Հրայր Թովմասյանը ԱԺ-ից իր հետ ՍԴ է տանում նաեւ Արսեն Բաբայանին

Շուտով Սահմանադրական դատարանից հեռանալու է եւս մեկ հնաբնակ: «Հայկական ժամանակ»-ին հայտնի դարձավ, որ 2018 թվականի ապրիլի 12-ին լրանում է ՍԴ աշխատակազմի ղեկավար Առուշան Հակոբյանի կենսաթոշակի տարիքը: Հակոբյանն այս պաշտոնին է 1996 թվականից՝ 22 տարի:

ՀԺ-ն Առուշան Հակոբյանից հետաքրքրվեց՝ ճի՞շտ է, որ առաջիկայում թոշակի է գնալու եւ իրեն այլ կադրով են փոխարինելու: «Չեմ կարող ասել, որովհետեւ ես տեղեկություններ չունեմ»,- ասաց ՍԴ աշխատակազմի ղեկավարը եւ հաստատեց, որ իր թոշակի տարիքը լրանում է ապրիլի 12-ին:

«Հայկական ժամանակ»-ը տեղեկություններ ունի, որ ՍԴ նորընտիր նախագահ Հրայր Թովմասյանն Ազգային ժողովի աշխատակազմի ղեկավարի տեղակալի պաշտոնակատար, ԱԺ հանրային կապերի վարչության պետ Արսեն Բաբայանին առաջարկել է Սահմանադրական դատարանի աշխատակազմի ղեկավարի պաշտոնը: Բաբայանը բոլորովին վերջերս դարձավ ԱԺ աշխատակազմի ղեկավարի տեղակալ եւ այս պաշտոնը ՍԴ աշխատակազմի ղեկավար դառնալու ճանապարհին կարեւոր տրամպլին կհանդիսանա:  Ըստ մեր աղբյուրի, Բաբայանն ընդունել է այս առաջարկը: Այժմ վերջինս ԱԺ նախագահ Արա Բաբլոյանի հետ գտնվում է Ժնեւում եւ Հայաստան վերադառնալուն պես նրա՝ ՍԴ տեղափոխման գործընթացը կսկսվի: Ուշագրավ է, որ Արսեն Բաբայանն արդեն փակել է ֆեյսբուքյան իր էջը:

Այս տեղեկությունից ՍԴ աշխատակազմի գործող ղեկավար Առուշան Հակոբյանն անակնկալի եկավ եւ արձագանքեց. «Տեղեկություն չունեմ, չեմ ճանաչում, առաջին անգամ եմ լսում»,- ասաց նա:

Արսեն Բաբայանը նախկին դատախազ Հակոբ Բաբայանի որդին է: Ավագ Բաբայանը ջերմ կապեր ունի ՍԴ նորընտիր նախագահ Հրայր Թովմասյանի հետ: Տեղեկություններ կան, որ Հրայր Թովմասյանն էր բարեխոսել, որ Արսեն Բաբայանին ԱԺ-ում աշխատանքի վերցնեն: Բաբայանը ԱԺ տեղափոխվեց Դատական դեպարտամենտի միջազգային համագործակցության եւ հասարակայնության հետ կապերի ծառայության պետի պաշտոնից, իսկ մինչ այդ  ՀՀ ԱՆ քրեակատարողական վարչության հասարակայնության հետ կապերի բաժանմունքի պետն էր:

Լուրը տպագրվել է «Հայկական ժամանակ» օրաթերթի մարտի 27-ի համարում:

Տպել
2260 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան