ՀՔԱՎ-ը միտումնավոր եւ նպատակամղված խեղաթյուրում է փաստերը. Գլխավոր դատախազություն

Հելսինկյան քաղաքացիական ասամբլեայի Վանաձորի գրասենյակը երեկ, աղճատելով եւ խեղաթյուրելով ՀՀ Լոռու մարզի դատախազի կողմից Վանաձորի Երեւանյան խճուղու 90-րդ հասցեի հանրակացարանում հակաիրավական վարքագիծ դրսեւորող անձանց նկատմամբ հսկողությունն ուժեղացնելու վերաբերյալ Վանաձորի քաղաքապետին ուղղված միջնորդագիրն ու դրա նպատակները, այն որակել է իբրեւ ըստ բանակության վայրի հանրակացարանում բնակվող անձանց նկատմամբ «խտրական վերաբերմունքի, խարանի ձեւավորման» դրսեւորում: Այդպիսով, իբր արձանագրվել է Մարդու իրավունքների եւ հիմնարար ազատությունների եվրոպական կոնվենցիայի 14-րդ հոդվածի խախտում:

Այս մասին Armtimes.com-ին տեղեկացրեց ՀՀ գլխավոր դատախազության հանրային կապերի բաժնի պետ Արեւիկ Խաչատրյանը, ներկայացնելով նաեւ դատախազության պարզաբանումը.

1.Միջնորդագիրը ներկայացվել է ՀՀ քրեական դատավարության օրենսգրքի 200-րդ հոդվածի հիման վրա եւ հանցանքի կատարմանը նպաստող հանգամանքները պարզելու եւ վերացնելու դատախազի լիազորության շրջանակներում: Իսկ առիթն այն էր, որ միջնորդագրին նախորդել էր հանրակացարանի տարածքում ծանր հանցագործության՝ դանակահարության կատարումը, որի առթիվ հարուցվել է քրեական գործ, ընթանում է նախաքննություն եւ արդեն իսկ կա որպես մեղադրյալ ներգրավված անձ, ով գտնվում է կալանքի տակ: Պահպանելով նախաքննության գաղտնիության եւ մարդու անձնական կյանքի անձեռնմխելիության իրավունքի ապահովման սկզբունքները` այնուամենայնիվ  պետք է նշել, որ նախաքննությամբ ձեռք բերված փաստական կոնկրետ տվյալներով էր պարզվել, որ նախ՝ դանակահարությունը տեղի է ունեցել հանրակացարանի բնակիչներից ոմանց հետ ուղղակի կապ ունեցող անձանց կողմից եւ որ այդ տարածքում հաճախակի են տեղի ունենում հասարակական կարգի խախտման դեպքեր:

2.Եթե անգամ որպես հիմք ընդունենք ՀՔԱ Վանաձորի գրասենյակի վկայակոչած վիճակագրությունն առ այն, որ 2016 եւ 2017թթ. նշված հանրակացարանում տեղ գտած դեպքերի կապակցությամբ հարուցվել է մեկական քրեական գործ, իսկ երկու տարվա ընթացքում ոստիկանությունում ստացվել է ընդհանուր 61 ահազանգ, որոնցից երկուսի հիման վրա մեկական անձ ենթարկվել է վարչական պատասխանատվության, ապա այդ ամենն ինքնին արդեն առավել քան փաստարկում են մարզի դատախազի միջնորդության մեջ նշված այն հանգամանքը, որ տվյալ հանրակացարանում հաճախակի են տեղի ունենում տարատեսակ իրավախախտումներ եւ հանցագործություններ:

Հարկ է տեղեկացնել, սակայն, որ այդ հանրակացարանում արձանագրված դեպքերով միայն 2017թ. երկու քրեական գործ է հարուցվել: Մեկը՝ փետրվարի 17-ին՝ ՀՀ քրեական օրենսգրքի 258-րդ հոդվածի 1-ին եւ 147-րդ հոդվածի 1-ին մասով խուլիգանության եւ բնակարանի անձեռնմխելիությունը խախտել, մյուսը օգոստոսի   18-ին՝ ՀՀ քրեական օրենսգրքի 263-րդ հոդվածով պոռնկագրական նյութեր կամ առարկաներ տարածել նախատեսված առերեւույթ հանցագործության հատկանիշներով: Այլ կերպ ասած՝ դատախազի միջնորդագիրը փաստացի հաջորդել է հանրակացարանում կատարված դեպքերով թվով երրորդ քրեական գործի հարուցմանը: Բացի դրանից՝ հանրակացարանից իրավապահ մարմիններին արված տասնյակ ահազանգերի հիման վրա նյութեր են նախապատրաստվել, որոնց ճնշող մեծամասնությունը եղել են մասնավոր հետապնդման դեպքեր եւ դրանցով քրեական գործի հարուցումը մերժվել է՝ բողոքի բացակայության հիմքով:   

Առնվազն տարակուսելի է, որ մարդու իրավունքների եւ հիմնարար ազատությունների պաշտպանության մասին տարփողող կազմակերպությունը բացարձակապես անուշադրության է մատնում իրավախախտումների եւ հանցագործությունների պատճառով հանրակացարանի հիմնական օրինապահ բնակչության բնականոն անվտանգ կենսագործունեության, հանգստի իրավունքը, տվյալ տարածքում պատշաճ հսկողության ուժեղացման անհրաժեշտությունը:    

3.Գրասենյակը միտումնավոր եւ նպատակամղված խեղաթյուրում է փաստերը՝ փորձելով հանրային սխալ կարծիք ձեւավորել այն մասին, թե իբր ՀՀ Լոռու մարզի դատախազը որպես «հակաիրավական հայացքներ» ունեցող անձինք, նկատի է ուենցել հանրակացարանի ամբողջ բնակչությանը: Իրականում թե՛ միջնորդագրում եւ թե՛ դրա կապակցությամբ ԶԼՄ-ներին տրամադրված տեղեկատվության մեջ հստակ նշվել է, որ որպես հանցագործությանը նպաստող հանգամանք է համարվում հանրակացարանը «նաեւ հակաիրավական վարքագիծ ունեցող անձանց տրամադրելը, վերջինների վարքագծի նկատմամբ պատշաճ հսկողության բացակայությունը»: Նշվածից ակնհայտորեն հետեւում է, որ նման բնորոշումը չի վերաբերում եւ չէր կարող վերաբերել հանրակացարանի բոլոր ընտանիքներին եւ բնակիչներին:

Հորդորում ենք ձեռնպահ մնալ երեւույթների յուրովի մեկնաբանությունը, որպես բացարձակ ճշմարտություն, նմանատիպ խեղաթյուրումներով հանրությանը մատուցելու, այդպիսով վերջինիս մոլորեցնելու գործելաոճից եւ մութ սենյակում չեղած սեւ կատու չփնտրել:

Տպել
1377 դիտում

Երևանում և 8 մարզում այսօր սպասվում են էլեկտրաէներգիայի պլանային անջատումներ

Շարուրի փողոցի բնակարաններից մեկում հայտնաբերվել է 46-ամյա տղամարդու դի

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ

Գառնու ձորում վթարից տուժած երկրորդ ուղեւորը հիվանդանոցում մահացել է. զոհերը ՌԴ քաղաքացիներ են

Արմավիրի մարզի Այգեշատ գյուղում ավտոմեքենան ամբողջությամբ այրվել է