ԵԼՔ դաշինքի պատգամավորներն առայժմ չեն հասցրել քննարկել ՀՀԿ-ի նախագահի թեկնածու Արմեն Սարգսյանի հարցը: Ընդդեմ գնաճի երթի ժամանակ պատգամավոր Արամ Սարգսյանը, պատասխանելով լրագրողների հարցին նշեց, որ երկրի թիվ մեկ խնդիրը ստեղծված գննաճն է, ոչ թե ՀՀԿ-ի թեկնածուն:

«Անհատ Արմեն Սարգսյանի մասով տեսակետ ասելու խնդիրը ԵԼՔ դաշինքում կքննարկվի: Մենք որոշում ունենք, որ մինչեւ մեր քննարկումը որեւէ տեսակետ չենք հայտնելու: Մենք չենք համարում, որ այսօր երկրի թիվ մեկ խնդիրը երկրի նախագահի թեկնածուի հարցն է, այսօրվա համար մեկ խնդիրը գնաճն է, թանկացումն է եւ աշխատելու ենք այդ ուղղությամբ: Մենք ունենք մեր թեկնածուն, իմ համար լավագույն թեկնածուն Արտակ Զեյնալյան է եւ ես շարունակում եմ պնդել այդ թեկնածուին: Իմ ձայնը հաճույքով կտամ իրեն, եթե հնարավորույթյուն լիներ ներկայացնելու նրան ԱԺ-ում»,- ասաց Արամ Սարգսյանը:

Հարցին՝ զուգադիպությու՞ն էր, թե՞ դիտավորություն նախագահի թեկնածուի անունը հրապարակել ԵԼՔ դաշինքի երթի օրը, Սարգսյանը նկատեց. «Իշխանությունները լրատվական դաշտում նաեւ քաղաքականություն են վարում եւ ունեն լրատվական դաշտի բազմաթիվ մասնագետներ, որոնք երկարամյա փորձ ունեն եւ խորհուրդ են տվել այնպիսի օր ընտրել, որ լրահոսի առումով երթի եւ նախագահի թեմաները խաչաձեւեն, որպեսի երթի կարեւորությունը մաշեցնեն»,- նշեց նա:

Սերժ Սարգսյանը իր խոսքում ակնարկել է, որ նախագահի ընտրությունները խորհրդարանում չձգձգեն, առաջին փուլով ընտրեն, ավարտեն: Նախագահի առաջին փուլի համար թեկնածուին ընտրվելու համար անհրաժեշտ է պատգամավորների 79 ձայնը, ՀՀԿ-ի եւ ՀՅԴ-ի պատգամավորները միասին վերցրած ԱԺ-ում 65-ն են: Ստացվում է, որ Սերժ Սարգսյանը ընդդիմությունից 14 ձայն ստանալու համար դռնեդուռ է ընկնելու: «Հայկական ժամանակ»-ը Արամ Սարգսյանից հետաքրքրվեց, թե՝ հանարավո՞ր է, որ խորհրդարանի ընդդիմադիրները սատարեն Արմեն Սարգսյանին:

«Ես երբեք չեմ փորձել հանդես գալ Վանգայի կամ Նոստրադամուսի դերում: Ժամանակը կգա, պարզ կլինի: Իշխանությունը փորձելու է ընդդիմադիր դաշտում համախոհներ գտնել, որ առաջին փուլով նախագահն ընտրվի: Պետք է նշեմ, որ մեխանիզմը շատ վատն է: Ընդհանրապես մեկ թեկնածուով ընտրություն անցկացնելը հիշեցնում է հին սովետական ժամանակները, տանում է 20-րդ դար: Այլ թեկնածու ունենալը մյուս թեկնածուի համար էլ էր դրական, որ գոնե ընտրության տպավորություն ունենա»,- նշեց Արամ Սարգսյանը:

ԵԼՔ-ի մյուս պատգամավոր Էդմոն Մարուքյանն էլ միանգամայն նշեց, որ ՀՀԿ-ն իրենցից որեւէ քվե չի ստանալու:

«Մեր ձայների վրա հույս չեն կարող դնել: Մնացածի մասով պետք է հարցնեք Ծառուկյան դաշինքին»,- ասաց Մարուքյանը, իսկ «ՀԺ»-ի հաջորդ հարցին, թե՝ Արմեն Սարգսյանը համապատասխանու՞մ է Սերժ Սարգսյանի նախապես հատարարած պահանջներին, Մարուքյանը նկատեց. «Մենք Սերժ Սարգսյանի չափանիշներով չենք առաջնորդվում: Դաշինքում դեռ չենք քննարկել ՀՀԿ-ի թեկնածուի հարցը, զբաղված ենք եղել մեր երթի կազմակերպմամբ, երբ կքննարկեն այդ ժամանակ էլ կարձագանքենք: Նախագահի թեկնածուի համար կան սահմանադրական չափանիշներ, դրանից վեհ չափանիշներ չեն կարող լինել»,- ասաց նա:

Ի դեպ, այսօր Ծառուկյան դաշինքի պատգամավոր Նաիրա Զոհրաբյանը «ՀԺ»-ին հարցին պատասխանելով նշեց, որ կուսակցությունում չեն հասցրել քննարկել ՀՀԿ-ի թեկնածուի հարցը, իսկ Գագիկ Ծառուկյանն օրերս խորհրդարանում լրագրողների հետ զրույցում չբացառեց ՀՀԿ-ի թեկնածուին սատարելու հարցը: 

Տպել
6213 դիտում

Հայաստանը 9 ծանրորդով կմասնակցի Թայլանդում կայանալիք աշխարհի առաջնությանը

89 մարտական հաշվարկ եւ 2 օպերատիվ խումբ պայքարել են 76 խոտածածկ տարածքի հրդեհ մարելու համար

Թաթուլ համայնքի ղեկավարը մի քանի միլիոնի հասնող չարաշահումներ է թույլ տվել (տեսանյութ)

Կոտայքում Opel-ը վրաերթի է ենթարկել հետիոտնին. վերջինը շպրտվել է հանդիպակաց երթևեկելի գոտի և տեղում մահացել

Ողջունելի է, որ Կարմիր Խաչի ՄԿ ներկայացուցիչներն այցելել են Ադրբեջանում գտնվող հայ ռազմագերուն

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել