«Միկշին»-ը պնդում է՝ բնակիչներն ունեն տանիք, իսկ սպասարկման վճար 1 տարի չեն վճարել

Երեկ էլեկտրոնային ԶԼՄ-ներում տարածվեց Երեւան քաղաքի Ադոնցի 6/1 շենքի բնակիչների բաց նամակն ուղղված Սերժ Սարգսյանին: Բնակիչները նամակում նշել են, որ մատչելի բնակարան ծրագրի շրջանակում կառուցապատում իրականացրած «Միկշին» ընկերությունը չարաշահումներ է իրականցրել: «Միկշին» ընկերությունից հակառակն են պնդում՝ որեւէ չարաշահում չեն կատարել, նույնիսկ որոշ դեպքերում բարի կամք են դրսեւորել շահառուների նկատմամբ: «Հայկական ժամանակ»-ը պարզաբանումներ ստանալու համար զրուցել է ընկերության իրավաբան Դավիթ Կարապետյանի հետ:

- Բնակիչներն իրենց նամակում նշել են, որ բնակարանները ժամկետներից ուշ են հատկացվել, իսկ վերջնարդյունքում նախապես սահմանված հատակագծի մակերեսից տարբերվող մակերես է ստացվել: Ինչպե՞ս է ստացվել, որ բնակարանի հատակագծում ի սկզբանե նշված մակերեսը փոփոխվել է:

- 2017 թ-ի մարտի 1-ին «Միկշին» ընկերությունը պարտավորություն է ունեցել պետական ծառայողներին մատչելի բնակարաններով ապահովման ծրագրով հանձնելու Ադոնցի 6/1 հասցեում կառուցվող շենքի բնակարանները: Մինչեւ մարտի 1-ը ստորագրվել են բնակիչների հետ հանձնման-ընդունման ակտեր: Բնակիչներին առաջարկել ենք կնքել առքուվաճառքի հիմնական պայմանագրերը, սակայն ընթացքում պարզվել է, որ տեղի են ունեցել չափագրման հետ կապված խնդիրներ: Եղել են բնակարաններ, որոնք ավել չափագրում են ունեցել եւ չեն համապատասխանել իրական մակերեսներին:

- Խնդրում եմ՝ ավելի պարզ ասեք: Նախապես ծրագրված չափից ավե՞լ է կառուցվել, ավել մակերե՞ս է ստացվել:

- Կառուցապատողը կազմում է նախագիծ, մինչեւ այդ քաղաքապետարանը տրամադրում է ճարտարապետահատակագծային առաջադրանք: Դրա հիման վրա ներկայացվում է նախագիծը, հաստատվել է եւ կառուցապատման մակերեսները առկա են եղել, եւ ճիշտ են եղել, որի հիման վրա կազմվել է կառավարության որոշումը: Նախագծում նշված մակերեսները կառուցապատումից հետո փոփոխվել են, շեղումներ են եղել: Լինում են եւ թույլատրելի է օրենսդրորեն: Բնակչները վճարում են նախնական պայմանագրով նշված մակերեսի 97 տոկոսի համար: Երբ կառուցապատումն ավարտվում է, կատարվում է չափագրություն: Եթե դրա արդյունքում մակերեսը փոփոխվել է, կատարվում է լրավճարում, եթե պակասել է, ապա ետ է վերադարձվում պակաս քառակուսի մետրի համար վճարված գումարը: Կոմպենսացվում է: Չափագրման արդյունքում պարզ է դարձել, որ բնակարանների մակերեսներն ավելացել են: Նախատեսվածից եղել է, որ մեծ է եղել, եղել է, որ փոքր է եղել: Երկու դեպքն էլ եղել է: Չափագրությունն իրականացվում է կադաստի պետական կոմիտեի կողմից լիցենզիա ունեցող կազմակերպությունների կողմից: Կոմիտեն չափագրության հիման վրա կատարել է պետական գրանցում եւ մեզ է տրամադրել սեփականության իրավունքի վկայականներ: Մենք էլ դա հիմք ընդունելով ներկայացրել ենք կոմիտեին ու շահառուներին, որ ձեր բնակարանների մակերեսը կազմել է այսքան՝ կամ ավելացրեք գումարը կամ պակասացնենք:

«Միկշին» ընկերության իրավաբան Դավիթ Կարապետյան

- Ձեր ընկերությունը մեկ շենք չի կառուցել ընդամենը, թաղամաս եք կառուցել: Նման խնդիր բոլոր շենքերի դեպքում եղե՞լ է:

- Ըստ էության տատանման հնարավորություն նախատեսվում է եւ բնական է: Նման խնդիր առհասարակ չենք ունեցել: Կոնկրետ 6/1 շենքի դեպքում է եղել: Փոփոխություն եղել է, բայց շահառուների կողմից ընդունելի է եղել: Խնդիրը մեր կարծիքով եղել է կադաստրի ոչ մասնագիտացված լինելու կամ օրենքի սահմաններում չգործելու հետեւանքը: Կադաստրը եթե ինչ-որ գույք է գրանցում, այդ գույքի գրանցումը համարվում է որպես վարչական ակտ եւ տրամադրում է անձանց իրավունքներ: Այդ իրավունքը ոչ մի դեպքում վիճարկելի չէ, քանի դեռ այդ որոշումն առոչինչ չի ճանաչվել: Կադաստրի կոմիտեն տվել է մի շարք պարզաբանումներ եւ նշել է, թե ինչպես պետք է չափագրվեն շենք շինություններ: Այդ հարաբերությունները կարգավորող իրավական ակտերը, մեր կարծիքով, թերի են եղել:

- Տատանումը քանի՞ քառակուսի մետրի է վերաբերվել:

- Առավելագույնը միջինը 2.5-3 քառակուստի մետր է եղել: Հետագայում մենք, հաշվի առնելով ծրագրի էությունը, բարի կամքի դրսեւորում ցուցաբերելով՝ ավել մակերեսները զիջել ենք շահառուներին: Օրենքով սահմանված կարգով դա կարող էինք չանել:

- Բաց նամակում նշվել է նաեւ, որ բնակարանները շահառուներին հանձնվել են ավելի ուշ ժամկետում, քան սահմանված է եղել նախապայմանագրում:

- Ուշացման խնդիրը կապված է եղել չափագրման խնդրի հետ: Տարբեր է եղել ժամկետների ձգձգումը: Առաջին գրանցումը կատարել ենք փետրվարի 22-ին: Ամեն շահառուի մոտ առանձին է եղել խնդիրը: Շահառու կա այլ պատճառներով մինչեւ վերջերս ձգձգել է պայմանագրի կնքումը՝ Հայաստանում չի եղել, պայմանագրի մի կետի հետ համաձայն չի եղել եւ այլն:

- Շենքն ինչո՞ւ էլեկտրականության սնուցման առանձին ենթակայան չունի:

- Շենքն այսօր ունի ենթակայան: Դրա ունենալու կամ չունենալու պարտավորությունը ոչ կառուցապատողն է ունեցել ոչ էլ ՀԷՑ-ը: ՀԷՑ-ը ունեցել է պարտավորություն՝ ապահովել շենքն էլեկրաէներգիայով, դա ՀԷՑ-ը կիրկանացնի տվյալ շենքում ենթակայան կառուցելով, թե այլ ենթակայանից սնուցելով՝ մեր խնդիրը չէ: Հիմա շենքը սնուցում ունի, շենքն ունեցել է էլեկտրաէներգիա:

- Շենքի սպասարկումն ո՞վ է իրականցնում՝ ձե՞ր ըկերությունը: Բնակիչներն ասում են, որ ամսական 24 հազար դրամ գումարը սպասարկման համար թանկ է:

- «Միկշին» ընկերությունը պատվիրել է այլ կազմակերպության, որն էլ իրականացնում է այս սպասարկումը: Մեր ընկերությունն այդ կազմակերպությանը վճարում է յուրաքանչյուր բնակարանի համար 24 հազար դրամ, որպեսզի իրականացվի սպասարկումը: 2017թ-ի մարտի 1-ից շենքի բնակիչները սպասարկման վճար չեն կատարել, սա վճարել է «Միկշին» ընկերությունը:

- Ինչո՞ւ եք նրանց փոխարեն դուք վճարել:

- Կառավարության որոշմամբ պարտավորություն ունեինք: Մարտի 1-ին մեկ տարին լրանում է: Փորձում ենք ստեղծել համատիրություն եւ շենքի ընդհանուր բաժնեսմաս ունեցող տարածքները հանձնենք համատիրության կառավարմանը: 24 հազար դրամները, որ ասում են՝ շատ թանկ է եւ այլն, այդ գումարները սպասարկումն իրականացնող կազմակերպության սահմանած գինն է: Այդ ընկերությունն առաջարկություն է ներկայացրել բնակիչներին, պայմանագրեր են առաջարկվել, որտեղ կա կետ, որ ասվում է՝ շենքի նման սպասարկումն արժե 24 հազար դրամ:

- Եթե համատիրություն դեռ չի ստեղծվել եւ դրա ստեղծումը ձեր պարտավորությունն է, ինչո՞ւ եք թողնում, որ այդ ընկերությունը գնա եւ պայմանագրեր առաջարկի բնակիչներին:

- Կազակերպությունը մեզ հաշվետվություն ներկայացնելու պարտավորություն ունի: Պետք է նշեն, թե քանի բնակիչ է օգտվում իրենց ծառայություններից: Այդ առաջարակությունը միտում է ունեցել՝ հետագայում սպասարկման սակագինը եւ ծավալը որոշելու համար նաեւ: Վաղը պետք է ժողով իրականացվի՝ համատիրություն ստեղծելու նպատակով: Բնակիչներից ստացել ենք գրություն, որ վաղը տեղի ունեցող ժողովին չեն կարողանալու մասնակցել: Գրությունն ուղարկվել է շահառուների կողմից լիազորված աշխատանքային խմբին, որը պարունակում է 12 բնակչի ստորագրություն: Երբ ստեղծվեց այդ խումբը, մենք ողջունեցինք, բայց ասացինք՝ տվեք լիազորագիր, որ իմանանք՝ ում հետ գործ ունենք, մինչ օրս չեն տվել: Մենք իրենց գրությանը պատասխանել ենք, որ չենք կարող հետաձգել ժողովը, քանի որ այն հրատապ է հենց բնակիչների համար, որպեսզի ստեղծվի համատիրություն: Հիմա պարզ չէ՝ շահառուների կողմից լիազորված աշխատանքային խումբն օրենքով սահմանված կարգով լիազորվա՞ծ խումբ է, թե՞ չէ:  

