Երևան
16 °C
«Հայկական ժամանակ»-ը նախորդ շաբաթ անդրադարձել էր «Սարյանի պուրակ»-ի խնդրին: Երեւանի քաղաքապետ Տարոն Մարգարյանը վերանայել էր 2017 թվականին կայացրած իր որոշումներից մեկը եւ խզել էր «Կոլորիտ» ՍՊԸ-ի հետ կնքած վարձակալության պայմանագիրը: Նշված ընկերությունը 1996 թվականից վարձակալել էր պուրակը, կառուցել էր փոքրիկ բացօթյա սրճարան եւ մինչ օրս կազմակերպում է նկարների վաճառք: «Կոլորիտ» ընկերության հետ կնքված պայմանագիրը խզվեց Հայաստանի ֆուտբոլի ֆեդերացիայի նախագահ Ռուբեն Հայրապետյանի ծրագրերի պատճառով, քանի որ վերջինս ցանկանում է տիրանալ այգուն:
Երեւանի քաղաքապետ Տարոն Մարգարյանին հունվարի 25-ին գրավոր հարցում էինք ուղարկել՝ ցանկանալով իմանալ, թե ի՞նչ հիմքով է վերանայել 2017 թվականի հունվարի 25-ի որոշումը: 25.01.2017 թվականին քաղաքապետի որոշմամբ «Կոլորիտ» ՍՊԸ-ի հետ կնքված վարձակալության պայմանագիրը երկարացվել է մինչեւ 2021 թվականը: Հարցրել էինք նաեւ, թե ինչպե՞ս է ստացվել, որ պայմանագրի ժամկետի ավարտը 2021 թվականի փոխարեն ավարտվել է 2017 թվականին: Տարոն Մարգարյանին խնդրել էինք նաեւ տրամադրել պուրակին հարող տարածքին վերաբերող վերջին 3 տարիներին կայացված բոլոր որոշումները՝ այդ թվում՝ 25.01.2017 թվականի որոշումը ուժը կորցրած ճանաչող որոշումը:
Երեւանի քաղաքապետի փոխարեն մեր հարցմանը պատասխանել է քաղաքապետարանի տեղեկատվության եւ հասարակայնության հետ կապերի վարչությունը: Պատասխանում ասված է. «Երեւանի քաղաքապետարանին ուղղված Ձեր հարցմանն ի պատասխան աշխատակազմի իրավաբանական վարչությունից տեղեկացնում են, որ Երեւանի քաղաքապետի 2017 թվականի հունիսի 9-ի թիվ 1972-Ա որոշմամբ անվավեր է ճանաչվել Երեւանի քաղաքապետի 2017 թվականի հունվարի 25-ի թիվ 149-Ա որոշումը, որի համար հիմք է հանդիսացել Հայաստանի Հանրապետության կառավարության 2005 թվականի նոյեմբերի 24-ի N 2093-Ն որոշման 5-րդ կետի պահանջները: Իսկ «Կոլորիտ» ՍՊ ընկերության անվամբ Երեւանի Զորյան 1/1 հասցեում գտնվող 0.022 հա հողամասի նկատմամբ վարձակալության իրավունքի պետական գրանցման դադարեցման համար հիմք է հանդիսացել Երեւանի քաղաքապետարանի ու «Կոլորիտ» ՍՊԸ-ի միջեւ կնքված պայմանագրի 21.1 կետով սահմանված ժամկետի ավարտը: Միաժամանակ տեղեկացվում է, որ Երեւանի քաղաքապետի բոլոր որոշումները հրապարակվում են Երեւանի քաղաքապետարանի yerevan.am պաշտոնական կայքէջում»:
Քաղաքապետի 09.06.2017 թվականի 1972-Ա որոշման մեջ ասված է նույն բանը, ինչ գրված է քաղաքապետարանի պատասխանում: Մինչդեռ 25.01.2017 թվականի 149-Ա որոշման մեջ ասված է, որ Մաշտոցի պողոտայի հ.37/2 հասցեում գտնվող 440.94քմ մակերեսով հողամասը վարձակալության իրավունքով, մինչեւ 2021 թվականի դեկտեմբերի 31-ը ժամկետով տրամադրել «Կոլորիտ» ՍՊԸ-ին (նշված է նաեւ նոր հասցեն՝ Զորյան 1/1): Երեւանի քաղաքապետարանի իրավաբանական վարչության պետ Զավեն Առաքելյանը մեր հրապարակումից հետո, պատասխանելով «Առաջին լրատվականի»-ի հարցին, ասել էր. «Սարյան պուրակում բացօթյա սրճարան կազմակերպելու համար «Կոլորիտ» ՍՊԸ-ին վարձակալությամբ տրամադրվել է 220 քմ տարածք, որի վրա, ի դեպ, տվյալ ՍՊԸ-ի կողմից տեղադրվել են ինքնակամ կառույցներ: Ինչ վերաբերում է վարձակալության պայմանագրի դադարմանը, ապա նշեմ, որ այն դադարել է վարձակալության պայմանագրի ժամկետի ավարտով պայմանավորված»:
Վերը շարադրված փաստերի համադրմամբ ակնհայտ է դառնում, որ քաղաքապետարանի իրավաբանական վարչության պետը միտումնավոր կամ անտեղյակ լինելով՝ իրականությունն այլ կերպ է ներկայացնում, քանի որ քաղաքապետի 149-Ա որոշման մեջ տառացի գրված է, որ պայմանագրի ժամկետը երկարացվել է մինչեւ 2021 թվականը:
Առանձնապես մեծ ջանք գործադրելու կարիք չկար, որպեսզի պարզ դառնար, թե ինչո՞ւ է քաղաքապետ Տարոն Մարգարյանը վերանայել իր նախկին որոշումը, քանի որ պուրակի վրա աչք է դրել Ռուբեն Հայրապետյանը: Սարյանի պուրակի շուրջ կատարվածից տպավորություն է ստեղծվում, որ Երեւանի քաղաքապետարանը վերածվել է Ռուբեն Հայրապետյանի անձնական քաղաքապետարանի:
Եթե քաղաքապետարանը թափանցիկ է աշխատում, ապա տեղեկություններ տրամադրելու ստանալու համար չի առաջարկի դրանք փնտրել քաղաքապետարանի պաշտոնական կայքում:
Հիշեցնենք, որ «Հայկական ժամանակ»-ի տեղեկություններով, պուրակը վարձակալելու մտադրություն ունի Հայաստանի ֆուտբոլի ֆեդերացիայի նախագահ Ռուբեն Հայրապետյանը: Պուրակի վերջնամասում՝ Մոսկովյան փողոցի եւ Բաղրամյան պողոտայի հատման մասում տեղակայված երկհարկանի շինության առաջին հարկը պատկանում է Հայրապետյանին, սակայն ձեւակերպված է մորաքրոջ որդու՝ ոմն Արայիկի անունով: Շենքի երկրորդ հարկը պատկանում է «Վիվարո» ընկերությանը: Երկհարկանի շինության ետնամասը Սարյանի պուրակի մեջ է գտնվում եւ շատ հարմար է դեպի պուրակ ընդլայնվելու համար: Որոշ տեղեկություններով, շինության առաջին հարկը տարիներ առաջ գրավադրված է եղել Ռուբեն Հայրապետյանին պատկանող «ADB» բանկում, որից հետո դարձել է Հայրապետյանի սեփականությունը:
Նյութը տպագրվել է «Հայկական ժամանակ» օրաթերթի փետրվարի 3-ի համարում:
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
© 2024 Հայկական ժամանակ