Քաղաքապետարանում թղթախաղո՞վ են զբաղվում, ովքե՞ր են այդ մարդիկ. պարզաբանում է Ա. Գեւորգյանը

Երեւանի ավագանու «Երկիր ծիրանի» խմբակցության ղեկավար Զարուհի Փոստանջանն այսօր մի քանի լրատվամիջոցների հրավիրել էր քաղաքապետարան՝ շրջայց կատարելու եւ նկարահանումներ իրականացնելու: Փոստանջյանը ներկայացրել էր մասնավորապես մի սենյակ, որտեղ հավաքված էին մի խումբ տղամարդիկ, իսկ սենյակում խաղաթղթեր կային ու խաղի հաշիվների մասին նշումով թղթեր: Քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանը, սակայն, լրագրողներին խնդրեց դուրս գալ շենքից, որովհետեւ նրանց շրջայցի հրավիրելը, ըստ նրա, ինքնիրավչություն է եղել եւ լրագրողները տարածք են մուտք գործել ներքին կանոնակարգի խախտումով:

Արթուր Գեւորգյանից փորձեցինք պարզել, թե ինչ սենյակ էր ներկայացվում տեսանյութում եւ ինչու էին այնտեղ խաղաթղթեր փռած:

- Պարոն Գեւորգյան, ի՞նչ սենյակ էր դա, ովքեր էին այդ մարդիկ եւ ինչով էին զբաղվում ու ինչ խաղաթղթեր էին այնտեղ:

- Նախ եւ առաջ Երեւանի քաղաքապետարանի վարչական շենք մուտք գործելու համար կա ներքին կանոնակարգ, որի խախտումով տվյալ խմբակցության ղեկավարը հրավիրել էր լրագրողներ, տարել այն տարածքներ, որի իրավասությունը ինքը չունի: Շենք մուտք գործելու համար պետք է առաջնորդվել աշխատակազմի համապատասխան կանոնակարգով: Դա կլինի խմբակցության ղեկավար, վարչության պետ, միեւնույն է, շենք մուտք գործելը, շենքում գտնվելը, առավելեւս նկարահանում կատարելը համար պետք է լինի համապատասխան կանոնակարգի համաձայն: Երեւանի ավագանու խմբակցության ղեկավարը կամ քարտուղարը իրավունք ունի լրատմամիջոցներին հրավիրել բացառապես իր աշխատասենյակ: Բայց, ինչպես տեսանք, նա ինքնիրավչությամբ է զբաղվել եւ տարել է քաղաքապետարանի վարչական շենքի տարածքներով իրականացրել է ինչ-որ նկարահանումներ, որի իրավունքը չունի:

- Ամեն դեպքում իրականությունը դրանից այլ չի դարձել. տեսանյութում տեսանք աշխատասենյակ, որտեղ տղամարդիկ էին հավաքված...

- Ոչ թե տեսաք աշխատասենյակ, խնդրում եմ հստակեցնել եւ չփորձել կեղծել կամ չփորձել այլ տեսնկյունից ներկայացնել վարորդների հանգստյան սենյակը: Վարորդների սենյակը երբեւէ չի եղել եւ չի դիտարկվել որպես աշխատասենյակ:

- Ո՞ւմ վարորդներն էին նրանք:

- Երեւանի քաղաքապետարանի աշխատակազմի ծառայողական մեքենաների վարորդների մասին է խոսքը: Նրանք, բնականաբար, պետք է ունենան իրենց աշխատանքային պայմանները: Հանգստյան սենյակ եւս այդ մարդիկ պետք է ունենան, որտեղ եւ մուտք է գործվել, էլի եմ կրկնում, կանոնակագը կոպիտ խախտելով: Նա իրավունք չունի որեւէ մեկին այդտեղ ուղեկցելու:

- Իսկ թեկուզ հանգստի սենյակում թղթախաղը նորմա՞լ է համարվում քաղաքապետարանում:

- Ես անկեղծ ասած, չգիտեմ՝ ինչի մասին եք խոսում: Ի՞նչ թղթախաղ:

- Խաղաթղթերը տեսանյութում երեւում էին:

- Ես հակընդդեմ հարց տամ: Ինչ-որ խաղադրույքով խա՞ղ եք տեսել: Յուրաքանչյուր տեղ կարող են լինել խաղաթղթեր, կամ թե չէ յուրաքանչյուրի մոտ կարող են լինել խաղաթղթեր: Դա հանցագործությո՞ւն է: Դեռեւս ես չգիտեմ քրեական օրենսգրքում մի հոդված, որ խաղաթղթեր ունենալը քրեորեն պատժելի արարք է: Առավել եւս՝ հանգստի սենյակում: 

- Պարոն Գեւորգյան, իսկ որտե՞ղ է գրված, որ լրագրողները իրավունք չունեին մտնել քաղաքապետարանի շենք:

