Հաջորդ հանրահավաքը տեղի կունենա Հաց բերողի մահվան տարելիցի օրը՝ մարտի 16-ին (թարմացված)

18:34 Մարտի 16-ին՝ ուրբաթ օրը, լրանում է Հաց բերողի՝ Արթուր Սարգսյանի մահվան մեկ տարելիցը: «Հանուն Հայաստան պետության» ճակատի ներկայացուցիչները հայտարարեցին, որ այդ օրը՝ ժամը 16:00-ին, տեղի է ունենալու հաջորդ հանրահավաքը: Նաեւ քայլերթ է տեղի ունենալու: Այս պահին ավարտվեց համահայկական հանրահավաքը:

18:25 «Հանուն Հայաստան պետության» ճակատի կազմակերպած հանրահավաքին ելույթ ունեցավ իրավապաշտպան Արթուր Սաքունցը եւ եւս մեկ անգամ թվարկեց քաղբանտարկյալների անունները.

«Այսօր այն մարդիկ, ովքեր դատարանում ենթարկվում են անօրինական հետապնդման, պատճառը միայն նրանց քաղաքական այլ հայացքներն են: Նրանք են՝ Ժիրայր Սեֆիլյանը, Գեւորգ Սաֆարյանը, Շանթ Հարությունյանը, Անդիրաս Ղուկասյանը եւ Կարո Եղնուկյանը: Նրանք բացառապես հետապնդվում են միայն ազատ կարծիք ունենալու համար, իսկ այն մարդիկ, ովքեր պետք է քրեական պատասխանատվության ենթարկվեն՝ ազատ ման են գալիս»,- ասաց նա եւ հավելեց, որ երկրում ահագնացող կոռուպցիա կա, ինչը եւս գործող ռեժիմի վարած քաղաքականության արդյունքն է:

18:03 Հանրահավաքի ժամանակ ելույթ ունեցավ ազատամարտիկ Խաչատուր Խաչատրյանը եւ ափսոսանք հայտնեց, որ Ազատության հրապարակում չկա այնքան մարդ, որքան 88-ի շարժման ժամանակ:

«Նայում եմ, ու արցունքները գնում են սրտիս մեջ: 88-ի միասնականությունը, որը կարող էր սարեր շուռ տալ, հիմա չկա: Որին որձ բռնեցինք` քած դուրս եկավ: Հուզվեցի, որ այսքան քիչ ենք, մի՞թե այսքանով ենք ուզում երկիր ունենալ: Ես գիտեմ, թե ինչքանով եք հուսախաբված, բայց այսպես չի լինի: Մի ամբողջ Եռաբլուր ունեցանք կորուստ, ճիշտ է` ազատագրեցինք Արցախը, բայց ոնց կռվախնձեր էր, այդպես էլ մնաց, ամեն օր զինվոր ենք կորցնում: Ես հիմա խոսքս ուղղում եմ ոստիկանության, ԱԱԾ-ի եւ իրավական համակարգի չինովնիկներին: Արա՛, էդ փողի մեջ ի՞նչ կա, հայրենիքից թա՞նկ է: Առավոտից իրիկուն լափում եք: Ի՞նչ անուն եք թողնում: Նույն ոստիկակնները, որ այսօր խաղաղ ցույցեր են ցրում, որ ինչ-որ մեկի կայֆերը բավարարեն կամ ԱԱԾ-ն, որ իրենց պահապանն է»,- ասաց ազատամարտիկը:

17: 43 Ազատության հրապարակում՝ ընդդեմ ռեժիմի եւ հանուն քաղբանտարկյալների ազատության տեղի ունեցող հանրահավաքի ժամանակ եկույթ ունեցավ «Հանուն Հայաստան պետության» ճակատի համակարգող Պետրոս Մակեյանը եւ հայտարարեց, որ Սերժ Սարգսյանի ռեժիմի դեմ պայքարելու համար մնացել է ընդամենը մեկ ամիս ժամանակ.

«Ես կներկայացնեմ իմ պատկերացումները, որոնք նախատեսում ենք իրականացնել 30-40 օրվա ընթացքում: Մենք գիտենք, որ իշխանությունը 98 թվականից սկսած ընտրութունները կեղծել է: Հիմա մենք հասել ենք վերջին փուլին, քանի որ ապրիլի 9-ից մինչեւ 17-ն այն ժամանակն է, երբ անցում ենք կատարելու խորհրդարանական համակարգին: Մենք պարտավոր ենք կանխել այդ գործընթացը, քանի որ կշարունակվի նույն թալանը: Կանխելու համար պետք է դուրս գանք հրապարակ եւ պարտադրենք, որ հաստատեն ժամանակավոր անցումային կառավարություն: Պետք է համաներում հայտարարվի, ազատ արձակվեն քաղբանտարկյալները, իսկ բնակիչներից թալանած միջոցները պետք է ներդնել բանակի վերազինմանը:  Նրանք, ովքեր կհամագործակցեն ժամանակվոր կառավարության հետ, մեղմացուցիչ մոտեցում կլինի, իսկ մյուսներին կկուլակաթափենք, որին դեմ է Սերժ Սարգսյանը: Ժամնակավոր կառավրությունը պետք է անցկացնի ազատ եւ արդար ընտրություններ»,- ասաց Մակեյանը:

17:00 Այս պահին Ազատության հրապարակում արդեն մեկնարկել է «Հանուն Հայաստան պետության» ճակատի եւ «Հայկական Վերածնունդ» սփյուռքյան կազմակերպության հետ համատեղ կազմակերպած հանրահավաքը: Ինչպես հանրահավաքի կազմակերպիչներն են նշում` պայքարում են հանուն քաղբանտարկյալների ազատության, հանուն Հայաստան պետության: Հարահավաքներ միաժամանակ տեղի են ունենալու ոչ միայն Երեւանում, այլեւ Ստրասբուրգում, Լոնդոնում, Լոս Անջելեսում, Փարիզում:

Այս պահին Ազատության հրապարակը մարդաշատ է:  «Հանուն Հայաստան պետության» ճակատի ներկայացուցիչները հանրահավաքին միանալու կոչեր էին արել նաեւ Հայաստանի ընդդիմադիր կուսակցություններին: Նրանց առաջարկն ընդունել են Քաղաքացիական պայմանագիր եւ Ժառանգություն կուսակցությունները:

Տպել
5254 դիտում

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից