Երևան
8 °C
searchclose
today
menuclose
Երևան
8 °C
Գրող Էրիկա Լեոնարդ Ջեյմսի «Մոխրագույնի հիսուն երանգները» եռագրության՝ «Ազատության հիսուն երանգները» վեպի համանուն ֆիլմը փետրվարի 8-ից հայտնվել է հայաստանյան կինոթատրոնների էկրաններին։ Երեք մասից կազմված ֆիլմն ամերիկյան է, որի շնորհանդեսը կայացել էր 2015 թվականի փետրվարի 13-ին:
Ֆիլմի առաջին երկու մասերը «Մոխրագույնի հիսուն երանգներ» են կոչվում, իսկ այժմ կինոթատրոնների էկրանին հայտնված երրորդը՝ «Ազատության հիսուն երանգներ»: Գրքի ու ֆիլմի մասին շատերն են խոսում՝ էրոտիկ եռագրությունը գերել է շատերին: Ֆիլմում հիմնականում բաց ու ռոմանտիկ, էրոտիզմով լեցուն տեսարաններ են՝ սադոմազոխիստական դրսեւորումներով սեռական ակտեր նախընտրող տղամարդու եւ ինքնամոռաց սիրահարված աղջկա մասին։
Բավականին աղմուկ հանած ֆիլմն այսօր «Մոսկվա» կինոթատրոնի էկրանին է: Բոլորովին վերջերս 23-ամյա մի աղջիկ, որը նայել էր ֆիլմը «Մոսկվա» կինոթատրոնում՝ բարձրաձայնեց մի խնդիր, որը, կարծես թե, վրիպել է շատերի աչքից: Աղջիկը, որը չցանկացավ իր անունը հրապարակվի՝ (ոչ այն պատճառով, որ նայել է մոխրագույնի կամ ազատության հիսուն երանգները) ասաց, որ երբ կինոթատրոնում էր, անչափահաս տղաներ եւ աղջիկներ կային, որոնք նայում էին ֆիլմն ու ակտիվ քննարկում:
«Տղան ու ընկերուհիներից երկուսն անչափահաս էին, եւ դա պարզ զգացվում էր. երեքն էլ դպրոցական պայուսակներով, մանկական հայացքով ու սանրվածքով, առանց շպարի։ Անհասկանալի է՝ ինչու են նրանց թույլ տվել դիտել ֆիլմը, որի մեջ վխտում են սեքսի բաց տեսարանները, եթե պաստառին պարզ ու հստակ գրված է՝ 18 պլյուս: ֆիլմում ցույց են տալիս ոչ թե կոպտության ինչ-ինչ չափաբաժին նախընտրող, այլ բռնությամբ վարակված մեկի: Անչափահաս պատանիների ուղեղը կամաց-կամաց բռնությամբ լի սեռական տեսարաններ են խցկում՝ դա վերագրելով աշխարհի ամենաառողջ ու ամուր սիրուն»,- մեր զրույցում ասաց նա:
Ստացվում է՝ կինոթատրոններում չե՞ն ստուգում ֆիլմի տոմսեր գնողների տարիքը, եւ կինոսրահ են թողնում անգամ երեխաների՞: «Մոսկվա» կինոթատրոնի մենեջերը «Հայկական Ժամանակ»-ի հետ զրույցում ասաց, որ երրորդ եթերաշրջանին՝ «Ազատության հիսուն երանգներ»-ին եկողները ավելի քիչ էին, քան առաջինին՝ «Մոխրագույնի հիսուն երանգներ»-ին:
Եվ իսկապես, կինոսրահը մեր այցի պահին էլ կիսով չափ դատարկ էր, բայց մեզ հետաքրքրող հարցը ոչ թե կինոսրահի դատարկ կամ լիքը լինելն էր, այլ թե՝ ովքեր են գնում ֆիլմը դիտելու եւ կա՞ն արդյոք նրանց շարքերում անչափահասներ: Կինոթատրոնի տոմսարկղի աշխատակցուհիներից հետաքրքրվեցինք, թե որքան դիտում է եղել պրեմիերային, ո՞ր տարիքի անձիք են գնում նայելու եւ արդյոք՞ ֆիլմը գովազդին համապատասխան պահանջարկ ունի:
«Պահանջարկ կա, հիմնականում զույգերով են գալիս: Ավելի շատ հանդիսատես ունեցել ենք երրորդ եթերաշրջանում: Հիմնականում միջին տարիքի խումբն է դիտում ֆիլմը, 30-40 տարեկան ամուսնական զույգեր էլ են գալիս, նաեւ գալիս են աղջիկներ, որոնք ընկերուհիներով են լինում: Ֆիլմը 18+ է, եթե ծնողների հետ են գալիս, մենք թույլ ենք տալիս, իսկ եթե ոչ, ապա միայն անձնագիրը ստուգելուց հետո»,-ասաց «Մոսկվա» կինոթատրոնի տոմսարկղի աշխատակցուհին:
Մեր այն հարցին՝ արդյո՞ք այս ֆիլմի հետ կապված անձնագրային պարտադիր ստուգումներ են լինում, տոմսարկղի աշխատողը հստակ պատասխան չտվեց, ասելով, որ 18-ից բարձր տարիքայինների համար է նախատեսված, եւ ցանկալի է, որ չլինեն:
Ֆիլմի ռիսկային հետեւանքների մասին «Հայկական ժամանակ»-ի հետ խոսեց ԱՅԳ հոգեբանական կենտրոնի հոգեբան Էդիտա Հարությունյանը: «Ֆիլմը չի սերմանում դրական ոչ մի երեւույթ, շատ խիստ քննադատման կարող է արժանանալ, բայց եկեք չմոռանանք, որ համացանցը տալիս է հնարավորություն՝ դիտելու ցանկացած ֆիլմ անկախ տարիքից եւ սեռից, եւ գրեթե անհնար է վերահսկողության տակ պահել կամ արգելել, բայց կարծում եմ՝ այստեղ կարեւոր է շեշտը դնել դեռահասության վրա, քանի որ երեխաների մոտ նմանատիպ ֆիլմեր դիտելու ցանկությունն առաջանում է դեռահասության շրջանում»,-ասաց հոգեբանը:
Հոգեբանի խոսքով, քանի որ աշխարհայացքը, բնավորության գծերը, վարքի դրսեւորումները ամրապնդվում են դեռահասության շրջանում եւ եթե «ես»-ի ձեւավորումը դեռ չի ավարտվել, դեռահասը չունի հստակ վերաբերմունք դրական եւ բացասական երեւույթների շուրջ, ապա շատ հավանական է, որ ֆիլմը կարող է վատ հետեւանք թողնել վերջինիս հոգեկանի վրա եւ ընդօրինակման աղբյուր հանդիսանալ:
«Քանի որ տղաների մոտ դեռահասությունն ավելի երկար է տեւում, կարող ենք հանգել այդպիսի խնդիրների: Վտանգ կա, որ տղաները կարող են ֆիլմի հերոսին դարձնել իրենց հերոսը եւ ընդօրինակել այն վարքը, որը տեսնում են ֆիլմի գրեթե բոլոր դրվագներում»,- ասաց հոգեբանը: Անդրադառնալով տոմսարկղի աշխատակցուհու ասածին, որ եթե անչափահասները գալիս են ծնողների հետ, ապա թույլ են տալիս, հոգեբանը նշեց, որ հազիվ թե ստերիոտիպացված հայ հասարակությունում ծնողը երեխայի հետ գնա նման ֆիլմ դիտելու, այն էլ այն պարագայում, եթե տեսնում է, որ ֆիլմը 18+ է:
Համաձայն ֆիլմի մասին տարբեր աղբյուրների՝ «Մոխրագույնի հիսուն երանգները» վեպը սկզբում հրապարակվել է ֆան-կայքերում Snowqueen’s Icedragon անունով: Դրա գլխավոր կերպարները եղել են Պելլա Սվոնը եւ Էդվարդ Քալլենը։ Երկրպագուները դժգոհել են, որ գիրքը սեքսուալ բովանդակություն է ունեցել, այդ պատճառով էլ Էրիկա Լեոնարդ Ջեյմսը այն ջնջել է եւ տեղադրել իր FiftyShades.com կայքում։ Ավելի ուշ նա դրանք տեղադրել է արդեն իր գրքի մեջ՝ Ջեյմի Դորնան եւ Դակոտա Ջոնսոն հերոսներով։
«Մոխրագույնի հիսուն երանգները» վեպը հրապարակվել է 2011 թվականին։ Ըստ վիճակագրական տվյալների՝ գիրքը կարդում են հիմնականում 30-ն անց ամուսնացած կանայք, չափահասները կամ ուսանողները։ Գիրքը հիմնականում գնում են օնլայն։ Այն վաճառվել է Amazon Kindle-ում միլիոնավոր պատճեններով, որը ռեկորդային թվեր է սահմանել։
Ըստ Time ամսագրի՝ 2012 թվականի ապրիլին Է.Լ. Ջեյմսը, շնորհիվ «Մոխրագույնի հիսուն երանգները»-վեպի մտել է «100 ամենաազդեցիկ մարդկանց» ցուցակի մեջ: Ֆիլմում գլխավոր դերերում հանդես են գալիս Ջեյմի Դորնանը եւ Դակոտա Ջոնսոնը որպես Քրիստիան Գրեյ եւ Անասթեյշան Սթիլ։
