Ֆանտաստիկ հանդիպում. «Ռեալի» վերջին շանսն ու ՊՍԺ-ի երազանքը

Նման հանդիպումների դեպքում ասում են, որ սա կզարդարեր ցանկացած եզրափակիչ: Այսօր՝ փետրվարի 14-ին, Չեմպիոնների լիգայի 2017-18 մրցաշրջանի 1/8 եզրափակչի առաջին խաղում միմյանց դեմ են դուրս գալու ՊՍԺ-ն ու մրցաշարի վերջին 2 տարիների չեմպիոն «Ռեալ Մադրիդը»: Թեեւ այս փուլում ուժեղ այլ դիմակայություններ էլ կան, վիճակահանության պահից ի վեր ֆուտբոլային աշխարհը սպասում է այս խաղին:

«Ռեալի» համար սա մրցաշրջանը ու գլխավոր մարզիչ Զինեդին Զիդանին փրկելու վերջին հնարավորությունն է: «Արքայական ակումբը» վաղուց մոռացել է ազգային առաջնությունում չեմպիոնությունը պահպանելու մասին: Մի պահ տպավորություն կար, որ հնարավոր է՝ նույնիսկ առաջատար քառյակում հայտնվելու ու Չեմպիոնների լիգայի հաջորդ մրցաշրջանի ուղեգիր նվաճելու հարցում խնդիրներ ունենա: Չի պայքարում նաեւ Իսպանիայի գավաթի խաղարկությունում: Քառորդ եզրափակչում ճանապարհը զիջել է համեստ «Լեգանեսին»:

Եթե այս սայթաքումները լինեին միայն պատահականության կամ մրցակիցների գերազանց խաղի հետեւանքով, ապա «Ռեալի» նկատմամբ եղած քննադատությունը գուցե ավելի զուսպ լիներ: Սակայն թիմն այս վիճակում է հիմնականում մոտիվացիայի պակասի պատճառով: Սրան էլ ավելացել են կազմի հետ կապված խնդիրները: Անցած ամառ առանցքային մի քանի խաղացողների վաճառելուց հետո ղեկավարությունը նրանց համարժեք փոխարինողներ չբերեց: Թիմի ներսում մրցակցության բացակայությունը գումարվեց մոտիվացիայի պակասին, եւ վերջին 2 տարիներին ամեն ինչ հաղթած թիմը հայտնվեց ճգնաժամում:

Մրցաշրջանի սկզբում մի քանի անատամ խաղերից ու միավորների կորստից հետո Զիդանը վստահեցնում էր, թե կհավաքվեն: Խոստումը կատարել չկարողացավ, եւ երկրպագուների համբերությունը հատավ: Այժմ ոչ բոլորն են Զիդանին անձեռնմխելի համարում, եւ ըստ իսպանական մամուլի՝ նրանց թվում է նաեւ ակումբի նախագահ Ֆլորենտինո Պերեսը: Նշվում է, որ նա թիմում հեղափոխություն է պատրաստում, եւ եթե «Ռեալը» տիտղոս չնվաճի, այդ հեղափոխությունը կազդի նաեւ Զիդանի վրա: Իսկ գործնականում միակ տիտղոսը, որը «սերուցքայինները» նվաճելու հնարավորություն դեռ ունեն, Չեմպիոնների լիգայի գավաթն է:

Անկախ «արքայական ակումբի» ճգնաժամից՝ 3-րդ տարին անընդմեջ Չեմպիոնների լիգայի գավաթը նվաճելը ֆուտբոլային աշխարհում այնքան էլ անիրական չեն համարում: Ի տարբերություն մյուս մրցաշարերի՝ այստեղ ընթացիկ մրցաշրջանում, ըստ էության, նույն «Ռեալն» է, ինչ նախորդ տարիներին: Բայց ՊՍԺ-ն էլ այն մրցակիցը չէ, որը հեշտությամբ թույլ է տալու իր հաշվին մրցաշրջան փրկել: Ֆրանսիական թիմն էլ իր առաջադրանքներն ունի:

Ակումբի նախագահ Նասեր ալ-Խելայիֆին հսկայական գումարներ է ներդնում թիմն իսկական գրանդ դարձնելու նպատակով: Ամռանը նա պայթեցրեց տրանսֆերային շուկան ռեկորդային գնով Նեյմարին ու Կիլիան Մբապեին գնելու համար: Մեծ ակումբ դառնալու համար, ըստ նրա, Չեմպիոնների լիգայում հաղթելը կարեւոր նախապայման է:

Թիմի գլխավոր մարզիչ Ունայի Էմերին ու ֆուտբոլիստները վստահ են, որ այդ խնդիրը կլուծեն: Նշում են, որ իրենց բոլորովին չի անհանգստացնում, որ մրցակիցը մրցաշարի 12-ակի չեմպիոնն է: Հարցազրույցներում ինչ-որ տեղ նույնիսկ թերագնահատում են «Ռեալին»՝ գուցե հաշվի առնելով նրա աննախանձելի վիճակը: Կամ էլ փորձում են ցույց տալ, որ ամբողջությամբ մոռացել են անցած մրցաշրջանի ձախողումը, երբ Չեմպիոնների լիգայի 1/8 եզրափակչի առաջին խաղում «Բարսելոնային» 4:0 հաշվով հաղթելուց հետո, պատասխան խաղում հաջողացրին պարտվել 1:6 ու զիջել ճանապարհը:

Ի տարբերություն իսպանական թիմի, որն ազգային առաջնությունում ընդամենը 4-րդն է՝ ՊՍԺ-ն մեծ առավելությամբ գլխավորում է Ֆրանսիայի առաջնության մրցաշարային աղյուսակը: Ունի 63 միավոր եւ 2-րդ տեղում ընթացող «Մոնակոյին» գերազանցում է 12 միավորով: Ամեն դեպքում այստեղ էլ ամեն ինչ չէ, որ հարթ է: Նախ Էմերին հանդերձարանը վերահսկելու խնդիր ունի: Կարծես թե, աստղերին կառավարելն այնքան էլ չի ստացվում: Նեյմարն արտոնություններ ունի, ինչը նրա թիմակիցները կամ չեն բարձրաձայնում, կամ էլ դրա մասին խոսելիս ընդգծում են, որ իրենց չի անհանգստացնում: Բոլոր դեպքերում սա չի կարող ընդհանրապես չանդրադառնալ մթնոլորտի վրա:

Մյուս կողմից փարիզցիների վրա էլ կա նույնքան ճնշում, որքան «Ռեալի»: Խելահեղ տրանսֆերներ անելուց հետո երկրպագուներին չեն խաբի միայն Ֆրանսիայի ներսում տիտղոսներ նվաճելով: Ավելին է պետք: Բացի այդ՝ այդքան աստղեր ունենալով ու բարձրագոչ հայտարարություններ անելուց հետո չեն կարող ամոթով մնալ եվրոպական գրանդների մոտ: Պարտավոր են ապացուցել, որ նրանցից մեկն են: Ի վերջո, ինչպես «Ռեալի» դեպքում, այստեղ էլ խաղասեղանին Էմերիի պաշտոնն է:    

Մադրիդում կայանալիք «Ռեալ»-ՊՍԺ հանդիպումը սկսվելու է 23:30-ին: Ցուցադրվելու է Արմենիա TV-ի եթերով: Պատասխան խաղը Փարիզում տեղի է ունենալու մարտի 6-ին:

Տպել
2806 դիտում

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է