Մեկ բուժքույրը համատեղությամբ կարող է աշխատել նաեւ հարակից մանկապարտեզներում. ԿԳՆ պաշտոնյա

Արդեն անդրադարձել ենք, որ Հայաստանում գործող նախադպրոցական ուսումնական հաստատությունների օրինակելի հաստիքացուցակում կատարվել են փոփոխություններ, ինչի հետեւանքով օրինակ նվազեցվել են բուժքրոջ հաստիքային միավորները, իսկ մեթոդիստ-տնօրենի ուս. գծով տեղակալի հաստիքային միավորներն ավելացվել են:

Բուժքրոջ 0.5 հաստիքը նշանակում է, որ նա ամբողջ օրը մանկապարտեզում չի գտնվելու, ինչը ծնողների շրջանում որոշակի դժգոհություն է առաջացրել: Կրթության եւ գիտության նախարարության նախադպրոցական եւ միջնակարգ կրթության քաղաքականության մշակման ու վերլուծության բաժնի պետ Սյուզաննա Մակյանը, մեր հարցմանն ի պատասխան մեկնաբանելով այս խնդիրը, ասաց.

«Ամեն դեպքում կես հաստիք սահմանել ենք մեկ եւ երկու խումբ ունեցող մանկապարտեզների համար, որովհետեւ երեխաների քանակը շատ փոքր է, եւ այդ բուժքույրը համատեղությամբ կարող է աշխատել հարակից մի քանի մանկապարտեզում: Ու, բնականաբար, եթե, Աստված չանի, կարիք լինի, իրեն կկանչեն: Մենք նաեւ հնարավորություն ենք տալիս, որպեսզի այդ բուժքույրը կարողանա մի քանի տեղում աշխատել, որովհետեւ այսպես թե այնպես, եթե սաների թիվը 40-50 է, նպատակահարմար չէ ամբողջ դրույքով բուժքույր պահել՝ ֆինանսական ծանր պայմաններում, որովհետեւ կան հաստիքներ, օրինակ, մեթոդիստի հաստիքը, որը տեղակալ է համարվում, բայց նա մեզ համար տեղակալ չէ, մեթոդիստ է, որը պատասխանատու է բովանդակության համար: Չեմ ասում՝ մեթոդիստը բուժքույրից կարեւոր է, բայց իրենք երկուսն էլ նույն հարթության վրա պիտի լինեն»:

Սյուզաննա Մակյանը նաեւ հավելեց, որ մինչեւ այս փոփոխությունները կային մանկապարտեզներ, որտեղ առկա չէր մեթոդիստի հաստիք, ինչը նույնպես անընդունելի է նախարարության համար: Մեր զրուցակիցը նաեւ ընդգծեց, որ նոր հաստիքացուցակով միայն նվազագույն շեմն է սահմանված, հետեւաբար այն համայնքները, որոնք կունենան ֆինանսական միջոցներ, հաստիքային միավորները կարող են ավելացնել:

Լուրը տպագրվել է «Հայկական ժամանակ» օրաթերթի փետրվարի 14-ի համարում:

Տպել
4666 դիտում

Արմեն Սարգսյանն ընդունել է միջազգային փորձագետներ և վենչուրային ներդրողներ Լուիջի Ամատին և Բրիջիթ Բոումենին

Երեք տասնամյակ՝ նկուղում

Հայտարարություն մրցույթի մասին

Ղեկավարում եմ Հայաստանի աթլետիկայի ֆեդերացիան, բնակվում եմ Ֆրանսիայում, սակայն անձնագիրս հայկական է. Էմմիյան

Հայաստանն ընտրել է միջուկային էներգիայի անվտանգ և խաղաղ օգտագործման թափանցիկ և բաց քաղաքականություն. նախարար

Ռոբերտ Քոչարյանը կմնա կալանքի տակ .դատարանը հրապարակեց որոշումը

Վանաձորում փրկարարները բացել են բնակարանի դուռը և լոգարանում հայտնաբերել կնոջ դի

Մոլդովայի նախագահը Երևանում կմասնակցի ԵԱՏՄ բարձրագույն խորհրդի նիստին

Մեր արձագանքը համարժեք է խնդիրներին. վարչապետն Անվտանգության խորհրդի նիստ է հրավիրել

Սիրիայի հակամարտությունից մինչեւ ռազմական համագործակցություն. ինչի՞ մասին են խոսել Պուտինը, Ռոհանին ու Էրդողանը

Մենք չենք միանում այդպիսի նախաձեռնություններին․ պետք է կոնկրետ հիմք լինի․ Պետրոսյանը՝ «Իմ քայլի» որոշման մասին

ՀՊՏՀ Գյումրու մասնաճյուղն Ալեքսանյանին ու Չալյանին անվճար կրթություն է առաջարկում

Սխալ տողադարձումներով պաստառներ Գյումրիում. Անկախության տոնակատարությունները համակարգում է ՀՀ վարչապետի աշխատակազմը

Թրամփը որոնում է երկրի տնտեսական աճը բարձր պահելու միջոցներ

Համացանցում տարածվել են Ջիգարխանյանի ու նախկին կնոջ լուսանկարները. նորից միասին են

Հայաստանի լրագրողները Լիտվայի ֆուտբոլային մրցաշարում գրավել են 2-րդ տեղը

Հույս ունեմ՝ պարոն Վանեցյանն առիթ կունենա ասել՝ ինչ էր ակնարկում իր հրաժարականի տեքստում․ Իվետա Տոնոյան

Հայաստանին ու Լիտվային միավորում է ապագայի նույն տեսլականը. նախարարները համակարծիք են

«Հայփոստ»-ի աշխատակիցները Լոռիում նպաստառուներից և կենսաթոշակառուներից կանոնավոր գումարներ են ստացել. դատախազություն

Նոր հոդվածներ հայալեզու Վիքիպեդիայում՝ «Հոդված 3» մարդու իրավունքների փառատոնի շրջանակներում