Այսօր մեկնարկում են օլիմպիական խաղերը

Ավելի քան 2500 մարզիկ Հարավային Կորեայում կպայքարի օլիմպիական մեդալների համար: Այսօր՝ փետրվարի 9-ին, Փհենչհան քաղաքում մեկնարկում են ձմեռային 23-րդ օլիմպիական խաղերը: Բացման արարողությունը տեղի կունենա Երեւանի ժամանակով 15:00-ին: Կցուցադրվի Առաջին ալիքի ուղիղ եթերում:

Մարզիկները կմրցեն 15 մարզաձեւերում: Հայաստանն օլիմպիական խաղերում ներկայացնում է 3 հոգի: Դահուկավազքում կմրցեն Միքայել Միքայելյանը եւ Կատյա Գալստյանը, իսկ լեռնադահուկային սպորտում՝ Աշոտ Կարապետյանը: Այսօր բացմանը հայկական պատվիրակության դրոշակակիրը լինելու է Միքայել Միքայելյանը: Նա դրոշակակիր է եղել նաեւ 2016 թ. Նորվեգիայի Լիլեհամեր քաղաքում կայացած պատանեկան օլիմպիական խաղերում:

Այս խաղերին չի մասնակցելու Ռուսաստանի հավաքականը: Ռուս մարզիկները, որոնք չեն մեղադրվել Սոչի 2014-ում արգելված խթանիչներ օգտագործելու մեջ, կարող են հանդես գալ խաղերում, սակայն չեզոք դրոշի ներքո: Նրանց հաղթանակի դեպքում հնչելու է օլիմպիական հիմնը: Որակազրկված մարզիկներից շատերը դիմել էին Մարզական արբիտրաժային դատարան: Նրանցից 28-ն արդարացվել է, սակայն Միջազգային օլիմպիական կոմիտեի կողմից նրանցից ոչ ոք մասնակցելու իրավունք այդպես էլ չի ստացել:

Պատմական իրադարձություն տեղի կունենա այս խաղերի ժամանակ: Առաջին անգամ Հյուսիսային Կորեայի քաղաքացիները մուտք կգործեն Հարավային Կորեա: 2 Կորեաների մարզիկները բացման արարողության ժամանակ միասին քայլերթ կիրականացնեն միացյալ կորեական դրոշի ներքո: Բացի այդ՝ նրանք խաղերում կանանց հոկեյի միացյալ թիմ կունենան: Մյուս բոլոր մարզաձեւերում Կորեաները առանձին հանդես կգան:

6 երկիր իրենց նորամուտը կնշեն օլիմպիական խաղերում: Դրանք են Էկվադորը, Էրիթրեան, Կոսովոն, Մալազիան, Նիգերիան եւ Սինգապուրը: Կայմանյան կղզիների, Դոմինիկայի եւ Պերուի ազգային օլիմպիական կոմիտեները Դահուկային սպորտի միջազգային ֆեդերացիային են վերադարձրել իրենց ուղեգրերը:

Օլիմպիական խաղերն ավարտվելու են փետրվարի 25-ին:

Տպել
1850 դիտում

Սպանության փորձի համար հետախուզվողը վնասազերծվողի մոտ հայտնաբերվել է մի ամբողջ զինանոց (տեսանյութ)

Արցախի ՊԲ հրամանատարն աշխատանքային խորհրդակցություն է անցկացրել

Վթար Կապան քաղաքում. վարորդը հոսպիտալացվել է

Մարտի 1-ին՝ ժամը 18.00-ին, Ազատության հրապարակից շարժվում ենք երթով. վարչապետ

Որոշողն Արցախի ժողովուրդն է, եւ վերջ

Մշակութային գործիչները կոչ են անում Ս. Կարապետյանին հուղարկավորել Գիտությունների ազգային ակադեմիայից

ՀՀ տարածքում կան փակ և դժվարանցանելի ավտոճանապարհներ, 2 մարզերում ձյուն է տեղում

Այս բուկլետը նաեւ լավ հուշանվեր է, սիրով կնվիրեմ. վարչապետ

Հայ-ղրղզական միջխորհրդարանական բարեկամական խմբի շրջանակում հանդիպում է տեղի ունեցել

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով