Մահացած երեխան 6-7 տարեկան էր. նրա խնդիրները սրվել էին շնչառական վարակներից. թարմացված

Երեւանի «Արաբկիր» բժշկական համալիրում հակված չեն մանրամասներ հայտնել նախորդ գիշեր գրանցված երեխայի մահվան դեպքի վերաբերյալ: Զարգացման արատներ ունեցող այս երեխան հոսպիտալացվել էր շնչառական վարակների պատճառով բարդացած վիճակի կապակցությամբ:

Հավելյալ տեղեկությունները, որոնք փորձեցինք բուժհաստատությունում պարզել, այնքան էլ ամբողջական չեն, որովհետեւ թե՛ վերակենդանացման բաժանմունքի եւ թե՛ թոքաբանական բաժանմունքի ղեկավարները հրաժարվեցին ներկայացնել կատարվածը:

Բուժաշխատողների շրջանում մեր հարցումների ընթացքում, սակայն հաջողվեց պարզել, որ մահացած երեխան 6-7 տարեկան աղջիկ էր՝ Մերին: «Արաբկիրի» թոքաբանական բաժանմունք ընդունվել էր վերջին մեկ շաբաթվա ընթացքում: Մահվանից մեկ օր առաջ տեղափոխվել էր վերակենդանացման բաժանմունք:

Մերին Երեւանի բնակիչ էր: Բժիշկներից մեկը, հրաժարվելով խոսել ձայնագրիչի առկայությամբ, նշում էր, որ աղջիկն այս կենտրոն հաճախ է ընդունվել: Նա առողջական լուրջ խնդիրներ է ունեցել, երկար ժամանակ պայքարել են նրա կյանքը երկարացնելու համար, եւ հիմա էլ, չնայած այս անգամ դա չի հաջողվել, երեխայի մայրն իրենցից շնորհակալություն է հայտնել: Նշում էին, որ նա աղջկան միշտ միայնակ ու դժվարությամբ է հիվանդանոց հասցրել:  

Ավելի վաղ անդրադարձել ենք, որ մեր ունեցած տեղեկությունների համաձայն՝ «Արաբկիր» բժշկական համալիրում նախորդ գիշեր երեխա է մահացել:

Համալիրի բժշկական տնօրեն Նինա Արիկյանցը մեր զրույցում հաստատեց լուրը, բայց դեպքի վերաբերյալ ամբողջական տեղեկություն չտրամադրեց:

Ասաց, որ երեխան գտնվել է վերակենդանացման բաժանմունքում, ունեցել է ծանրագույն նեւրոլոգիական խնդիրներ՝ զարգացման խորը հապաղումով: Չհերքեց նաեւ, որ նախկին առողջական խնդիրներին գումարվել են նաեւ ռեսպերատոր խնդիներ: Այսինքն՝ սուր շնչառական վարակները:

Նինա Արիկյանցը հիշեցրեց, որ «Արաբկիրը» պիոներական ճամբար չէ, որտեղ երեխաները գնում են հանգստանալու: «Քիչ թե շատ ինտելեկտ ունեցող ցանկացած մարդ հասկանում է, որ վերակենդանացման բաժանմունքում գտնվող հիվանդը կարող է եւ մահանալ»,- ասաց նա:

Ինչ վերաբերում է հարցին, որ փաստորեն երեխայի մահվանը նպաստել են շնչառական վիրուսները եւ դրանք չլինելու դեպքում նա կարող էր չմահանալ, բուժհաստատության տնօրենը պատասխանեց. «Ցանկացած բնածին արատ ունեցողի մահվան մեջ ինչ-որ դրդապատճառ պետք է լինի»:

Տպել
5041 դիտում

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր

Հրդեհ Խաշթառակ գյուղում. այրվել է մոտ 5000 քմ բուսածածկույթ

Իրանում ՀՀ դեսպանատունը ժամանակավորապես դադարեցնում է հյուպատոսական բաժնի աշխատանքը

Հայաստանի եւ Արցախի ՄԻՊ-երն այցելել են Արցախի Ռազմական ոստիկանություն, ՔԿՀ եւ զինհոսպիտալ

Արմեն Սարգսյանը շնորհավորական ուղերձ է հղել Ճապոնիայի կայսր Նարուհիթոյին

Ստեփանծմինդա-Լարս ավտոճանապարհը փակ է բեռնատարաների համար, 656 բեռնատար կա կուտակված

Որեւէ ուժ Հայաստանում բռնապետություն հաստատելու ռեսուրս չունի

Կեղծ ահազանգ. «Զվարթնոց» օդանավակայանում պայթուցիկ սարք չի հայտնաբերվել

ԱԳ նախարարությունը ՀՀ քաղաքացիներին հորդորում է զերծ մնալ Իրան այցելելուց

8 բալանոց երկրաշարժ՝ Իրանում. ցնցումները զգացվել են Հայաստանի տարածքում

Հակոբ Արշակյանը Աբու Դաբիում ներկայացրել է տարածաշրջանային տեխնոլոգիական կենտրոն դառնալու Հայաստանի նպատակը

Աշխատանքային խումբ է գործուղվել Մեղրիի բժշկասանիտարական հսկիչ կետ

Թատրո՞ն, կինո՞, թե՝ համերգ. Երևանի քաղաքապետարանը կանանց միջազգային օրվա առիթով նվեր է պատրաստել (տեսանյութ)

Գրառումներիս պատճառը նոր կառավարության կողմից պաշտոն չստանալն ու, հետևաբար, վրեժխնդիր լինելը չէ. Հասմիկ Պապյան

Դեռ ԽՍՀՄ տարիներին տեխնոլոգիական աշխարհում Հայաստանը համարվել է Խորհրդային միության «Սիլիկոնյան հովիտ»-ը. Հակոբ Արշակյան