Լուսանկարում՝ Սերժ Սարգսյանը Միխեիլ Սահակաշվիլիին պարգեւատրում է Պատվո շքանշանով, 2009 թ.

Վրաստանի նախկին նախագահ, Օդեսայի նախկին նահանգապետ Միխեիլ Սահակաշվիլու «Ուժերի զարթոնք» գրքի շնորհանդեսը Երեւանում տեղի չի ունենում: Նախապես ասվել էր, որ միջոցառումը լինելու է Չարենցի տուն-թանգարանում, ապա՝ «Նոյյան Տապան» գրախանութում, բայց վերջին պահին չեղարկվել էր: Գրքի թարգմանության հեղինակը «ՀԺ»-ի լրագրողի հետ զրույցում ասել է, որ շնորհանդեսը Երեւանում պարտադիր լինելու է: Կռվախնձոր դարձած գրքի շնորհանդեսի չեղարկումների պատճառներն արդեն հասցրել են քաղաքական ենթատեքստ ստանալ: Մասնավորապես, վրացական մամուլը գրեց, որ Հայաստանում Ռուսաստանի դեսպանատան թեթեւ ձեռքով չեղարկվում է Սահակաշվիլու «Ուժերի զարթոնք» գրքի շնորհանդեսը: Ֆեյսբուքահայությունը՝ պատգամավորների, լրագրողների, հրապարակախոսների մակարդակով քննարկում է շնորհանդեսի չեղարկումը՝ համարելով այն բացահայտ գրաքննություն: Փաստ է, որ Հայաստանում գրաքննվում է նաեւ գրախանութն՝ այս դեպքում «Նոյյան Տապանը»: Գրախանութի տնօրենը «ՀԺ»-ի լրագրողին ասել էր, որ բովանդակությունը քաղաքական է եւ իրենք քաղաքականության հետ կապ չունեն: Սակայն հատկանշական է, որ ապաքաղաքական այս գրախանութում վաճառվում է ՀՀԿ-ական պատգմավոր Արտաշես Գեղամյանի «Ռուսաստանի եւ Հայաստանի ռազմավարական դաշինքը դարերի համար է» հեղինակած գիրքը:

Հայաստանի իշխանական ճամբարից, սակայն, Միխեիլ Սահակաշվիլու «Ուժերի զարթոնք» գրքի շնորհանդեսի չեղարկումը դրական են համարում: Ավելին՝ ՀՀԿ խմբակցության պատգմավոր Շիրակ Թորոսյանը կոշտ դիրքորոշում ունի: Մեկնաբանում է, որ Սահակաշվիլին հակահայ գործիչ է, եւ նրա գրքի շնորհանդեսը Երեւանում չպետք է լինի:

«Ես առաջարկում են նախ այդ գրքի շնորհանդեսն անեն Վրաստանում, ապա նոր ուրիշ երկրներում: Վրաստանում այն արգելված է, եթե այն Վրաստանում արգելված է, ինչու՞ պետք է թարգմանվի հայերեն, եւ մի հատ էլ Հայաստանում շնորհանդես լինի: Սա խիստ անհասկանալի է, եւ սա այն դեպքում, երբ Սահակաշվիլին ազգային խտրականության է կիրառել վրացահայության եւ հատկապես ջավախահայության նկատմամբ: Կոպիտ դրսեւորումներից մեկն էլ եղել է այն, որ արգելել է Հայաստանից հայատառ գրականության մուտքը Վրաստան: Հիմա այդ մարդը, որ եղել է հայատյաց, արգելել է հայոց պատմության դասավանդումը հայկական դպրոցներում, նվազագույնի է հասցրել հայոց լեզվի եւ գրականության դասաժամերը, ինչու՞ պետք է այդ մարդու եսիմինչ կենսագրական գիրքը, որի մի մասը հակահայկականություն է, թարգմանվի հայերեն եւ մի հատ էլ շնորհանդես արվի: Պարզ է, թե որտեղից է գալիս ֆինանսավորումը, որ այդ գիրքը թարգմանվի»,- ասաց Թորոսյանը:

«Հայկական ժամանակ»-ի հարցին՝ ո՞վ է կանգնած ֆինանսավորման հետեւում, ու՞մ եւ ինչու՞ է ձեռնտու Երեւանում այդ միջոցառումը կազմակերպել, ՀՀԿ-ական պատգամավորն անուններ չտվեց, բայց վստահեցրեց՝ ոչ ոք չի գնա շնորհանդեսին, եթե անգամ այն տեղի ունենա:

