Այո, պարոն Թաթուլյանը եղել է նախարարի խորհրդական․ Նալբանդյանը՝ Ռոբսոնի խորհուրդների մասին

ՀՀ ԱԳ նախարար Էդվարդ Նալբանդյանը չի ժխտում, որ ռուսաստանցի հայտնի գործարար, քրեական հեղինակություն Ռուբեն Թաթուլյանը՝ «Ռոբսոնը», եղել է նախարարի խորհրդական, սակայն չի մանրամասնում, թե ինչ խորհուրդներ է տվել նա նախարարին։

Ռուբեն Թաթուլյանը եղել է ՀՀ ԱԳ նախարարի խորհրդականը եւ ունի ՀՀ դիվանագիտական անձնագիր:

«Այո, պարոն Թաթուլյանը եղել է նախարարի խորհրդական 2016 թվականի կեսերից մինչեւ 2017 թվականի վերջը: Եվ ինքը զբաղվել է Ռուսաստանի հարավային շրջաններում հայերի աջակցության հարցերով»,- ասաց Նալբանդյանը՝ ի պատասխան հարցին՝ ի՞նչ խորհուրդներ էր իրեն տալիս Թաթուլյանը։

Սոչիում բնակվող ռուսաստանցի հայտնի գործարար Ռուբեն Թաթուլյանը, որը հայտնի է Ռոբսոն մականունով, վերջերս հայտարարել էր, որ ինքը Հայաստանի արտաքին գործերի նախարար Էդվարդ Նալբանդյանի խորհրդականն է:

Նման հայտարարությամբ նա հանդես է եկել բլոգեր Ալեքսանդր Վոլովին տված հարցազրույցում, որը հերքել է ՀՀ ԱԳՆ-ն՝ հայտնելով, որ Թաթուլյանն այլեւս նման կարգավիճակ չունի: «Ռուբեն Թաթուլյանը եղել է ԱԳ նախարարի արտահաստիքային խորհրդական, այժմ նա այդ կարգավիճակը չունի»,- ասել էր ԱԳՆ մամուլի խոսնակ Տիգրան Բալայանը։

Հիշեցնենք, որ ռուսաստանաբնակ քրեական հեղինակություն Ռուբեն Թաթուլյանն անցյալ տարվա մայիսին ձերբակալվել էր Չեխիայում, որի մոտ հայտնաբերվել է ՀՀ դիվանագիտական անձնագիր:

Չեխիայում պետք է կայանար «գողական սխոդկա» եւ օրենքով գողերի թագադրություն, որը Չեխիայի ՆԳՆ կազմակերպված հանցագործությունների դեմ հակագործողությունների վարչության աշխատակիցները խափանել են:

Ի դեպ, Ռուբեն Թաթուլյանը ՀՀ ընտրողների ռեգիստրում գրանցված չէ, հետեւաբար, չունի ՀՀ քաղաքացիություն:

ՀՀ արտաքին գործերի նախարարությունից այդ ժամանակ պարզաբանել էին, որ դա չի խանգարում դիվանագիտական անձնագիր ունենալու հարցում, քանի որ դիվանագիտական անձնագիր ունեցողների ցանկը կարգավորվում է «Դիվանագիտական ծառայության մասին» օրենքով, որտեղ ՀՀ նախագահի թույլտվությամբ կարող է տրվել դիվանագիտական անձնագիր:

Ավելի ուշ Բալայանը ասել էր, որ «Հայաստանում տնտեսական զարգացման եւ ներդրումներ ներգրավելու ուղղությամբ գործունեություն իրականացնող Ռուբեն Թաթուլյանին ՀՀ դիվանագիտական անձնագիր տրամադրվել է օրենքով սահմանված կարգով»:

Հատկանշական է նաեւ, որ այդ ժամանակ նաեւ խոսվեց այն մասին, որ Թաթուլյանը ռուսաստանցի մեծահարուստ հայ գործարար Սամվել Կարապետյանի եւ ՀՀ կառավարության հիմնադրած «Հայաստանի ներդրողների ակումբի» անդամ է: Հայաստանի տնտեսական զարգացման եւ ներդրումների փոխնախարարը հայտարարել էր, որ նա Ներդրողների ակումբի 30 անդամից մեկն է, եւ որ Կառավարությունը Թաթուլյանի հետ չհամագործակցելու խնդիր չի տեսնում։

Այս լուրը հերքվեց այն ժամանակ, երբ ԱՄՆ-ն վերջերս պատժամիջոցներ կիրառեց ռուսաստանցի մի շարք գործարարների, այդ թվում՝ Ռուբեն Թաթուլյանի դեմ: Վարչապետ Կարեն Կարապետյանի խոսնակն օրեր առաջ հայտարարեց, որ ԱՄՆ պատժամիջոցների ցանկում հայտնված հայազգի գործարար Ռուբեն Թաթուլյանը չի հանդիսանում «Հայաստանի ներդրողների ակումբի» անդամ։

Տպել
1687 դիտում

Լոգիստիկ, հարկային հարցերից մաքսային վարչարարության խնդիրներ. նախարարը հանդիպել է կոնյակագործներին և գինեգործերին

Նիկոլ Փաշինյանը մեկնում է արձակուրդ

Զոհվել է 3 մարդ, թունավորման 13 դեպք է եղել. մեկ շաբաթում գրանցվել է 609 արտակարգ դեպք

Սինձո Աբեի կուսակցությունը հաղթում է Ճապոնիայի խորհրդարանի վերին պալատի ընտրություններում

Եթե Վենետիկի հանձնաժողովն ասի, թե նախագահները բացարձակ անձեռնմխելի են, դա կլինի եվրոպական ինստիտուտների մահը․ Սաֆարյան

Ամերիկյան պատժամիջոցների դեպքում Թուրքիան հակաքայլերի կդիմի. Չավուշօղլու

Մեր առաջնահերթություններից է ՀՀ բերել նոր տեխնոլոգիաներ, որոնք կփորձարկվեն գյուղատնտեսական ձեռնարկություններում. նախարար

Մանկավարժները կարևոր պատասխանատվություն են կրում այսօրվա և գալիք սերունդների համար. Գարեգին Բ

Յուրաքանչյուր սպայի հեղինակությունը պետք է շատ ավելի մեծ լինի, քան նրա ուսադիրների զինվորական նշանակությունը. Փաշինյան

Նինոծմինդայի Մանկապարտեզների միավորման տնօրենը Հենզել Մկոյանին մեղադրում է սեռական ոտնձգության մեջ

Բակո Սահակյանը նոր նշանակումներ է կատարել․ հրամանագրեր

ԱԱԾ-ում քննվող քրգործերով պետությանը պատճառված վնասից վերականգնվել է 22.6 մլրդ դրամը․ վնասի չափը 46․6 մլրդ է

Օգոստոսից 5 զորամասում զինծառայողներին սնունդը կտրամադրվի նոր կարգով. Դավիթ Տոնոյան

Դատախազությունն առաջարկում է խստացնել ճանապարհատրանսպորտային հանցագործությունների համար պատիժը

Ունենք որոշ թերություններ, որոնք թույլ չեն տվել նախօրոք բացահայտել մեր զինծառայողի այդ հոգեվիճակը. Տոնոյան

Հեռու չէ այն օրը, երբ կհնչի «Տիկնայք եւ պարոնայք գեներալներ» արտահայտությունը․ Փաշինյանը՝ ԶՈւ-երում կանանց դերի մասին

Կարելի է անտառը չհատել, գալ հայրենիքին ծառայել. նախարարը՝ ՊՆ-ում առկա հաստիքների մասին

Ադրբեջանի կողմից Նախիջեւանի հատվածում արձակած կրակոցները թիրախավորված չեն եղել. Տոնոյան

Տիգրան Ավինյանը կոչ է արել սփյուռքին մասնակցել Հայաստանի տնտեսական զարգացմանը

Մենք պետք է երեխաներին սովորեցնենք ինքնուրույն կյանք վարելու հմտություններ. Արման Թաթոյան (տեսանյութ)