- Շենքի տանիքը ինչո՞ւ ընդհանուր բաժնեմասային իրավունքով չի պատկանոմ բնակիչներին եւ ինչպես է ստացվել, որ տանիքը վերանվանվել է եւ դարձել է վերնահարկ, որը պատկանում է ձեր ընկերությանը:

- Կառավարության նույն որոշման հավելավածով նշված է, թե շենքը պետք է ունենա հարթ տանիք՝ ջրահեռացման հնարավորությամբ: Առհասարակ կառուցապատող ընկերությունը երբ նախագիծ է ներկայացնում քաղաքապետարան եւ հաստատվում է, դա իրականացվում է կառավարության 2015թ-ի 596-Ն որոշմամբ սահմանված կարգով: Իրականացված ծրագրով կառուցված շենքեր ճարտարապետական տեսքը հաստատելու իրավունք ունի միայն քաղաքապետարանը: «Միկշին»-ը նախատեսել էր շենքերը կառուցել վերնահարկերով: Տանիք ունեցել է շենքը, բայց փոքր է եղել եւ իրականում գրանցվել է որպես վերնահարկ:

- Ի սկզբանե վերնահա՞րկ է գրանցվել:

- Նախագծերը փոփոխվել են եւ տանիքը վերանվանվել է վերնահարկի՝ բաց պատշգամբի:

- Փոփոխման գործընթացին շահառուները մասնակցե՞լ են:

- Շահառուները այդ գործընթացին մասնակցելու իրավունք էլ չեն ունեցել: Կառավարությունը սահմանել է հստակ կարգ, մենք այդ կարգին համապատասխան արել ենք: Կառավարության որոշումը չի ասում, որ «Միկշին» ընկերությունը չպետք է ունենա վերնահարկ, չպետք է ունենա առաջին հարկերում կոմերցիոն տարածքներ, այդ հասցեում չպետք է կառուցվեն շենքեր եւ այլն:

- Շահառուներն ասում են, որ շենքը կառուցել եք, տանիքի անունը դրել եք վերնահարակ եւ իրենք տանիքից չեն կարողանում օգտվել:

- Ես էլ եմ բազմաբնակարան շենքում ապրում եւ շենքի տանիքն ինձ բացարձակ հետաքրքիր չէ: Ունենք նաեւ բնակարան ամենավերեւի հարկում, էլի հետաքրքիր չէ: Ավելին ասեմ՝ գլխացավանք է: Շենքի տանիքի օգտագործման նպատակային նշանակությունը ո՞րն է: Բնակիչների որոշ խումբ ասում է՝ շենքն ինչու չունի տանիք, մենք ուզում ենք բարձրանանք եւ քայլենք: Իմ պատկերացմամբ շենքի տանիքը քայլելու համար չէ: Շենքի տանիքը հետագայում կարող է այլ խնդրի հանգեցնել՝ դժբախտ պատահար եւ այլն: Իմ կարծիքով՝ բնակիչների տանիքի հետ կապված խնդիրը արծարծելու եւ նմանատիպ ակցիաներ կազակերպելը զուտ կապված է անձնական շահ հետապնդելու նպատակի հետ: Շենքն ունի ընդհանուր բաժնեմասային սեփականություն հանդիսացող տանիք: Վերնահարկում կան տարածքներ, որոնք օրենքով սահմանված կարգով պատկանում են «Միկշին» ընկերությանը:

- Բաց նամակով դիմել են Սերժ Սարգսյանին: Նախագահականի վերահսկողական ծառայությունից հետաքրքվե՞լ են խնդրով, դիմե՞լ են ձեզ:

- Չգիտեմ, տեղյակ չեմ: Ընդհանրապես նախագահին ուղարկված գրությանը ես կարող եմ մեկ պատասխան տալ իրավական տեսանկյունից: Նախագահին դիմելը չեմ կարծում, որ ինչ-որ խախտված իրավունքների պաշտպանության միջոց է: ԶԼՄ-ներում իրականությանը չհամապատասխանող տեղեկություն է տարածվել, թե իբր անորակ նյութերով են իրականացվել շինաշխատանքները: Չկա նման բան:

Հարցազրույցը տպագրվել է «Հայկական ժամանակ» օրաթերթի փետրվարի 21-ի համարում, 5-րդ էջում:

Տպել
5044 դիտում

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք