Ցածրակարգ երաժշտությունը դոմինանտ չէ, քանի որ ես չեմ լսում, դուք չեք լսում. Արմեն Ամիրյան

Մարտի 31-ին, Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում կկայանա «Ծիծեռնակ» ազգային երաժշտական ամենամյա մրցանակաբաշխությունը: ՀՀ մշակույթի նախարարության նախաձեռնությամբ իրականացվող մրցանակաբաշխությունն այս տարի երկրորդ անգամ է անցկացվելու: Այսօր լրագրողների հետ հանդիպում էր կազմակերպվել՝ մրցանակաբաշխության մանրամասները ներկայացնելու եւ կազմակերպիչների հետ խոսելու նպատակով:

Մշակույթի նախարար Արմեն Ամիրյանի բնորոշմամբ՝ մրցանակաբաշխությունը ի մի կբերի եւ հանրությանը կներկայացնի տարվա ընթացքում ստեղծված հայ դասական եւ ժամանակակից երաժշտարվեստի լավագույն նմուշները: Նախարարի վստահեցմամբ, ամեն ինչ անելու են, որ ցածրակարգ երաժշտությունը դոմինանտ չդառնա: Լրագրողների այն հարցին՝ գուցե արդե՞ն դարձել է. Ամիրյանն ասաց, որ դոմինանտ չի դարձել, քանի որ «ես չեմ լսում, դուք չեք լսում»,- ասաց նա:

Ըստ Արմեն Ամիրյանի, մրցանակաբաշխությունում մեծ տեղ է տրվելու դասական եւ ազգային ժանրերում ստեղծագործող խմբերին ու անհատներին: Լինելու են 25 մրցանակ, կլինի նաեւ հատուկ մրցանակ՝ իքս գումարի տեսքով:
«Համոզված ենք, որ այս մրցանակաբաշխությունը կարող է դառնալ շատ լավ խթան եւ՛ կատարողական, եւ՛ կոմպոզիտորական արվեստի զարգացման գործում: Փորձելու ենք արժեւորել լավագույններին եւ փաստել, որ մեր օրերում ստեղծվում է շատ ավելի բարձրարժեք երաժշտություն, քան այն, ինչ հաճախ մատուցվում է»,-ասաց Արմեն Ամիրյանը՝ ներկայացնելով ստեղծագործական թիմի անդամներին, որոնք իրենց վրա են վերցրել մարտի 31-ին կայանալիք «Ծիծեռնակ»-ի իրականացման ողջ պատասխանատվությունը:

«Ծիծեռնակ-2018» ազգային երաժշտական մրցանակաբաշխության ռեժիսոր Արթուր Մանուկյանը խոստացավ անակնկալներով լի գեղեցիկ համերգային շոու: «Կլինի կարմիր գորգ, որով կանցնեն երաժշտարվեստի հայտնի ու հետաքրքիր դեմքեր»,- ասաց նա: Արթուր Մանուկյանի խոսքով՝ արտամրցութային մրցանակաբաշխություն եւս կլինի, այդ մրցանակները հայտնիներին կտրվեն մշակույթի նախարարության կողմից՝ «Ծիծեռնակ»-ի 25 մրցանակից զատ:

Կազմակերպիչներից կոմպոզիտոր եւ երգիչ Հայկոն ասաց, որ քանի որ այսօր սոցցանցերի տարափի մեջ ենք ապրում, իսկ արտիստին գնահատում են իր դիտումներով՝ կարող է հպարտությամբ ասել, որ մեր երաժշտական ասպարեզը շատ բարձր մակարդակի վրա է, որովհետեւ ունենք համաշխարհային, բարձր մակարդակի աստղեր, թե՛ ջազային, թե՛ ռոկ ասպարեզում: 

Երաժիշտների բազմիցս ահազանգներին, որ հայ հասարակությունը լսում է թուրքա-արաբական, կամ արեւելյան մոտիվներով երաժշտություն՝ Հայկոն ասաց, որ ժամանակն ամեն ինչ իր տեղը կդնի: «Երաժշտական յուրաքանչյուր ոճ ունի իր տեղը, եթե կա այդ ոճը, ուրեմն կա դրա պահանջարկը»,- ասաց նա, վստահեցնելով, որ թե՛ հեռուստատեսությամբ, թե՛ մշակութային կենտրոններում այսուհետ հնչելու են լավագույն երաժշտությունները, իսկ «Ծիծեռնակ»-ը հենց այդ նպատակով արվող առաջնային քայլերից մեկն է:

Մրցանակաբաշխության կազմակերպիչների խոսքով «Ծիծեռնակ»-ի արդյունավետ ապահովելու գործում իր ծանրակշիռ դերն ունի պրոֆեսիոնալ ժյուրին: Կազմակերպիչները վստահեցնում են՝ ժանրային տարբեր հանձնաժողովներում ղեկը վստահվել է լավագույններին, սակայն անուններ տալ դեռ չցանկացան: «Ծիծեռնակ»-ի մասնակցության հայտերն ընդունվելու են մինչեւ փետրվարի 28-ը: 

Տպել
850 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը