Մանկապարտեզի տնօրենը 5 հոգու ձեւական գրանցել է աշխատանքի եւ 9 մլն դրամ յուրացրել

ՀՀ քննչական կոմիտեն հունվարի 31-ին հայտարարեց, որ բացահայտվել է Երեւանի մանկապարտեզներից մեկի տնօրենի կողմից յուրացման դեպք եւ գործն արդեն ուղարկվել է դատարան:

Մասնավորապես, նախնական քննության տվյալներով՝ նախադպրոցական ուսումնական հաստատության տնօրենը 2006թ. հուլիսից 2013թ. հունվարն ընկած ժամանակահատվածում, տարբեր հաստիքներում ձեւականորեն ձեւակերպել է տարբեր անձանց, ովքեր, սակայն, աշխատանքի չեն ներկայացել։ Նրանց անունով բացված բանկային հաշվեհամարներին ամեն ամիս փոխանցվել է սահմանված աշխատավարձի գումարը, ինչը կանխիկացվել եւ տնօրինվել է տնօրենի կողմից։ Մինչդատական վարույթում ձեռք բերված բավարար ապացույցների հիման վրա՝ տնօրենին մեղադրանք է առաջադրվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով։ Վերջինիս պաշտոնավարումը ժամանակավորապես դադարեցվել է: Նախաքննությունն ավարտվել է, եւ քրեական գործը՝ մեղադրական եզրակացությամբ, ուղարկվել դատարան:

Դատական տեղեկատվական համակարգից «Հայկական ժամանակ»-ին հայտնի դարձան այս դեպքի որոշ մանրամասներ: Պարզվում է, որ նախադպրոցական հաստատությունը «Երեւանի հ.131 նախադպրոցական ուսումնական հաստատություն» համայնքային ոչ առեւտրային կազմակերպությունում է դեպքը տեղի ունեցել: Մեղադրանք է առաջադրվել մանկապարտեզի տնօրեն Գայանե Վարդանյանին:

Համաձայն մեղադրական եզրակացության, Գայանե Վարդանյանը, հանդիսանալով թիվ 131 մանկապարտեզի տնօրենը, ի պաշտոնե ունեցել է կազմակերպության գույքը, այդ թվում ֆինանսական միջոցները տնօրինելու, բանկային հաշիվներ բացելու, աշխատողներին աշխատանքի նշանակելու եւ ազատելու, ինչպես նաեւ հաստիքային ցուցակների եւ ծախսերի նախահաշիվներ կազմելու եւ դրանք կառավարման մարմիններին հաստատմանը ներկայացնելու լիազորություններ: Տնօրենն, օգտագործելով իր պաշտոնեական դիրքը, առանձնապես խոշոր չափերի գումարի յուրացում կատարելու մեկ միասնական դիտավորությամբ շարունակաբար՝ 2006 թվականի հուլիսից մինչեւ 2013թ. հունվարը ընկած ժամանակահատվածում, ձեւականորեն որպես հիշյալ կազմակերպության աշխատողներ ձեւակերպել է Արսեն Ղազարյանին, Սուսան Սաղաթելյանին, Էլմիրա Մաթեւոսյանին, Հարություն Թադեւոսյանին եւ Գայանե Գեւորգյանին:

Նշված անձանց անուններով «Արարատբանկ» ԲԲ եւ «Հայբիզնեսբանկ» ՓԲ ընկերություններում տնօրենը բացել է հաշիվներ, այդ հաշիվներին աշխատավարձեր փոխանցելու համար կազմել է փաստացի չաշխատած աշխատակիցների մասով համապատասխան վճարման հանձնարարագրեր: Գայանե Վարդանյանը քողարկելով վերջիներիս աշխատանքի չհաճախելու փաստը, 2006թ. հուլիսից մինչեւ 2013թ. հունվարն ընկած ժամանակահատվածում Երեւանի քաղաքապետարանից որպես ամենամսյա աշխատավարձ փոխանցված եւ իրեն վստահված առանձնապես խոշոր չափերի ՝ ընդհանուրը 9 միլիոն 74 հազար 519 դրամ գումարը կանխիկացման եղանակով ստացել եւ յուրացրել է: Գայանե Վարդանյանին նկատմամբ որպես խափանման միջոց ընտրվել է ստորագրությունը չհեռանալու մասին:

Թիվ 131 մանկապարտեզի տնօրենին փոխարիում է նույն նախադպրոցական հասատատության աշխատակիցներից մեկը՝ Ալինա Հարությունյանը: Վերջինս 2000թ.-ից աշխատել է «Երեւանի հ. 131 մանկապարտեզում»՝ որպես դաստիարակ: 2017 թվականի մարտի 17-ից նշանակվել է «Երեւանի հ 131 մանկապարտեզ» ՀՈԱԿ-ի տնօրենի ժամանակավոր պաշտոնակատար:

Ալինա Հարությունյանից հետաքրքրվեցինք՝ այն անձինք, որոնք ձեւական գրանցվել են մանկապարտեզում որպես աշխատակիցներ, կապ ունե՞ն մանկապարտեզի հետ, աշխատակից համարվո՞ւմ են, թե ոչ, նա պատասխանեց. «Ես այդպես չեմ հիշում, բայց այս պահին ոչ մեկ չի աշխատում: Միայն դա կարող եմ ասել»: Ալինա Հարությունյանը նշեց, որ ինքը երկար ժամանակ է թիվ 131 մանկապարտեզում է աշխատում: Ճշտող հարցին՝ այդ մարդկանց երբեւէ տեսե՞լ եք, նա պատասխանեց. «Նման հարցերին չեմ կարող պատասխանել: Դուք դիմեք համապատասխան մարմիններ»:

Թիվ 113 մանկապարտեզն ունի 1 մսուրային, 7 մանկապարտեզային խմբեր, ուր հաճախում են շուրջ 251 երեխա։ Մանկապարտեզի ծառայություններից օգտվում են նաեւ հարեւան Այնթափ գյուղի բնակիչները։ Մանկապարտեզի կոլեկտիվը կազմված է 39 աշխատողներից։ 

Նյութը տպագրվել է «Հայկական ժամանակ» օրաթերթի փետրվարի 2-ի համարում:

Տպել
3455 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին