխանել է՝ Դիլիջան քաղաքում:

Որպես մեղադրյալ հարցաքննվելիս Նորատուսցի Ալիկը նշել է, որ իրեն առաջադրված մեղադրանքը շինծու. «այն անհիմն եւ անօրինական, հրաժարվում եմ ցուցմունք տալուց»,- ասել է նա եւ առանց պատճառաբանության հրաժարվել ստորագրելուց: Ալիկ Բանդուրյանը հարցաքննվել է նաեւ 2017 թ. մայիսին եւ կրկին պնդել, որ որեւէ առնչություն չունի. «Ես որեւէ մեղավորություն չունեմ, այն անհիմն է, շինծու եւ դրանում նշված հանգամանքները իրական չեն»,- ասել է նա:

Ալիկ Բանդուրյանը մեղադրվում է այն բանի համար, որ նա 2016թ. նոյեմբերի 13-ին Պետրոս Իսրայելյանին դրդել է այլ անձանց հետ համատեղ Մուշեղ Մուշեղյանի առողջությանը դիտավորությամբ ծանր վնաս պատճառել:

Շենգավիթ վարչական շրջանում գործող «Լիա» գեղեցկության սրահի նկուղային հարկում կրակոցներ էին հնչել, որի հետեւանքով 25-ամյա Գեւորգ Ավետիսյանը տեղում մահացել է, իսկ հրազենային վիրավորում ստացած 38-ամյա Մուշեղ Մուշեղյանը եւ 35-ամյա Արամ Պետրոսյանը տեղափոխվել էին «Սուրբ Աստվածամայր» բժշկական կենտրոն: Ավելի ուշ, ստացած վնասվածքներից մահացել էր նաեւ Մուշեղ Մուշեղյանը:

Սույն քրեական գործով մեղադրվում են քրեական հեղինակություններ Ալիկ Բանդուրյանը (Նորատուսցի Ալիկ), նրա թիկնապահ, Բդո մականունով հայտնի Արմեն Գասպարյանը եւ Չարբախցի Գեղամ մականունով հայտնի Պետրոս Իսրայելյանը:

Տպել
2690 դիտում

Փրկարարները արգելափակումից դուրս են բերել մեքենաներ Գեղարքունիքիեւ Շիրակի մարզերում

Արցախի ոստիկանների կողմից հետախուզվողը հայտնաբերվել է Երևանում

Ոստիկանի նկատմամբ բռնություն գործադրելու եւ գողության մեջ մեղադրվող երիտասարդը մեղադրանքը մասնակի է ընդունել. պաշտպան

Ձնահյուսի վտանգի պատճառով Ստեփանծմինդա-Լարս ավտոճանապարհը փակ է բոլոր մեքենաների համար

Ֆրեզնոյում գտնվող Սարոյանի տուն-թանգարանում թարմացված հոլոգրամի առաջին ցուցադրությունն է եղել

ՀՀ նախագահը ստացել է ՀՀ ՌՈ պետին եւ ԶՈՒ բարձրաստիճան պաշտոնյային պաշտոններից ազատելու մասին միջնորդագրերը

Լոռու մարզպետարանում խորհրդատուի 2 հաստիք է բացվել, նշանակվել են մարզպետի վստահելի մարդիկ. դիպլոմ չունենալը էլ խնդիր չէ

ՔԿ զինվորական քննչական գլխավոր վարչության պետն ընդունել է մահացած զինծառայող Տիգրան Մխոյանի հարազատներին

Ֆելիքս Ցոլակյանը երեխաներին է նվիրում «Աղետների ռիսկի նվազեցման կրթություն» վարքականոնների մասին գրքեր

Հզոր «Լիվերպուլը» ոչ մի հարված չի կատարել «Ատլետիկոյի» դարպասին. պարտվել է 0:1 (տեսանյութ)

Խոզերի կերի մեջ հայտնաբերվել են աղիքային խմբի մանրէներ և բորբոսասնկեր. ՍԱՏՄ

Հրդեհ Լերմոնտովո գյուղի բնակելի տներից մեկում. տուժածներ չկան

Նորին Մեծություն Դանիայի թագուհի Մարգրետե Երկրորդն ընդունել է ՀՀ ԱԺ նախագահ Արարատ Միրզոյանին

Փետրվարի 13-ին 3-րդ հարկից ընկած 1,5 տարեկան փոքրիկի վիճակը լավ է, շաբաթվա վերջում դուրս կգրվի

Պաշտպանի աջակցությամբ ՀՀ քաղաքացուն նշանակվել է ՌԴ-ում ծնված երրորդ երեխայի 1 միլիոն դրամ նպաստը

Երեկ դանակահարված անչափահասներից մեկի վիճակը միջին ծանրության է, մյուսինը՝ կայուն

Սերժ Սարգսյանի եւ մյուսների գործով առաջին նիստի օրը հայտնի է

Քրեական ենթամշակույթն ու դրա օրենքները ստեղծում են հանցավոր միջավայր. քննարկում գլխավոր դատախազությունում

Ա. Սարգսյանն ընդունել է Չինաստանի դեսպանին, ստացել Չինաստանի նախագահի շնորհակալությունը

ՊԵԿ-ը 2020 թվականի հունվար ամսին պետական բյուջե է հավաքագրել 161 մլրդ 879 մլն դրամ հարկեր