Կրթության տեսչության աշխատակիցների մի մասը չի վերադառնա աշխատանքի. կրճատումներ կլինեն

Կրթության տեսչական մարմինը դեռեւս կազմավորման փուլում է: Առայժմ նշանակված են միայն տեսչության պետն ու երկու տեղակալները: Կադրերով վերջնական համալրվածության համար հնարավոր է դեռ ամիսներ պահանջվեն:

Նորաստեղծ կրթության տեսչական մարմինը, որը կառավարությանն առընթեր է, իրավահաջորդն է կրթության եւ գիտության նախարարության կրթության պետական տեսչության: Վերջինս լուծարվեց ամիսներ առաջ:

Կրթության պետական տեսչության աշխատակազմը բաղկացած է եղել 45 անդամից: Կրթության տեսչական մարմին ստեղծելու մասին կառավարության համապատասխան որոշման մեջ չէր բացառվում, որ կարող են լինել կադրային կրճատումներ: Տեսչական մարմնի պետ Ալեքսանդր Շագաֆյանից տեղեկացանք, որ այս նոր կառույցը կունենա 42 աշխատակից: Լուծարված մարմնի գրեթե ամբողջ աշխատակազմը (բացի սպասարկող անձնակազմից), քանի որ զբաղեցնում էին քաղծառայողի պաշտոններ, «Քաղծառայության մասին» օրենքի համաձայն,  ուղարկվել են կադրերի ռեզերվ: Կվերադառնան արդյո՞ք նրանք նորաստեղծ մարմնում աշխատելու, թե՞ շուտով, ըստ ամենայնի, կհամալրեն գործազուրկների շարքը:

«Կադրերի ռեզերվից առնվազն 15 հոգի առաջիկայում կվերադառնա: Մոտ օրերս կլինեն հրամանները: Չի բացառվում, որ հետագայում դրան ավելանան նաեւ մի քանի հոգի»,- ասաց Ալեքսանդր Շագաֆյանը: Ըստ նրա, պետք է հաշվի առնել, որ տեսչական մարմինն ունի նոր կառույցներ, որոնք չեն եղել կրթության պետական տեսչության մեջ եւ փոխարենը կրթության պետական տեսչությունն ուներ, այսպես կոչված, տարածքային բաժիններ (չնայած դրանք Երեւանում էին գործում), որոնք չեն պահպանվել տեսչական մարմնում: «Եվ բնականաբար նախորդ կազմից ինչ-որ մարդիկ, այնուհանդերձ, չեն վերադառնա»,- ասաց կրթության տեսչական մարմնի պետը՝ հավելելով, թե հստակ թիվ նշել առայժմ չի կարող: «Երբ որ տեսչական մարմինը վերջնական ձեւավորվի, կերեւա»,- պատասխանեց նա:

Կրթության տեսչական մարմնի պետն ասաց, թե կրթության պետական տեսչության գործառույթները պահպանվել են, դեռ մի բան էլ ավելի: Թե որն է այդ «ավելին» եւ ինչ նոր բան պետք է  սպասել, այդ առնչությամբ նա նշեց. «Չնայած կրթության պետական տեսչությունն էլ ունեցել է խորհրդատվական գործառույթ, բայց մենք հիմա դրա վրա ավելի շատ շեշտադրում ենք անելու: Մենք նաեւ ավելի շատ շեշտադրում ենք անելու օրենսդրական, ենթաօրենսդրական առաջարկների մասով, որը մենք անհրաժեշտ կհամարենք ունենալ՝ հիմնված մեր ուսումնասիրությունների, բացահայտումների վրա: Իսկ խորհրդատվական գործառույթը բնականաբար, առնչվելու է այն հաստատություններին, որոնց մենք վերահսկում ենք: Պարզ ձեւով ասած՝ ենթադրենք տեղի է ունեցել օրենքի կամ գործող ինչ-որ կարգի փոփոխություն, ուսումնական հաստատությունների ղեկավարները, մանկավարժական աշխատողները կարիք կունենան դրա մասին իմանալ ավելին: Մենք պատրաստ կլինենք, հնարավորինս ջանք կներդնենք, որ համապատասխան ինֆորմացիան նրանք ժամանակին ստանան»:

Նյութը հրապարակվել է «Հայկական ժամանակ» օրաթերթի փետրվարի 6-ի համարում:

Տպել
1990 դիտում

Ոստիկանին սպանելու, մյուսին՝ վիրավորելու կասկածանքով ձերբակալվածները եղբայրներ են, որոնցից մեկը անչափահաս է

Ռուստամ Բադասյանը ԵԽ գլխավոր քարտուղարի հետ քննարկել է դատաիրավական բարեփոխումներին վերաբերող մի շարք հարցեր

Արտաշատի դպրոցում թունավորված աշակերտները դուրս են գրվել, բացի մեկից. նա պիցցան ամբողջն էր կերել եւ վիճակն ավելի վատ էր

Արցախի Հանրապետության Նախագահն ընդունել է ԵԱՀԿ Մինսկի խմբի համանախագահներին

ՀՀ ոստիկանությունը հրապարակել է ծառայության ընթացքում զոհված ոստիկանի լուսանկարը

Վարչապետը ելույթ է ունենում «Գլոբալ ինովացիոն ֆորում 2019. Փոխակերպելով բանականությունը» համաժողովի բացմանը

Գիշերվա միջադեպից տուժած ոստիկանը գլխուղեղի ցնցում ունի. նա հիվանդանոցում է

Մի ոստիկանին սպանելու, մյուսին վնասվածք հասցնելու մեջ կասկածվող 2 անձինք հայտնաբերվել են. Ահարոնյան

25-ամյա ոստիկանը գլխի շրջանում պատռվածքներ ունի, 38-ամյա ոստիկանը տեղափոխվել է արդեն մահացած. ՔԿ

Երեւանում վերելակի խափանվելու հետեւանքով քաղաքացիներն արգելափակվել էին ներսում

Երեւանում սպանված 38-ամյա ոստիկանին կրակել են իր իսկ ծառայողական զենքով, մյուսին՝ հարվածել կոթով. մանրամասներ

Թուրքիան կարող է պատասխանատվության ենթարկվել իր հետ կապ ունեցող խմբերի գործողությունների համար. ՄԱԿ

Կալիֆորնիայի նահանգային ասամբլեայի անդամն ու Լոս Անջելեսի քաղաքային խորհրդի անդամը ՀՀ ոստիկանություն են այցելել

Մոլդովայի խորհրդարանում կներկայացվի Հայոց ցեղասպանության ճանաչման օրենսդրական նախաձեռնություն

Գորիս-Կապան հատվածի 8-14-րդ կմ-երը ամեն օր՝ ժամը 09:00-18:00-ն, շարունակում է փակ մնալ բեռնատարների համար

Երեւանի բնակարաններից մեկում հայտնաբերվել է դի

Երեւանում հրազենի գործադրմամբ ոստիկան է սպանվել. 1 ոստիկան էլ վիրավոր է

Թուրքական «Խաղաղության աղբյուրը». բոլորը կողմ են՝ դեմ խոսելով

ԿԲ նախագահ Արթուր Ջավադյանը հանդիպել է China Union Pay կազմակերպության խորհրդի նախագահի հետ

Զոհրաբ Մնացականյանը հանդիպել է Վրաստանի ԱԳ նախարար Դավիթ Զալկալիանիի հետ