Երևան
22 °C
Հայտնի դաշնակահար եւ դիրիժոր, ՌԴ վաստակավոր արտիստ Կոնստանտին Օրբելյանը 2016 թվականի մարտին նշանակվեց Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար, հետագայում նաև՝ նույն թատրոնի տնօրեն:
Վերջին շրջանում, սակայն տեղեկություններ կան, թե Օրբելյանը զղջում է, որ ժամանակին ընդունել է հայկական կողմի հրավերն ու տեղափոխվել է Հայաստան: Ավելին, նա, ըստ նույն աղբյուրների, հետ կվերադառնա ՌԴ՝ այնտեղից առաջարկ ստանալուն պես:
Մաեստրոն պատասխանել է «Հայկական ժամանակ»-ի հարցերին:
- Մաեստրո, Օպերային թատրոնի կուլիսներում ակտիվացել են զրույցները, որ Դուք զղջում եք Հայաստան գալու համար, Ձեզ չի հաջողվում անել այն, ինչ ցանկանում էիք: Ի՞նչն է խնդիրը, ի՞նչ խոչընդոտներ կան:
- Առաջին անգամ եմ լսում, որ ես ինչ-որ բանից դժգոհ եմ կամ զղջում եմ իմ կայացրած որոշման համար: Թատրոնն աշխատում է բավականաչափ հագեցած գրաֆիկով: Այժմ մեզ մոտ Ժորժ Մասնեի «Մանոն» օպերային ներկայացման փորձերն են ընթանում: Ներկայացումը բերվել է Մոսկվայի Ստանիսլավսկու եւ Նեմիրովիչ-Դանչենկոյի անվան թատրոնից: Այստեղ են ներկայացման բեմադրող-ռեժիսոր Անդրեյս ժագարսը իր ամբողջ թիմով՝ ոճաբաններ, ովքեր աշխատում են մեր երգչախմբի և մենակատարների զգեստների վրա, պարուսույց, ֆրանսերեն լեզվի ուսուցիչ և այլոք: Ի դեպ, այս ներկայացումը ես հատուկ բերել եմ Լիպարիտ Ավետիսյանի համար, որը Դե Գրիյեի դերերգի մարմնավորման համար «Ոսկե դիմակ» է ստացել «Լավագույն տղամարդ դերասան» անվանակարգում:
- Նաեւ տեղեկություններ կան, որ շատ եք ցանկանում հետ վերադառնալ ՌԴ: Եթե ձեզ այնտեղից առաջարկ արվի, կընդունե՞ք:
- Ես մշտապես Ռուսաստանում հանդես եմ գալիս ելույթներով, գնում եմ, երբ ցանկանում եմ: Ցանկալի հյուր եմ եւ՛ Սանկտ Պետերբուրգում, եւ՛ Մոսկվայում, դա խնդիր չէ: Սակայն իմ հիմնական աշխատանքն այստեղ է՝ Երևանում: Ես կարծում եմ՝ արդեն շատ բան է մեզ հաջողվել այստեղ անել եւ մոտ ժամանակներս բոլորը կտեսնեն հետաքրքիր եւ դրական արդյունք:
- Գաղտնիք չէ, որ մեր օպերային թատրոնը՝ բոլոր առումներով, չի համապատասխանում բարձր չափանիշների: Բայց մենք, կարծես թե, լուրջ դպրոց ենք ունեցել: Ձեր կարծիքով, ո՞րն է այս շարունակական անկման պատճառը՝ պետությո՞ւնն է աչքաթող անում, թե՞ դպրոց չկա կամ ֆինանս չկա: Ո՞րն է պատճառը:
- Ո՞վ է ասում, որ մեր թատրոնը չի համապատասխանում ինչ-որ ստանդարտների: Ես համաձայն չեմ: Մենք ունենք հիանալի երգիչներ, բալետն այստեղ բարձր մակարդակի վրա է: Ինչ վերաբերում է ֆինանսներին, ապա աշխարհում չկա որևէ թատրոն, որը չունի ֆինանսական խնդիր: Այո, մեզ մոտ էլ չի բավարարում, շատ բաների համար քիչ է գումարը՝ շենքի սպասարկման, տարեկան 3-ից 4 նոր բեմադրությունների համար: Ինչո՞ւ եմ ես պատրաստի ներկայացումներ բերում այլ քաղաքներից, որովհետեւ մենք դա չենք կարող բեմադրել, այն արժե կես միլիոն եվրո, նվազագույնը այդքան գումար էր անհրաժեշտ, որպեսզի անեինք այն, ինչն արել են, ենթադրենք՝ Մոսկվայում: Հենց սա է պատճառը, որ ես բերում եմ արդեն պատրաստի ներկայացումներ այլ թատրոններից, ինչպես օրինակ «Մանոն» օպերան, որի բեմադրության համար Մոսկվայի Ստանիսլավսկու եւ Նեմիրովիչ-Դանչենկոյի թատրոնը ծախսել է մոտ կես միլիոն եվրո, իսկ թատրոնը, խնայելով ֆինանսական միջոցները, կներկայացնի պատրաստի ներկայացում:
- Ի վերջո, ֆինանսական խնդիրները խոչընդոտո՞ւմ են ավելի ակտիվ գործունեություն ծավալելու համար:
- Ես ամեն ինչ անում եմ, որ չխոչընդոտվի, եթե չլինեի ես, ապա գուցե և նման խնդիրներ լինեին: Ես գտնում եմ հնարավորություններ և միջոցներ՝ հետաքրքիր նախագծեր իրականացնելու համար:
- Դուք Օպերային թատրոնի գեղարվեստական ղեկավարի պաշտոնը ստանձնելիս ասել էիք, որ ժամանակ է պետք, որպեսզի կարողանաք վերջնական կարծիք ձևավորել այս կամ այն երգչի մասին, հասկանալ, թե ինչպիսի ներկայացումներ կարող եք բեմադրել թատրոնում ունեցած ձայների հիման վրա: Որքանո՞վ է հստակեցվել Ձեզ համար դա այսօր: Առաջիկանում սպասե՞նք նոր պրեմիերաների:
- Ես արդեն ունեմ ձևավորած հստակ կարծիք մեր երգիչների մասին, գիտեմ՝ ով ինչպես է երգում, ով ինչ մակարդակի վրա է: Թատրոնի կազմն անընդհատ համալրվում է նոր երգիչներով, որը հիանալի և գովելի է: Մոտակա մի քանի ամսում մենք կունենանք պրեմիերա՝ Կարեն Խաչատուրյանի «Չիպոլինո» մանկական բալետային ներկայացումը: Այստեղ այն երբևէ չի ներկայացվել, չտեսնված երաժշտություն, շքեղ բեմադրություն: Այս ներկայացմամբ թատրոնում մանկական բեմադրությունների սկիզբ կդրվի: Առաջիկայում երիտասարդ ռեժիսոր Նաիրե Ստեփանյանը նորովի կբեմադրի Ժորժ Բիզեի «Կարմեն» օպերան: Պրեմիերային այս ներկայացումը կցուցադրվի նաեւ Դուբայի օպերային թատրոնում: 2018 թվականի սեպտեմբերին թատրոնը հյուրախաղերով կմեկնի Դուբայ՝ 2 բեմադրությամբ: Կներկայացնենք Ժ. Բիզեի «Կարմենը» և Մոցարտի «Կախարդական սրինգը» հանրահայտ Պաոլո Միչիկեյի բեմադրությամբ: Այս ներկայացման բեմական զգեստների ձևավորման համար Իտալիայից Հայաստան եմ հրավիրել զգեստների հանրահայտ մոդելավորող Ալբերտո Սպիացիին: Առաջիկայում կանցկացվի Արամ Խաչատրյանի միջազգային փառատոնը, որի շրջանակներում կներկայացվեն խաչատրյանական երեք բալետները:
- Ի՞նչ հիմնական դժվարությունների եք հանդիպում Օպերային թատրոնում աշխատելիս:
- Դժվարություններ կան յուրաքանչյուր գործի մեջ: Թատրոնում, օրինակ, լույսերի լամպերի հետ կապված խնդիրներ կան, քանի որ լույսերի 1/3-րդ մասը չի աշխատում: Նոր ներկայացման համար կամ ստիպված պետք է փոխենք գունային ներկապնակը, կամ էլ նախքան պրեմիերան պետք է գնենք բավական արժեքավոր այդ լամպերը, որովհետև նրանք արդեն իրենց դարն ապրել են եւ վառվել: Լամպերից յուրաքանչյուրը մոտ 500 դոլար է: Մեզ մոտ ներկայացումները միշտ սովորականից մութ են լինում ոչ այն պատճառով, որ այդպես է պետք, այլ այն պատճառով, որ բավարար չափով լամպեր չկան: Նմանատիպ բազմաթիվ խնդիրներ կան, որոնք կապված չեն արտիստների, երգիչների կամ օպերային թատրոնի աշխատանքի հետ: Օրինակ, հիմա պետք է գնել նոր պրոեկցիոն էկրան, որովհետև մեր ունեցածն արդեն օգտագործման ենթակա չէ: Եթե այստեղ ես չլինեի, հավանաբար, խնդիրներն ավելի շատ կլինեին: Թատրոնում շատ խնդիրներ լուծվում են իմ սեփական միջոցներով, այստեղ արդեն 6-7 դաշնամուր եմ գնել: Իմ աշխատավայրի դաշնամուրը հորեղբորս՝ Կոնստանտին Օրբելյանինն է:
Աղունիկ Հովհաննիսյան
Հարցազրույցը տպագրվել է «Հայկական ժամանակ» օրաթերթի մարտի 27-ի համարում:
Մանրամասները տեսանյութում
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում
Սահմանազատման հանձնաժողովների հրապարակած փաստաթղթում երկու բավականին դրական և հուսադրող միտում տեսա․ Արամ Սարգսյան
Առաջին անգամ կա հնարավորություն ունենալ սահմանազատված պետական սահման, որտեղ կտեղակայվեն սահմանապահներ. Հովհաննիսյան
© 2024 Հայկական ժամանակ