- Դա Երեւանի քաղաքապետարանի աշխատակազմի ներքին կանոնակարգն է, որը սահմանվում է Երեւանի քաղաքապետարանի աշխատակազմի ղեկավարի կողմից եւ այդ կանոնակարգին պարտավոր են ենթարկվել յուրաքանչյուրը այս շենքում: Շենքը վարչական շենք է, վարչական շենքի տարածքում աշխատակազմի ղեկավարը կարող է սահմանել ներքին կանոնակարգ: Օրենքով դա սահմանված է եւ որեւէ խախտում չկա:

- Իսկ որտեղ կարելի է կարդալ եւ իմանալ՝ ինչ է այդ կանոնակարգով թույլատրվում եւ ինչ չի կարելի:

- Յուրաքաչնյուրդ շատ լավ գիտեք ու մինչ օրս Երեւանի քաղաքապետարան մուտք գործելու համար մշտապես կապվել եք Երեւանի քաղաքապետարանի տեղեկատվության վարչության, անձամբ ինձ հետ, այդ բոլոր հարցերը կանոնակարգել ենք միասին: Որեւէ անգամ, եթե կոնկրետ ավագանու խմբակցության ղեկավարը հրավիրվել է զանգվածային լրատվության միջոցների ներկայացուցիչներ, եթե ուղեկցել է իր աշխատասենյակ, որեւէ խոչընդոտ չեք հիշի:

-Բայց որեւէ տեղ գրվա՞ծ է, որ կարգն այդպես է:

- Ներքին կանոնակարգը գործող ներքին կարգ է, ներքին կարգի հետ կապված մենք անպայման կհրապարակենք, եթե այդքան շատ է ձեզ հետաքրքրում: Եվ ընդհանրապես մինչ օրս որեւէ խնդիր նման հարցով չի առաջացել: Մեկս մյուսի հետ համագործակցել ենք բարեհաճ, նորմալ:

Հարցազրույցը տպագրվել է «Հայկական ժամանակ» օրաթերթի փետրվարի 20-ի համարում:

Տպել
3669 դիտում

Արմեն Սարգսյանն Արարատում մասնակցել է Բանակի օրվան նվիրված տոնական միջոցառմանը

Ոստիկանության շենքից դուրս է եկել «Ադեկվադ» նախաձեռնության համահիմնադիր Արթուր Դանիելյանը

Երեւանի նախկին ոստիկանապետ Աշոտ Կարապետյանի մահվան դեպքով վկաներ կան. ՌԴ ՔԿ

Հրդեհներ են բռնկվել հանրապետության խոտածածկ տարածքներում, այրվել է 5.5 հա տարածք

Սեռական ոտնձգության ու կողմնակալ քվեարկության մասին հայտարարությունը ստվերել է «Գրեմի 2020»-ը

Քաղաքագետ Քանանյանի հետ հացադուլ է անում ևս մեկ արցախցի. բողոքին կմիանան այլ քաղաքացիներ նույնպես

Գորիսի տներից մեկում փրկարարները հայտնաբերել են 1945 թվականին ծնված տղամարդու դի. ԱԻՆ

ՃՏՊ Շիրակի գերեզմանատան մոտ. տուժածների վիճակը ծանր է, նրանց թվում հղի կին կա

ԱԱԾ նախկին տնօրեն Գեորգի Կուտոյանի ինքնասպանությունը կատարվել է նեղ անձնական շարժառիթով. ՔԿ

Ավտովթար Երեւանում. BMW-ն դուրս է եկել երթևեկելի գոտուց և տապալել լուսացույցը, կա տուժած

Վարչապետը հանդիպել է Հայաստանում ԱՄՆ դեսպան Լին Թրեյսիի եւ Կանզաս նահանգի Ազգային գվարդիայի հրամանատար Լի Տաֆանելլիի հետ

Չինաստանից վերադարձած Վրաստանի քաղաքացին կորոնավիրուսի ախտանիշներով դիմել է բուժհաստատություն

Այսօրվա մեր հայրենիքն այն տարածքն է, որ գտնվում է սահմանին կանգնած զինվորի թիկունքում. վարչապետ

Աննա Հակոբյանը ներկա է գտնվել «Հայրենիքի պաշտպանի վերականգնողական կենտրոնում» Արմենակ Ուրֆանյանի անվան դահլիճի բացմանը

ԱԺ նախագահը ծաղիկներ է խոնարհել Վանաձորի զինվորական պանթեոնում (լուսանկարներ)

10 փաստ լեգենդար Քոբի Բրայանթի մասին

Հավաքագրվում են դիտորդներ, մեդիամոնիտորինգի թիմ. քննարկվում է Արցախի Ընտրական օրենսգրքում փոփոխությունների առաջարկը

Նիկոլ Փաշինյանը ներկա է գտնվել Արցախի Շահումյանի շրջանում սպաների բնակարանամուտի արարողությանը

Արմեն Սարգսյանն այցելել է Վազգեն Սարգսյանի ընտանիքին (տեսանյութ)

Նարեկ Մալյանն ազատ արձակվեց