«Չեմ կարող ասել, թե որտեղից է գալիս, կարող եմ միայն ենթադրել, բայց ամեն դեպքում կան մարդիկ, ովքեր նման նախաձեռնությամբ են հանդես եկել եւ բարեբախտաբար նման տխուր իրողություն տեղի չունեցավ Երեւանում: Ես դրանից շատ կհիասթափվեի եւ կարծում եմ, որ ոչ ոք էլ չի գնա այդ գրքի շնորհանդեսին՝ անցանկալի քայլին, եթե այդպիսի բան լինի, մենք մեր դիրքորոշումը եւ կոշտ արձագանքը կցուցաբերենք»,- ասաց Շիրակ Թորոսյան:

Հայաստանի խորհրադարանի ընդդիմադիր ԵԼՔ խմբակցության պատգամավոր Արարատ Միրզոյանը դիմել է ԱԺ նախագահ Արա Բաբլոյանին, որպեսզի Միխեիլ Սահակաշվիլու «Ուժերի զարթոնք» գրքի շնորհանդեսի միջոցառումը կազմակերպի ԱԺ-ի իր աշխատասենյակում: Թորոսյանը գործընկերոջ նախաձեռնության մասին «ՀԺ»-ից տեղեկացավ եւ նշեց՝ կոշտ վերաբերմունք կդրսեւորի նաեւ գործընկերոջ նկատմամբ, եթե նա այդ քայլին դիմի:

«Ես տեղյակ չեմ Արարատ Միրզոյանի այդ քայլից, եթե տեղեկանամ եւ իմանամ, որ դա հաստատ է, ապա ես իմ կոշտ դիրքորոշուկը կվերագրեմ Արարատ Միրզոյանին: Թեեւ նրան շատ հարգում եմ, իմ կոլեգան է եւ համարում եմ հայրենասեր, բայց եթե այդպիսի քայլի գնաց, իմ վերաբերմունքը կտրուկ կփոխվի»,- ասաց ՀՀԿ-ական պատգամավորը:

«...Իսկ հիմա ո՞վ է հիշում հայերի ցեղասպանությունը»: Սա մեջբերում է բռնապետ Ադոլֆ Հիտլերի «Իմ պայքարը» գրիքից, որն ազատ վաճառվում է Հայաստանի գրախանութներում: Շիրակ Թորոսյանի՝ Սահակաշվիլուն տված հակահայ բնորոշումները կարելի է տալ նաեւ Հիտլերին, սակայն նրա գիրքն ազատ վաճառքում է: Պատգամավորը կարծում է, որ հայ ներկայի սերնդին անհրաժեշտ է այս գրքի ուսումնասիրությունը:

«Հայաստանում Հիտլերի մասին գիրքն ազատ վաճառվում է, որովհետեւ Հիտլերը Հայոց ցեղասպանությունը մատնացույց անելով, հիմնավորել է իր գազանային քաղաքականությունը՝ սլավոնների նկատմամբ: Դա պետք է եւ անհրաժեշտ, որ մարդիկ ծանոթանան, քանի որ մայրենի լեզվով ավելի մատչելի է, կկարողանան հետեւություն անել: Դա պատմություն է, որը պետք է իմանան, բայց շոու անել, գովել-գովերգել, դա է անընդունելի: Սահակաշվիլու գիրքը թարգմանված է, թող վերցնեն,  ծանոթանան, ոչ ոք չի արգելում կարդան, բայց  դնել գլխներին՝ անընդունելի է, Հիտլերին Հայաստանում ոչ մեկը չի փառաբանում»,- ասում է Թորոսյանը:

Ստացվել է այնպես, որ ջավախահայության նկատմամբ ռեպրեսիաներ իրականացրած Սահակաշվիլին 2009 թվականին Երեւանում Սերժ Սարգսյանի կողմից արժանացել է Պատվո շքանշանի, որը օտարերկրյա քաղաքացիներին տրվող Հայաստանի բարձրագույն պետական պարգեւն է եւ որին Վրաստանի նախագահն արժանացել է ՀՀ նախագահի հունիսի 24-ի հրամանագրով` հայ-վրացական դարավոր բարեկամության ամրապնդման, Հայաստանի եւ Վրաստանի համագործակցության խորացմանն ուղղված գործունեության համար:  Շիրակ Թորոսյանի գնահատմամբ՝ այս փաստը կարելի է շատ պարզ նկարագրել:

«Միջպետական հարաբերություններն այլ հարթություն են: Այն խնդիրը, որ մենք քննարկում ենք, այլ է: Մեր երկրում կարծում եմ, որ ոչ մեկը հիացած չի եղել Սահակաշվիլու կերպարով, բայց կան միջպետական, դիվանագիտական հարաբերություններ: Դա Հայաստանի առաջնային շահն էր, կար տրանզիտի խնդիր, որոնց գումարման արդյունքում եղել է այդ իրողությունը, եւ դրանք իրար հետ չպետք է խառնել: Եթե պետության առաջնորդն առաջնորդվի առանձին դրվագներով, ապա մեծ սխալ կատարած կլիներ, եւ Սերժ Սարգսյանի այդ քաղաքականության հիմքում եղել է այլ առաջնահերթություններ, որոնք ընդունելի եւ հասկանալի են»,- ասաց նա, իսկ հարցին՝ եթե Սահակաշվիլուն չպարգեատրեր, կրկին սխալված կլինե՞ր Սերժ Սարգսյանը, Թորոսյանն ասաց.

«Պարգեւատրումը փոխադարձ երեւույթ է, եւ Հանրապետության նախագահը եւս Վրաստանի բարձրագույն՝ Պատվո շքանշանով է պարգեւատրվել: Այդ հարաբերությունները չպետք է բերել եւ խառնել այդ գրքի հետ»:

Նյութը հրապարակվել է «Հայկական ժամանակ» օրաթերթի փետրվարի 6-ի համարում:

Տպել
5190 դիտում

Հաֆթարի ուժերը հայտարարել են Տրիպոլիի ափերի մոտ թուրքական նավ խոցելու մասին

Կփրկի՞ անձեռնմխելիությունը. աշխարհի առաջնորդներ, որոնք անցնում են հնչեղ քրգործերով

Այսօր շատ հիշարժան փաստաթուղթ եմ ստորագրել. Նիկոլ Փաշինյան

Հին թեզերը՝ նոր ձևաչափում. առաջին հրապարակային քննարկումը

Դանիայի խորհրդարանի նախագահ Հենրիկ Դամ Քրիստենսենի հետ հյուրընկալվեցինք Դանիայի թագուհի Մարգրեթ 2-րդի կողմից.Ա. Միրզոյան

Ոստիկանի սպանության մեջ մեղադրվող պատանու կալանավորման ժամկետը երկարաձգվել է. նա տեղափոխվել է ՔԿՀ

Արթիկում բացվել է երեխաների ցերեկային խնամքի առաջին կենտրոնը

Համայնքների ղեկավարներին առաջարկվել է թափառող շների ստերջացման գործընթաց սկսել

Բարսեղ Բեգլարյանի որդիները դատակոչվել, սակայն չէին ներկայացել դատարան. նիստը հետաձգվեց

16-ամյա երիտասարդի անձնական խուզարկությամբ հայտնաբերվել է երկու կռփազենք. ՀՀ ոստիկանություն

Երեւանի բնակարաններից մեկում 67-ամյա կնոջ դի է հայտնաբերվել

Քաղաքապետ Հայկ Մարությանի որոշմամբ Նոր Նորք վարչական շրջանի ղեկավարի պաշտոնը կզբաղեցնի Հովհաննես Մանուկյանը. Կարապետյան

Ալավերդիում ամբողջությամբ այրվել է վագոն-տնակ. տուժածներ չկան

Արարատի մարզպետ Գարիկ Սարգսյանն ընդունել է Հռոմից հաղթանակած վերադարձած ընբիշ Գեւորգ Ղարիբյանին

Պուտինն աշխատանքից ազատել է իր 7 տարվա օգնականին

Մարդու իրավունքների պաշտպանն ընդունել է Հայաստանում Շվեդիայի դեսպանության գործերի հավատարմատարին

ՊԵԿ-ը կանխել է թմրամիջոցների մաքսանենգության հերթական փորձը

Արարատի մարզում անչափահասների կատարած հանցագործություններն ավելացել են. մարզի դատախազությունը քայլերի է դիմել

Նախագահ Արմեն Սարգսյանը եւ Հայաստանում ԱՄՆ դեսպան Լին Թրեյսին հանդիպել են

Ձեր ամեն քայլին հասարակությունն ուշադիր հետեւում է. Ֆելիքս Ցոլակյանը փրկարար ծառայողներին կոչումներ է շնորհել(տեսանյութ)