Գյումրեցի ատամնաբույժները սպասում են վարչապետի պատասխանին

Առողջապահության նախարարությունն անդրադարձել է գյումրեցի ատամնաբույժների բողոքի ակցիային: Նրանք բողոքում էին էլեկտրոնային առողջապահական համակարգին միանալու պահանջի դեմ: Ատամնաբույժները, սակայն, տեղյակ չեն այս ամենից: Գիտե՞ք, որ Առողջապահության նախարարությունն անդրադարձել է Ձեր բողոքի ակցիային եւ պատասխանել Ձեզ՝ հարցից ատամնաբույժներն անակնկալի եկան: «Ոչ, մեզ ոչինչ չի ասվել, ոչ գրավոր, ոչ բանավոր, մեր էլեկտրոնային հասցեներին անգամ որեւէ բան չի ուղարկվել, այնպես որ մենք ոչինչ չգիտենք»,-ասացին նրանք:

Առողջապահության նախարարությունն իսկապես պաշտոնական հաղորդագրություն չի ուղարկել Շիրակի մարզպետարան, հավանաբար նկատի ունենալով հանգամանքը, որ ատամնաբուժարանները մարզպետարանի ենթակայությամբ չեն գործում: Գյումրեցի ատամնաբույժներին ուղղված պատասխանը նախարարության կայքում է միայն տեղադրված:

Դրանում մասնավորապես ասվում է, որ համակարգի նախագծման և մշակման գործընթացին մասնակցել են ինչպես ՀՀ պետական համապատասխան մարմինների ներկայացուցիչները և մասնագետները, այնպես էլ Համաշխարհային բանկի էլեկտրոնային առողջապահական ոլորտի փորձագետները: Էլեկտրոնային առողջապահական համակարգում տվյալների հասանելիության, իրավասությունների տրամադրման գործընթացները և մեխանիզմները ներդրվել են լավագույն փորձի հիման վրա՝ օգտագործելով աշխարհում առկա առաջադեմ անվտանգության, ինչպես նաև տվյալների պաշտպանության փորձը: Նաեւ նշվում է, որ էլեկտրոնային առողջապահական համակարգը ՀՀ կառավարությունը ձեռք է բերել ոլորտում շուրջ 140 տարվա փորձ ունեցող «Էրիքսոն» միջազգային հայտնի ընկերությունից:

«Էլեկտրոնային առողջապահական համակարգի անվտանգությունը հուսալի է, համակարգ մուտք գործելու դեպքում քաղաքացու համար հասանելի է բացառապես իր անձին մատուցված բժշկական ծառայությունների վերաբերյալ տեղեկատվությունը»,- ասված է ԱՆ պատասխանում: Գյումրեցի ատամնաբույժները, սակայն, ընդգծում են, որ իրենք պահանջում են մարդու անձնական տվյալների գաղտնիության ապահովում ոչ միայն մյուս քաղաքացիներից, այլ բժիշկներից: Ըստ նրանց, անթույլատրելի է, որ բժիշկներն իրենց գործընկերներին այցելած հիվանդների մասին ցանկացած բաց տեղեկության տիրապետելու հնարավորություն ունենան:

Թե առաջիկայում ինչ կասի նախարարության կայքը, քիչ է հետաքրքրում գյումրեցի մասնագետներին: Նրանք չեն միանա էլեկտրոնային առողջապահական համակարգին: Այս հստակ որոշումը եւ մարտի 5-ի բողոքի ակցիայի ժամանակ էին հայտնել, եւ այսօր պնդեցին: Ատամնաբույժ Էմիլ Ասլանյանն ասաց, որ իրենց դեռ մարտի 5-ին Շիրակի փոխմարզպետ Հարություն Արշակյանը խորհուրդ էր տվել նոր նամակ գրել Շիրակի մարզպետի անունով, որում շարադրված կլինի իրենց պահանջն ու այն ստորագրություններով ներկայացնել: «Խորհրդին հետեւել, մեր տարած հին նամակը նույն բովանդակությամբ, այս անգամ Արթուր Խաչատրյանի անունով տարել, տվել ենք մարզպետին: Մարզպետն էլ խոստացել է հանձնել վարչապետին: Ըմբես որ, հեչ բան չի փոխվել, ինչ ձեւով մինչեւ հմի աշխատել ենք, կշարունակենք: Մենք ոչ մի բան չենք անի ու ասի, մինչեւ վարչապետից պատասխան չստանանանք»,-ասաց գյումրեցի ատամնաբույժ Էմիլ Ասլանյանը:

Նյութը տպագրվել է «Հայկական ժամանակ» օրաթերթի մարտի 13-ի համարում:

Տպել
1160 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան