«Եվա» ֆիլմի իրանահայ ռեժիսորն ակնկալում է հայ մտավորականության աջակցությունը

«Ֆիլմմոր» միջազգային կինոփառատոնում արգելվել է ցուցադրել իրանահայ ռեժիսոր Անահիտ Աբադի «Եվա» ֆիլմը: Ֆիլմը նախատեսված էր մարտի 17-ին ցուցադրել Ստամբուլում, սակայն ցուցադրությունից ժամեր առաջ Ստամբուլի նահանգապետարանը զգուշացրել է Ներքին գործերի նախարարության կողմից դրված արգելքի մասին:

Համաձայն պոլսահայ համայնքի «Մարմարա» օրաթերթի հրապարակումների, «Ֆիլմմոր» կինոփառատոնի ներկայացուցիչներից Մելեք Օզմանը նշել է, որ ֆիլմն արգելվել է Ադրբեջանի ղեկավարության պաշտոնական միջամտությամբ: Ադրբեջանական կառավարության հաղորդագրության համաձայն, ֆիլմը «տպավորություն» է ստեղծում, թե Ղարաբաղը Հայաստանի մաս է, ինչն էլ, ըստ երեւույթին, թուրքական իշխանությունների կողմից անմիջապես ընդունվել է ի գիտություն, եւ կինոփառատոնի առջեւ արգելք է դրվել:

«Եվա» ֆիլմի գլխավոր ռեժիսորն ու սցենարի հեղինակը իրանահայ Անահիտ Աբադն է: Ֆիլմն արգելելու հնարավոր պատճառների եւ իրավիճակի շտկման համար իրականացվող քայելերի մասին «Հժ»-ն զրուցել է ռեժիսոր Անահիտ Աբադի հետ: Վերջինս մեզ փոխանցեց, որ արգելքի մասին առաջին անգամ թրքալեզու մամուլից է տեղեկացել: Այժմ պաշտոնական նամակով դիմել է «Ֆիլմմոր» փառատոնի տնօրենին ու սպասում է պատասխանի:

«Անկեղծ ասած, չէի սպասում, քանի որ ֆիլմը չունի արգելվելու որեւիցե պատճառ, սակայն քաղաքական դրդապատճառները միշտ էլ կարող են անկանխատեսելի լինել»,- ասաց Անահիտ Աբադը: Ռեժիսորը նաեւ նշեց, որ «Ֆիլմմոր» փառատոնը կանանց թեմատիկայով ֆիլմերի մեկամսյա ցուցադրություն էր իրականացնելու: Փառատոնին ընտրված շուրջ 20 ֆիլմերի թվում ընտրվել էր նաեւ «Եվա» ֆիլմը:

Նշենք, որ «Եվա» ֆիլմի արգելքի հարցը մարտի 19-ին Թուրքիայի խորհրդարանում բարձրացրել է նաեւ հայազգի պատգամավոր Սելինա Դողանը: Սելինա Դողանը մեջլիսի ղեկավարությանն է ներկայացրել Թուրքիայի ներքին գործերի նախարար Սուլեյման Սոյլուին ուղղված գրավոր հարցում՝ հետաքրքրվելով ֆիլմի ցուցադրումն արգելելու պատճառների մասին:

Դողանը իր հարցման մեջ նշել է, թե ներքին գործերի նախարարությունն արդյո՞ք ուսումնասիրել է ֆիլմի ժապավենը, եւ եթե այո, ապա ֆիլմի ո՞ր տեսարանն է պատճառ հանդիսացել նման արգելքի համար: Անահիտ Աբադը մեր զրույցում նշեց, որ անկախ նրանից, թե Սելինա Դողանի քայլը ինչ դրական արդյունք կտա, միեւնույնն է՝ անչափ շնորհակալ է Դողանից:

Իրանահայ ռեժիսորն ասում է, որ առաջին անգամ է, երբ իր նկարահանած ֆիլմը պաշտոնական արգելքի է հանդիպում, վերջինս ակնկալում է նաեւ հայ մտավորականության աջակցությունը, ասելով. «Եթե այս պահին մեր քաղաքացիները մենակ թողնեն «Եվա»-ին, ապա «Եվա»-ն կկորցնի համաշխարհային ճանաչում ունենալու հնարավորությունը»:

Անահիտ Աբադը վստահեցնում է, որ եթե հիմա ոչ մի քայլ չձեռնարկվի, ապա նմանօրինակ քայլերը, սադրանքները շարունակական կլինեն եւ կխանգարեն դրսում ապրող եւ ստեղծագործող հայերին: «Եթե մեր արվեստը նման դաժան ձեւերով սահմանափակվի, ապա ինչպես եմ ես՝ հայ արվեստագետս հետագա գործունեություն ծավալելու հայի, հայկականի մասին»,- մտահոգություն է հայտնում իրանահայ ռեժիսորը:

Ստամբուլից հետո փառատոնին ներկայացված «Եվա» ֆիլմը ցուցադրվելու էր Անթալիա, Իզմիր, Տրապիզոն, Բեդրում, Մարսյա, Ադանա եւ Դիարբեքիր քաղաքներում: Անահիտ Աբադը նշում է, որ «Եվա»-ն համամարդկային կոնտեքստում հանդիպող իրականության արտացոլանքն է. «Մի՞թե այսքան դժվար է համամարդկային թեմաները հանդուրժելը»,- ասում է նա:

Նշենք, որ իրանահայ ռեժիսոր Անահիտ Աբադը մինչ այս էլ ֆիլմեր է նկարել Հայաստանում, սակայն «Եվա»-ն նրա առաջին լիամետրաժ կինոնկարն է: «Եվա» Ֆիլմը դրամա է մի կնոջ մասին, որն ուզում է մոռանալ իր կյանքում տարիներ առաջ տեղի ունեցած մութ ու ծանր պատմությունը։ Նա դստեր հետ հեռանում է Երեւանից, հաստատվում  է Արցախում՝ ծանոթների մոտ։ Սակայն անցյալը ամենուր հետապնդում է նրան:

Ֆիլմը նկարահանվել է Արցախում։ Դերասաններն են Նարինե Գրիգորյանը, Շանթ Հովհաննիսյանը, Մարջան Ավետիսյանը, Ռոզի Ավետիսովան, Սերգեյ Թովմասյանը, Վրեժ Քասունին, Տիգրան Դավթյանը, Նանոր Պետրոսյանը, Էվելինա Ադամյանը, Մարատ Դավթյանը եւ այլք:

Աղունիկ Հովհաննիսյան

Նյութը տպագրվել է «Հայկական ժամանակ» օրաթերթի մարտի 22-ի համարում: 

Տպել
4577 դիտում

МИР քարտերի սպասարկման դադարեցում․ IDBank

Հուսով ենք, որ ՀՀ-ՆԱՏՕ համագործակցության նոր ձևաչափը կհաստատվի. վարչապետ

Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում

Զախարովան արձագանքել է ՀՀ վարչապետի խոսքերին

Պատկերված անձը որոնվում է նախաձեռնված քրեական վարույթի շրջանակներում (տեսանյութ)

Fly Arna-ի լիցենզիան կասեցված է. ՏԿԵ փոխնախարար

Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի (տեսանյութ)

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ՝ ՊԵԿ նախագահի առաջին տեղակալ է նշանակվել

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 դի, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը