ԵՄ-ն հաստատել է Թուրքիային ևս 3 մլրդ եվրո ֆինանսական աջակցություն տրամադրելու առաջարկը

15/03/2018 schedule21:50

Եվրահանձնաժողովը հաստատել է սիրիացի փախստականներին աջակցելու նպատակով Թուրքիային 3 մլրդ եվրո արժողությամբ հավելյալ ֆինանսական օգնություն տրամադրելու առաջարկը։

Միգրացիայի, ներքին գործերի և քաղաքացիության հարցերով ԵՄ հանձնակատար Դիմիտրիս Ավրամոպոլուսը թեմայի վերաբերյալ Բրյուսելում մամուլի ասուլիս է անցկացրել։ Ավրամոպոլուսը հիշեցրել է, որ ԵՄ-ն Թուրքիային խոստացված ֆինանսական աջակցության առաջին մասի վերաբերյալ պայմանագրերը ստորագրել է 2017թ․ վերջին։

«Եվրամիությունը հավատարիմ եղավ իր խոսքին։ Այսօր Եվրամիությունը ակտիվացնում է Թուրքիայի փախստականների համար նախատեսված նյութական օգնության հաջորդ 3 մլրդ եվրո արժողությամբ բաժինը», -ըստ ermenihaber-ի, նշել  է Եմ հանձնակատարը։

Ավրամոպոլուսը տեղեկացրել է, որ նշված 3 միլիարդից 1 միլիարդը կտրամադրվի Եվրամիության բյուջեից, իսկ 2 միլիարդը՝ ԵՄ անդամ երկրների կողմից։ Նա հավելել է, որ մինչ օրս Թուրքիային տրամադրված դրամական աջակցության շնորհիվ 500․000 երեխայի համար կրթություն և 1․2 մլն փախստականի ամսական դրամական աջակցություն է ապահովվել։ Նա նշել է, որ այդ աշխատաքները պետք է շարունակվեն և այդ ընդհանուր խնդրի հարցում ԵՄ-ն ու Թուրքիան պետք է համագործակցեն։

2015թ․ նոյեմբերի 29-ին կայացած Թուրքիա–ԵՄ գագաթնաժողովի ժամանակ Եվրահանձնաժողովը պարտավորվել էր մինչև 2017թ․ ավարտը Թուրքիայի փախստականներին աջակցելու նպատակով 3 մլրդ եվրո հավելյալ ֆինանսավորում տրամադրել այդ երկրին։

Իսկ մարտի 18-ի գագաթնաժողովին կողմերի միջև համաձայնություն էր ձեռք բերվել, որ, եթե նշյալ միջոցները սպառվեն, ապա մինչև 2018թ․ ավարտը ԵՄ-ն Թուրքիային կտրամադրի ևս 3 մլրդ եվրո հավելյալ օգնություն։ Այդ միջոցները պետք է օգտագործվեն Թուրքիայում ապաստանած շուրջ 3․5 մլն սիրիացի փախստականների առողջական, կրթական, սննդի և այլ խնդիրների լուծման ու կարիքները հոգալու համար։

Հավելենք, որ ԵՄ-Թուրքիա հաջորդ գագաթնաժողովը կկայանա 2018թ․ մարտի 26-ին՝ Բուլղարիայի Վառնա քաղաքում՝ Թուրքիայի նախագահ Ռեջեփ Թայիփ Էրդողանի, Եվրոպական խորհրդի նախագահ Դոնալդ Տուսկի, Եվրահանձնաժողովի նախագահ Ժան-Կլոդ Յունկերի մասնակցությամբ։

Տպել
1423 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան