Երեւանում երթուղայինների վարորդները գործադուլ են հայտարարել (տեսանյութ)

Երեւանի Մալաթիա Սեբաստիա վարչական շրջանում այսօր մի քանի երթուղային գծերի վարորդներ գործադուլ են հայտարարել: 20-ից ավելի երթուղային մեքենաները նրանք կանգնեցրել են Անդրանիկի փողոցի վրա եւ հավաքվել են դիսպետչերական կետի մոտ: Գործադուլի պատճառը գազի գնի թանկացումն է:

Բողոքող վարորդները թիվ «37», «21» եւ «75 ա» երթուղային գծերը սպասարկող վարորդներն էին: Բայց այնպես չէր, որ բոլորը համատարած գործադուլ էին հայտարարել, մի մասը շարունակում էր սպասարկել երթուղին:

Տեղում գծատերերի հետ բանակցելու էր եկել Երեւանի տրանսպորտի վարչության պետ Հենրիկ Նավասարդյանը, որը խուսափում էր վարորդների հետ կոնտակտի դուրս գալուց: Լրագրողների հետ զրույցում Նավասարդյանն ասաց. «Քննարկվում է, ԱԺ-ում այդ հարցը կլուծեն, կվերանայեն, կտեսնենք՝ ինչ է արդյունքերը, իսկ այսպես, ամեն գծից մի երկու երեք հոգու կանգնեցել եւ ասել, որ դժգոհություն կա՝ ես գտնում եմ, որ այդքան էլ ճիշտ չի»: Հենրիկ Նավասարդյանը կվերանայեն ասելով նկատի ուներ ակցիզային հարկի դրույքաչափը, որի համաձայն հունավրի 1-ից գազի եւ դիզելայնի վառելիքի գինը բարձրացել էր լիցավորման կետերում:

Տրանսպորտի վարչության պետը վստահեցրեց, որ բոլոր երթուղիներն աշխատում են, ընդամենը ամեն երթուղուց մի քանի մեքենա է գործադուլ անում: «Դժգոհություններ կան, թանկացումներ կան, բայց այսօրվա վիճակով մեր երթուղիները սպասարկվում են»,- ասաց Հենրիկ Նավասարդյանը:

Մեր հարցին՝ ակցիազային հարկի դրույքաչափը վերանայելու կարիք կա՞, թե՞ տրանսպորտի սակագինը պետք է փոխվի, տրանսպորտի վարչության պետը պատասխանեց. «Սակագնի մասին ընդհանրապես խոսք այսօրվա վիճակով չկա, կարծում եմ, որ կվերանայեն(ակցիզային հարկի դրույքաչափը, խմբ. հեղ): Տեսեք, վարորդներն էլ են ասում, որ պետք էլ չի որ փախվի սակագինը»: Վարորդներից մեկը տեղից բասականչեց. «Թող գազն էժանացնեն, մենք մեր 100 դրամով էլի աշխատում ենք»:

Հենրիկ Նավասարդյանը հորդորեց հավաքված վարորդներին, որպեսզի վերադառնան երթուղի, քանի որ խնդիրը կարգավորվելու է: Գիծը նայող ոմն Արայիկ բղավում էր վարորդների վրա, որպեսզի դադարեցնեն գործադուլը, ընթացքում նաեւ հայհոյանք օգտագերծելով: Մոտ 15 րոպե բանակցություններից հետո վարորդները դադարեցրեցին գործադուլը:

Տպել
3992 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