Երևան
27 °C
searchclose
today
menuclose
Երևան
27 °C
«- Ձեզ նախագահ պետք չէ՞,- հարցրեց Ֆունտը:
- Ի՞նչ նախագահ,-բացականչեց Բենդերը:
- Պաշտոնական: Մի խոսքով՝ հիմնարկի գլուխ:
- Ինքս գլուխ եմ:
- Ուրեմն դուք պատրաստվում եք ինքնե՞րդ նստել: Իսկույն այդպես էլ կասեիք, էլ ինչու՞ եք երկու ժամ զահլաս տանում: …Ես Ֆունտն եմ, իննսուն տարեկան եմ: Ողջ կյանքումս նստել եմ ուրիշների փոխարեն»:
Իսկ Հայաստանին նախագահ պե՞տք է: Սերժ Սարգսյանի պաշտոնավարության ընթացքում առիթներ ենք ունեցել համոզվելու, որ այդ պաշտոնը Հայաստանի բյուջեի համար լրացուցիչ բեռ է:
Գոնե մեր երկրի համար ճակատագրական, բախտորոշ բոլոր իրավիճակներում ՀՀ նախագահը միշտ բացակա է եղել կամ, որ գրեթե նույնն է, լռել է:
Երբ 2013-ին հայտարարվեց, թե մայրաքաղաքում հուլիսի 20-ից բարձրացվելու է միկրոավտոբուսների եւ ավտոբուսների ուղեվարձը 50 տոկոսով, երկրի նախագահը նույն օրը, թողնելով մայրաքաղաքն անհանգիստ, լարված, շփոթված, մեկնեց հանգստանալու:
Բողոքի դուրս եկած մարդիկ անգամ չկենտրոնացան նրա բացակայության վրա: Նախագահի բացակայությունը, ճիշտ՝ ինչպես ներկայությունը, որեւէ ձեւով չնկատվեց: Բողոքի տարերային ալիքը, ինքնակազմակերպված քաղաքացիներն արեցին իրենց գործը. ուղեվարձը չբարձրացավ:
«Ես նստել եմ Ազատարար Ալեքսանդր երկրորդի օրոք, նստել եմ Խաղաղարար Ալեքսանդր երրորդի օրոք, Արյունոտ Նիկոլայ երկրորդի օրոք…Բա ո՜նց եմ նստել նէպ-ի օրերին»…
Սերժ Սարգսյանը լռել է 2015-ի հունվարի 12-ին ու դրան հաջորդած օրերին, երբ Գյումրիում տեղակայված 102-րդ ռուսական ռազմակայանի ժամկետային զինծառայող Վալերի Պերմյակովը սպանեց Ավետիսյանների 7 հոգանոց ընտանիքի բոլոր անդամներին:
Գյումրիում մարդիկ դուրս եկան փողոց՝ պահանջելով մարդասպանին չհանձնել ռուսական կողմին: Բախումներ եղան ոստիկանության ու բողոքի դուրս եկած մարդկանց միջեւ, եղան բերման ենթարկվածներ:
Սերժ Սարգսյանն անգամ չդատապարտեց ոճրագործությունը: Երկրում սուգ էլ չհայտարարվեց:
Իսկ ո՜նց լռեց Սերժ Սարգսյանը 2016 թվականի հուլիսի 17-ին, երբ «Սասնա ծռեր» խմբի 30 անդամներ գրավեցին Երեւանի ոստիկանության պարեկապահակային ծառայության գնդի տարածքը: Նա լռեց ամբողջ 12 օր:
Երկրի համար չափազանց լարված, պայթյունավտանգ այդ օրերին ամենահաճախ հնչող հարցը հենց դա էր՝ ինչո՞ւ է լռում Սերժ Սարգսյանը: Այս հարցը հեգնական երանգով ենք տալիս՝ իբրեւ թե ինչպե՞ս կարող է երկրի նախագահի պաշտոնը զբաղեցնող մարդն ասելիք չունենա հուլիսի 17-ից հետո Հայաստանում ստեղծված իրավիճակի մասին: Ինչպե՛ս կարող է անհաղորդ հետեւել ոստիկանների ու քաղաքացիների բախումներին, անհասկանալի հաբեր ընդունած ու ՀՀ քաղաքացիների հանդեպ անհամաչափ ուժ կիրառած ոստիկանների վայրագություններին…
Սերժ Սարգսյանը լռել է նաեւ Ապրիլյան պատերազմի օրերին, երբ հարյուր երիտասարդ զոհվեց Ադրբեջանի կողմից կազմակերպված դիվերսիայի, ապա եւ՝ հրահրված պատերազմի ժամանակ: Երբ այդպս էլ չհասկացանք՝ ինչպես են հակառակորդի զինվորները կարողացել աննկատ մոտենալ սահմանը պահող հայ զինվորներին: Չհասկացանք, ոչ ոք չպարզաբանեց էլ:
2017 թ. օգոստոսի 12-ին Խոսրովի անտառ պետական արգելոցում հրդեհ բռնկվեց: Եվ միայն օգոստոսի 16-ին պաշտոնապես հայտարարվեց, թե հրդեհի հիմնական օջախները վերացվել են: Հրդեհի բաժին էր դարձել շուրջ 3 հազար հա տարածք: ՀՀ նախագահը դարձյալ մեջտեղում չերեւաց: Նա կարծես երկրում էլ չէր: Եվ դարձյալ բաց հարցեր մնացին. ԱԻ նախարար Դավիթ Տոնոյանը հայտարարեց, թե Վայոց ձորում, Խոսրովի անտառում բռնկված հրդեհներն աննախադեպ էին, իսկ կանխարգելիչ միջոցառումների համար էլ անհրաժեշտ տեխնիկա չկա:
Եվ հիմա հանկարծ Սերժ Սարգսյանը մի ռեբուս է ներկայացնում հայաստանյան կուսակցություններին ու քաղաքացիներին, թե, իր կարծիքով, ինչպիսին պիտի լինի Հայաստանի հաջորդ նախագահը. «Խոսքը մի անհատի մասին է, որն անցած ճանապարհ ունի, ունի ճանաչում եւ՛ երկրի ներսում, եւ՛ դրսում, կարող է պատշաճ մակարդակով, ըստ արժանվույն, ներկայացնել Հայաստանն արտերկրում, այսինքն՝ կատարել իր ներկայացուցչական ֆունկցիաները եւ՛ երկրի ներսում, եւ՛ երկրից դուրս: Ապագա նախագահը պետք է տիրապետի օտար լեզուների, ունենա լայն կապեր թե՛ սփյուռքում, թե՛ Հայաստանում, վայելի հեղինակություն եւ որ ամենակարեւորն է՝ անկողմնակալ մարդ լինի, որը երբեք քաղաքականությամբ չի զբաղվել եւ կուսակցության անդամ չի եղել»:
Իհարկե, այս դեպքում անհամեմատ տեղին կլիներ լռությունը:
Առավել եւս, որ ոչ մի կետով չհամապատասխանելով իր երազած նախագահի մոդելին՝ Սերժ Սարգսյանը չափազանց վտանգավոր նախադեպ է ստեղծել:
Անձնական պատասխանատվություն չկրել երկրում տեղի ունեցող արտակարգ իրավիճակների, ապրիլյան պատերազմի կորուստների, ՊՊԾ գնդի գրավման, Ավետիսյանների սպանությունից հետո հայաստանցիների նվաստացման համար: Գումարած այն, որ ՀՀ նախագահի պաշտոնն արդեն հասցրել է արժեզրկվել, քանի որ այն, որպես կանոն, զբաղեցրել են ոչ լեգիտիմ, կեղծված ընտրություններով նախագահ դարձած մարդիկ:
Ու հիմա ակնկալվում է երկնային առաքինություններով օժտված մեկի մուտքը Բաղրամյան 26:
Ամենահավանական թեկնածուն, ըստ մամուլի հրապարակումների, Արմեն Սարգսյանն է, 1996-ի նոյեմբերի 1-ից 1997-ի փետրվարի 28-ը՝ ՀՀ 5-րդ վարչապետը:
Հայաստան գալով՝ իբրեւ ՀՀ նախագահ, Արմեն Սարգսյանը, իհարկե, տհաճ անակնկալի կգա. «Ու՞ր է մասնավոր կապիտալը: Ու՞ր է փոխադարձ վարկի առաջին ընկերությունը: Ու՞ր է, հարցնում եմ ձեզ, փոխադարձ վարկի երկրորդ ընկերությունը: Ու՞ր են բաժնետիրական ընկերությունները՝ խառը կապիտալով: Ու՞ր են այդ ամենը: Խայտառակություն»…
Հ.Գ. Մեջբերումները՝ Իլֆի եւ Պետրովի «Տասներկու աթոռ»-ից: Թարգմանիչ՝ Ա. Ղազարյան:
Սահմանազատման մասին պայմանավորվածությունը վերացնում է խաղաղության համաձայնագրի ճանապարհի մեծ խոչընդոտը․ Գերմանիայի ԱԳՆ
Կան ուժեր, որոնք ուզում են, որ Հայաստանի ինքնությունը կամ պետականությունը զարգանա ֆորպոստի տրամաբանությամբ․ Փաշինյան
Թուրքիայի ԱԳՆ-ն ողջունել է Հայաստանի և Ադրբեջանի սահմանազատման հանձնաժողովների ձեռք բերած համաձայնությունը
Վերին Ծաղկավանի անտառում շունը ընկել է մոտ 15 մ խորության ձորը
Հայոց ցեղասպանության թանգարան-ինստիտուտին են հանձնվել Սողոմոն Թեհլիրյանին առնչվող բացառիկ ընտանեկան մասունքներ
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
