Ալեն Սիմոնյանի հասցեին սպառնալիքներ հնչեցրած Շմայսի արարքում հանցակազմ չեն գտել

ՀՀԿ-ական նախկին պատգամավոր Առաքել Մովսիսյանը՝ Շմայսը, հերթական անգամ ջրից չոր դուրս եկավ. ԵԼՔ դաշինքի Երեւանի ավագանու անդամ Ալեն Սիմոնյանին հասցեին սպառնալիքներ հնչեցնելու համար Մովսիսյանը քրեական պատասխանատվության չի ենթարկվի:

Մի քանի օր առաջ Առաքել Մովսիսյանը զանգահարել էր Ալեն Սիմոնյանին եւ սպառնալիքներ ու հայհոյանքներ հնչեցրել նրա հասցեին:

Այսօր ՀՀ ոստիկանության հասարակայնության հետ կապերի եւ լրատվության վարչությունից մեր հարցին ի պատասխան ասացին, որ հրապարակման հիման վրա ոստիկանությունում նյութեր են նախապատրաստվում: Սակայն քիչ առաջ ոստիկանության աշխատակիցները զանգահարել են Ալեն Սիմոնյանին եւ ասել, որ ուսումնասիրությամբ իրենք հանցակազմ չեն գտել, խնդրել են Սիմոնյանին գնալ ոստիկանություն եւ դիմում ներկայացնել:
Այս մասին մեր զրույցում ասաց ԵԼՔ դաշինքի Երեւանի ավագանու անդամը: Ալեն Սիմոնյանի հետ զրույցը ստորեւ.

- Ալեն, տեղեկություններ ունե՞ք, ձեր հասցեին սպառնալիքներ հնչեցնելու գործն ի՞նչ փուլում է, ի՞նչ ընթացք է տրվել:

- Քիչ առաջ զանգահարեցին ոստիկանությունից, ասացին, որ իրենք ուսումնասիրել են հրապարակումները եւ դրա մեջ հանցակազմ չեն գտել, իրենց գնահատմամբ՝ այդտեղ սպառնալիք չկա: Հրավիրեցին ինձ, որ ես գնամ դիմում ներկայացնեմ, բայց հաշվի առնելով նախկինում եղած փորձը, անիմաստ եմ համարում գնալ, դիմում ներկայացնել, իրենք էլ մի հատ ֆիքսեն, որ դիմում ներկայացվել է, շատ ուշադիր ուսումնասիրել են, բայց հանցակազմ չեն գտել: Կարծում եմ, որեւէ նոր բան ես իրենց չէի ասելու, դրա համար հրաժարվեցի եւ չգնացի:

- Այսինքն՝ հրաժարվե՞լ եք հաղորդում ներկայացնելուց:

- Մեռա հարցազրույց տալով, մեռա դրա մասին խոսելով: Ըստ Քրեական դատավարության օրենսգրքի՝ մամուլի հրապարակումներն արդեն իսկ հաղորդում է հանցագործության մասին: Եթե իրենք հանցակազմ չեն գտնում, ապա, անկեղծ ասած, ես իրենց խաղը խաղացողներից չեմ:

- Ստացվում է, եթե դուք հաղորդում չեք ներկայացնում, ապա Առաքել Մովսիսյանը քրեական պատասխանատվության չի ենթարկվում:

- Եթե ես հաղորդում ներկայացնեմ, Առաքել Մովսիսյանին պատասխանատվության ենթարկելո՞ւ են:

- Ձեզ եմ հարցնում:

- Ես իրավունք ունեմ ձեր հարցին հարցով պատասխանել, որը իր մեջ պատասխան է պարունակում:

- Տեղյա՞կ եք՝ ոստիկանություն Մովսիսյանին կանչե՞լ են, բացատրություն վերցր՞ել են, թե՞ ոչ:

- Անկեղծ ասած, տեղյակ չեմ, ես իր հետ չեմ շփվել, չեմ շփվելու: Այնուամենայնիվ, իմ գնահատականն այն է, որ իրեն ու ինձ փորձել է հակադրել իրար երրորդ մարդ, երրորդ ուժ. երրորդ կողմից կազմակերպած է, որովհետեւ այն պատճառը, որի համար ինքն ինձ զանգահարել էր, իրականության մեջ գոյություն չի ունեցել եւ ամբողջ հաշվարկը եղել է այն, որ այդ խոսակցության ընթացքում վեճ կբռնկվի, եւ ինքը կամ ես խոսակցության հետեւանքով վնաս կկրենք: Ինձ համար այս պահին կարեւոր է դա, թե չէ այնպես չէ, որեւէ նոր բան իմացանք կամ իմ, կամ իր մասին:

- 3-րդ կողմի անունը ձեզ հայտնի է, ո՞ւր են տանում կասկածները:

- Զբաղվում եմ դրանով, ժամանակի ընթացքում կիմանամ եւ կհրապարակեմ դա:

- Վերջում ավելացնելու բան ունե՞ք:

-Ո՛չ բռնությանը:

Ավելի վաղ՝ Ալեն Սիմոնյանը «ՀԺ»-ին տված հարցազրույցում ենթադրել էր, որ սա Գոռ Վարդանյանի կազմակերպածն է: Նշենք, որ Առաքել Մովսիսյանը Ալեն Սիմոնյանին զանգահարել է Երեւանի ավագանու հայտնի միջադեպից հետո:

Տպել
2451 դիտում

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 6 հա տարածք

Ասում եմ՝ ԱՅՈ՛. «ԱՅՈ՛» քարոզչական կողմի տեսահոլովակը պատրաստ է (տեսանյութ)

ՀՀ տարածքում կան փակ եւ դժվարանցանելի ճանապարհներ, մերկասառույց

Լուսանկարի երիտասարդներն էին ներկայանում որպես ԱՅՈ՛-ի լոգոյի հեղինակ. Հակոբ Կարապետյան

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքներ

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է