Գլխավոր հերոսուհին՝ Անասթեյշա Սթիլը, համեստ կույս աղջիկ է, որը գրականության համալսարանի ուսանողուհի է եւ ապրում է իր լավագույն ընկերուհու՝ Քեթրին «Քեյթ» Քավանայի հետ։ Մնացել էր ընդամենը մեկ շաբաթ, որ նա ավարտեր համալսարանը, սակայն իր ընկերուհու հիվանդ լինելը ճակատագրական է լինում Անասթեյշայի համար։ Քեյթը նրան խնդրում է, որ իր փոխարեն հարցազրույց վերցնի գեղեցիկ եւ մեծահարուստ Քրիսթիան Գրեյից։
Հարցազրույցը այդքան էլ լավ չի անցնում եւ Անասթեյշան խիստ կասկածում է, որ նրանք կրկին կհանդիպեն։ Բայց պատահմամբ Գրեյը հանդիպում է աղջկան խանութում, որտեղ Անասթեյշան աշխատում է որպես վաճառող։ Եվ այդպես նրանց հանդիպումները ավելի հաճախակի են դառնում եւ Գրեյը Անասթեյշային առաջարկում է իր հետ պայմանագիր կնքել, ըստ որի նա կկարողանա անել աղջկա հետ այն ամենը, ինչ ցանկանում է։ Եվ մինչեւ ականջների ծայրը սիրահարված աղջիկը աստիճանաբար իմանում է մեծահարուստի գաղտնի սեռական հետաքրքրությունների մասին։
Աղունիկ Հովհաննիսյան
Նյութը տպագրվել է «Հայկական ժամանակ» օրաթերթի փետրվարի 22-ի համարում:
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում
Սահմանազատման հանձնաժողովների հրապարակած փաստաթղթում երկու բավականին դրական և հուսադրող միտում տեսա․ Արամ Սարգսյան
Առաջին անգամ կա հնարավորություն ունենալ սահմանազատված պետական սահման, որտեղ կտեղակայվեն սահմանապահներ. Հովհաննիսյան
Ողջունում ենք Հարավային Կովկասի վերաբերյալ «Մեծ յոթնյակի» երկրների ԱԳ ղեկավարների հայտարարությունը․ Արարատ Միրզոյան
Սեփական տան լոգարանում հայտնաբերվել է ՊՆ N զորամասի ջոկատի հրամանատարի 31-ամյա տեղակալի դին
Եթե հայ-ադրբեջանական հանձնաժողովի ձեռք բերած պայմանավորվածությունը կյանքի կոչվի, կլինի լուրջ հաջողություն. Իոաննիսյան
Հանձնաժողովների պայմանավորվածության մեջ չափազանց կարևոր է Ալմա-Աթայի սկզբունքի շուրջ համաձայնությունը. Խանդանյան
Կապան-Քաջարան ճանապարհահատվածում հարկադիր քարաթափում է իրականացվել
«Մեծ յոթնյակը» պետք է հրաժարվի Հայաստանի և Ադրբեջանի նկատմամբ հավասարական մոտեցումներից․ Գարդման-Շիրվան-Նախիջևան
Տավուշի մարզի ոչ մի սանտիմետր չի կարող տրվել որևէ մեկին, ՀՀ տարածքային ամբողջականությունը պաշտպանված է․ Կոնջորյան
Պետք է արդյունավետ հավասարակշռություն գտնենք արհեստական բանականության ընձեռած հնարավորությայն և ռիսկերի միջև. Ջուլհակյան
Պապոյանը ՀԱՀ ընկերություններին հրավիրել է մասնակցելու Հայաստանում պետական աջակցությամբ իրականացվող տնտեսական ծրագրերին
ՊՎԾ-ն ամփոփել է վարչապետի հանձնարարությամբ քաղշինկոմիտեում և ԿԳՄՍՆ-ում իրականացված ուսումնասիրությունների արդյունքները
էկոնոմիկայի նախարարությունը նոր գլխավոր քարտուղար ունի․ վարչապետը որոշում է ստորագրել (լուսանկար)
Սահմանազատման սկզբնական փուլում Հայաստանն ու Ադրբեջանը նախնական համաձայնեցրել են սահմանագծի առանձին հատվածները․ ԱԳՆ
Օլաֆ Շոլցը և Ադրբեջանի նախագահը բանակցություններ կվարեն Բեռլինում
Առաջին անգամ Հայաստանի և Ադրբեջանի միջև, 4 գյուղի հատվածում, կլինի սահմանազատված պետական սահման. քարտեզ
Ռոստովի մարզում ձերբակալվել են Ադրբեջանի քաղաքացին և ևս 2 անձ․ Շահին Աբբասովը կասկածվում է սպանության մեջ
Ալիևը կմեկնի Մոսկվա՝ Պուտինի հետ բանակցությունների
Թուրքիայում կրկին երկրաշարժ է տեղի ունեցել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 19-ին
