Սերժ Սարգսյանը ստահոդ պետություն է կառուցում, ստահոդ ընդդիմություն է պետք

ԱԺ նիստում շարունակվում է քննարկվել ՍԴ նախագահի նշանակման հարցը: Ելույթով հանդես եկավ ԱԺ ԵԼՔ խմբակցության ղեկավար Նիկոլ Փաշինյանը, որը նշեց, որ պետք է առողջությունը մի փոքր քայքայի: Փաշինյանն իր խոսքը սկսեց ՀՀ երկրորդ նախագահ Ռոբերտ Քոչարյանին հիշելով:

«Այն ժամանակներում, երբ Ռոբերտ Քոչարյանը Հայաստանի ամենաերիտասարդ թոշակառուն չէր եւ աշխատում էր Բաղրամյան 26-ում, հայտարարում էր, թե Հայաստանում ստեղծում է կազմակերպված պետություն, իսկ իրականում դա կազմակերպված-արյունարբու պետություն էր: Այդ պետության համահեղինակ Սերժ Սարգսյանը երեկ հարցազրույցով հայտարարել է, որ պատրաստվում է Հայաստանի վարչապետի պաշտոնը ստանձնել: Ես սա համարում եմ հայտարարություն` կազմակերպված պետության դարաշրջանի ավարտի մասին: Սերժ Սարգսյանը հայտարարում է Հայաստանում այլ հայեցակարգի պետություն ստեղծելու մասին եւ այդ պետությունը պետք է անվանել ստահոդ պետություն»,- ասաց նա:

Ապա՝ Փաշինյանը օրինակներ բերեց, թե ինչ կապ ունի այդ «ստահոդ պետության» հայեցակարգի հետ Հրայր Թովմասյանը եւ ինչու է այդ հայեցակարգը ստահոդ պետության:

«Կապն անմիջական է, հայտարարվում է՝ ՀՀ-ն անցնում է կառավարման խորհրդարանական համակարգի, բայց հիմնականում Թովմասյանի ձեռամբ գրված ԱԺ կանոնակարգ օրենքով խորհրդարանական քննարկումները վեր են ածվում շուտասելուկի, երբ հարցերը քննարկվում են մեկ ժամանոց ռեժիմով, մեկ-երկու րոպեանոց ելույթներով, եւ երբ պատգամավորները շանս չեն ստանում կարդալու իրենց իսկ կողմից քվեարկվող օրենքները»,- ասաց Փաշինյանը եւ ավելացրեց, որ Թովմասյանի վերջին ակորդն այն էր, երբ վարչապետի ընտրությունները մայիսի 2-ից, որպես ամանորի նվեր, տեղափոխեց ապրիլի 17-ը: Փաշինյանը շարունակեց, որ սրանով գլուխգործոցները չեն ավարտվում:

«Կա ավելի մեծ գլուխգործոց, իրենք կազմակերպեցին ՀՀ նախագահի ընտրություններ: Չնայած Սահմանադրությամբ եւ օրենքով նախատեսված է, որ նախագահի ընտրությունները կարող են բողոքարկվել, հիմա պարզվում է` ոչ մեկ չի կարող, որովհետեւ Թովմասյանի ձեռքով գրած օրենքի ուժով բողոքարկելու դրույթն ուժի մեջ է մտնում նորընտիր նախագահի պաշտոնը ստանձնած օրը, երբ բողոքարկելու բոլոր ժամկետներն ավարտված կլինեն: Սա է ստոհոդ պետության հայեցակարգը»,- հայտարարեց նա եւ շարունակեց.

«Այսքանից հետո ինչի՞ պիտի դրա հեղինակը չգործուղվի Սահմանադրական դատարան եւ դառնա ՍԴ նախագահ: Նա գործուղվում է ՍԴ, որովհետեւ այս ստահոդ պետության պահապան շունն է բառիս քաղաքական իմաստով»:

Փաշինյանը հայտարարեց, որ ընտրել են ստահոդ նախագահ, փորձելու են ընտրել ստահոդ վարչապետ: «Սրանով չեն բավարարվելու, մինչեւ որ Հայաստանում չհաստատեն ստահոդ ընդդիմություն»,- շեշտեց պատգամավորը:

Փաշինյանի այս ելույթին ՀՀԿ-ից պատասխանեցին ԱԺ փոխնախագահ Էդուարդ Շարմազանովը եւ ՀՀԿ խմբակցության ղեկավար Վահրամ Բաղդասարյանը: Մասնավորապես, Շարմազանովը, ողջունելով գործընկերներին, շեշտեց. «Ողջունում եմ նաեւ` հուսով եմ ոչ ստահոդ ընդդիմադիր գործընկերներին»:

Վահրամ Բաղդասարյանն էլ ընդգծեց, որ չի անդրադառնա ստահոդ հայտարարություններին: «Բայց քանի որ բերվեց կենդանական աշխարհից օրինակ, բառիս բուն քաղաքական իմաստով ուզում եմ մի քաղաքական ժողովրդական ասացվածք հնչեցնել. «Հաչող շունը չի կծում»:

Բաղդասարյանն անդրադարձավ Հրայր Թովմասյանին, շեշտելով, որ վերջինս անձնական շահերից վեր է դասում օրենքի գերակայությունը:

«Եթե մենք ուզում էինք օրենքի շրջանցում կատարել, նա մոռանում էր քաղաքական ուժի պատկանելիությունը եւ հանդես էր գալիս որպես մասնագետ եւ այդ իմաստով որպես մեծամասնություն մեր խիղճը հանգիստ է: Սահմանադրական փոփոխությունների ակունքում գտնվող Հրայր Թովմասյանն այսօր առաջադրվում է ՍԴ նախագահ, ես համոզված եմ՝ ինչ բարեխղճությամբ կատարել է իր պարտականությունները նախկինում, նա այդպես կկատարի եւ այս պաշտոնում: Քաղաքական ուժերին կոչ եմ անում վեր կանգնել քաղաքական մանր շահերից, գնահատել անձի մասնագիտական կարողությունները»,- հայտարարեց նա:

Տպել
1785 դիտում

Վարդենյաց լեռնանցքը բեռնատարների համար փակ է, մարդատարների համար՝ դժվարանցանելի

ՍԴ նախագահի պաշտոնին կեղծիքով տիրացած անձը թանկարժեք ընծա էր մատուցել վարչապետին. Ն. Փաշինյանի նոր գրառումը

Ախր հեչ հանդուրժելու բաներ չեն

Խոշոր ավտովթար Լոռու մարզում. բախվել է 3 մեքենա. մեկը կողաշրջվել է.կան վիրավորներ (լուսանկարներ)

Աջափնյակում մեկնարկել են ապօրինի կրպակների ապամոնտաժման աշխատանքները

Կարևոր է, որ Իսրայելն առաջնային դեր ունենա և ճանաչի Հայոց ցեղասպանությունը. Ա. Սարգսյանը հանդիպել է Իսրայելի նախագահին

Բանակի օրվա առիթով Սուրբ Պատարագ և պարգևաբաշխություն է տեղի ունեցել Մայր Աթոռ Սուրբ Էջմիածնում

«Արմատական ընդդիմություն»-ը գազո՞վ է աշխատում

Աղմուկ հայկական ուշուում. ֆեդերացիայի անդամները կարծում են՝ նախկին նախագահի օրոք ֆինանսական չարաշահումներ են եղել

ՀՀ ԱԳՆ-ն ցավակցել է Թուրքիային՝ ավերիչ երկրաշարժի կապակցությամբ

Վանաձորում մեքենան բախվել է էլեկտրասյանը, հետո՝ ծառին. կա 5 վիրավոր (լուսանկարներ)

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Արցախի նախագահի թեկնածուներն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)