ԵԼՔ-ն ավագանու նիստերի լուսաբանման վերաբերյալ հակընդդեմ օրենսդրական նախաձեռնություն կմշակի

Երեւանի ավագանու ԵԼՔ խմբակցության անդամ Դավիթ Խաժակյանը բացասական է գնահատում ԱԺ այսօրվա արտահերթ նիստում «Կառավարության կառուցվածքի եւ գործունեության մասին» օրենքի եւ հարակից օրենքների նախագծերի փաթեթի զեկուցման ժամանակ արդարադատության նախարար Դավիթ Հարությունյանի այն հայտարարությունը, որ Երեւանի ավագանու նիստերն այսուհետ լուսաբանվելու են նույն կարգով, ինչպես Ազգային ժողովում:

Արտահերթ նիստի ժամանակ Դավիթ Հարությունյանն ասաց, որ Ազգային ժողովի աշխատանքն ավելի արդյունավետ է, երբ լրագրողները չեն խոչընդոտում խորհրդարանի աշխատանքը: Նա նշեց, որ ուղիղ հեռարձակման շնորհիվ լրագրողները հնարավորություն ունեն ե՛ւ տեսնել, ե՛ւ ձայնագրել նիստի ընթացքը, ուրեմն նույն դրույթը կներառվի նաեւ Երեւանի ավագանու նիստերի դեպքում:

Երեւանի ավագանու ԵԼՔ խմբակցության անդամ Դավիթ Խաժակյանը, անդրադառնալով խնդրին, գրառում է կատարել ֆեյսբուքյան իր էջում, որտեղ ասված է, թե ԱԺ մտցրած օրենքը ԵԼՔ խմբակցության երկու գործողությունների պատասխանն է.

«Երեւանի քաղաքապետը «հանձնարարել» է կառավարությանն Ազգային Ժողով արագացված տեմպերով բերել եւ անցկացնել այնպիսի օրենք, որը պատասխանում է Երեւանի ավագանու ԵԼՔ խմբակցության երկու գործողություններին.

1. Լրագրողների գործունեության սահմանափակումը նիստերի լուսաբանման ընթացքում կանխելու համար խմբակցության կողմից հայցի նախապատրաստմանը,
2. Խմբակցության կողմից ավագանու նիստին, ի դեմս Լեւոն Բարսեղյանի, հրավիրյալ ունենալու փորձին:

Այս փոփոխությունները բերվել են այսօր՝ արտահերթ կարգով եւ ներառվել են, որպես լրամշակում՝ երկրորդ ընթերցման շրջանակում: Սա արդեն երկրորդ դեպքն է, երբ խմբակցությունից խլում են նման ինստիտուցիոնալ հնարավորությունը»,- ասված է Խաժակյանի գրառման մեջ:

Մեր զրույցում Դավիթ Խաժակյանն ասաց, որ իրենք սպասում էին ավագանու նիստերը լուսաբանումների սահմանափակումներով անցկացնելու որոշմանը, որպեսզի այն վիճարկեին դատարանում.

«Օրենքում եղած ձեւակերպումները բավարար էին՝ գործողությունները վիճարկելու համար: Բայց, փաստորեն, կայացած նախորդ նիստին այդ փոփոխությունները կյանքի չկոչվեցին, սակայն շատ արագ, հապճեպ, ոչ ժողովրդավար կերպով օրենքը «սղացրին», եւ հիմա մենք պետք է վերագնահատենք եւ հասկանանք՝ ինչպես կարելի է վիճարկել քաղաքապետարանի որոշումը»,- ասաց Խաժակյանը:

Երեւանի ավագանու ԵԼՔ խմբակցության անդամն ասաց, որ Լեւոն Բարսեղյանն ինքն էր ցանկություն հայտնել մասնակցել մարտի 19-ին կայացած նիստին, երբ հայտնի դարձավ, որ քաղաքապետարանը ցանկանում է սահմանափակումներ մտցնել ավագանու նիստերի աշխատանքները լուսաբանելու հարցում.

«Մենք հրավերն ուղարկեցինք Լեւոն Բարսեղյանին, դիմեցինք քաղաքապետին՝ տեղեկացնելով, որ պարոն Բարսեղյանին հրավիրում ենք նիստին մասնակցելու, սակայն քաղաքապետարանը մերժեց դա՝ պարզաբանելով, որ հրավերը պետք է կապված լինի օրակարգի որեւէ նախագծի հետ, իսկ մենք քննարկելու էինք նաեւ նիստը անցկացնելու որոշումը վիճարկելու հնարավորությունները: Հայցի շրջանակներում պատրաստվում էինք նաեւ դրան անդրադառնալ: Սակայն հիմա օրենքում այնպիսի ձեւակերպումներ են տրվել, որոնք խմբակցությանն առաջին հայացքից զրկում են քաղաքացի հրավիրելու հնարավորությունից: Այժմ մենք մեր իրավաբանների հետ պետք է հասկանանք՝ այդ փոփոխությունը ինչ հետեւանքներ կարող է ունենալ, բայց արդեն հասկանալի է, որ այդ նախագծով որոշակի խոչընդոտներ ստեղծվել են»,- ասաց Դավիթ Խաժակյանը:

Վերջինս հավելեց՝ քանի որ օրենքը փոխվել է, իրենք մտածում են, թե որ ուղղությամբ է հնարավոր այն վիճարկել: Խաժակյանն ասաց, որ ԵԼՔ խմբակցությունը հնարավոր է՝  հանդես գա օրենսդրական նախաձեռնությամբ, որպեսզի օրենքի փոփոխությունները բերի ժողովրդավարական դաշտ:

Նշենք, որ Ազգային ժողովն այսօր 63 կողմ, 26 դեմ ձայներով երկրորդ ընթերցմամբ եւ ամբողջությամբ ընդունեց «Կառավարության կառուցվածքի եւ գործունեության մասին» եւ կից ներկայացված օրենքների փաթեթը, որտեղ ամրագրվում է նաեւ, որ Երեւանի քաղաքապետարանում ավագանու նիստերը լրագրողները կարող են լուսաբանել ուղիղ հեռարձակմամբ միայն:

Հիշեցնենք, որ Երեւանի ավագանու նիստերի լուսաբանումը սահմանափակելու որոշումը կայացվել էր ավագանու աղմկահարույց նիստից հետո:

ՀայԱրփի Բաղդասարյան

Նյութը տպագրվել է «Հայկական ժամանակ» օրաթերթի մարտի 24-ի համարում:

Տպել
1649 դիտում

Հանրապետականներն այդպես էլ ոչինչ չեն հասկացել

Դիլիջանի բաժին տեղափոխված «ֆորդի» սրահում մարիխուանայի տարբեր քաշերով զանգվածներ էին (տեսանյութ)

Զարեհ Սինանյանը Փարիզի հայկական վարժարանի վրա հարձակումը վանդալիզմ է որակել

Հնդկաստանը դադարեցրել է ռազմական արտադրանքի արտահանումը Թուրքիա

Գորիս-Որոտան ավտոճանապարհին մեքենա է կողաշրջվել

Փոխվարչապետ Տիգրան Ավինյանը հանդիպել է Վրաստանի էկոնոմիկայի ու կայուն զարգացման նախարարին

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է (տեսանյութ)

Սուրեն Պապիկյանի գլխավորությամբ կայացել է Լոռու մարզխորհրդի նիստ

Ներկայացված մեղադրանքը որեւէ աղերս իրականության հետ ունենալ չի կարող․ Արսեն Բաբայանի պաշտպան

Այսօրվանից մի շարք խոշոր հիվանդանոցներում առողջապահության նախարարությունը ունենալու է մշտական ներկայացուցիչներ. նախարար

ԵՊՀ-ի՝ հաշմանդամություն ունեցող ուսանողներին աջակցություն կտրամադրվի. դրա համար կընդունվեն հատուկ աշխատակիցներ

Քլոե Քարդաշյանը հայկական զինանշանով վզնոց է կրել (լուսանկար)

Կարմրուկով վարակված երեխան շարունակում է մնալ հոսպիտալացված. հիվանդությունը երբեմն շատ վտանգավոր կարող է լինել

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան

Գազամատակարարման պլանային ընդհատումներ են սպասվում Գեղարքունիքում և Տավուշում

Հարձակում է եղել Փարիզի հայկական վարժարանի վրա