ԱՄՆ դեսպանը միայնակ մնաց. Իրանի հարցով ՄԱԿ-ի ԱԽ նիստը՝ մանրամասներով (լուսանկարներ)

Միացյալ Նահանգների նախաձեռնությամբ Նյու Յորքում՝ ՄԱԿ-ի կենտրոնակայանում, Իրանի հարցով Անվտանգության խորհրդի արտահերթ նիստի ժամանակ կառույցում Իրանի մշտական ներկայացուցիչ Գոլյամալի Հոշրուն հայտարարել է Իրանի ներքին գործերին Վաշինգտոնի միջամտելու «երկար պատմության» մասին, գրում է ria.ru-ն: 

«ՄԱԿ-ի անվտանգության խորհրդում Իրանի ցույցերը քննարկելու ԱՄՆ որոշումը մշտական անդամի լիազորույթունները չարաշահել է, ինչպես նաև վիրավորանք հենց այս խորհրդի համար: Եվ սա այն դեպքում, երբ Իրանում, մեր որոշ քաղաքացիների կազմակերպած ցույցերը հենց ԱՄՆ-ի՝ ավելի վաղ ստանձնած պարտավորությունները չկատարելու դեմ էին»,- հայտարարել է իրանցի դիվանագետը: 

ՄԱԿ-ում Իրանի մշտական ներկայացուցիչ Գոլյամալի Հոշրուն

ՄԱԿ-ում Ռուսաստանի մշտական ներկայացուցիչ Վասիլի Նեբենզյան նույնպես իր ելույթում հայտարարել է, որ Իրանի հարցով արտահերթ նիստ հրավիրելով, Վաշինգտոնը չարաշահում է ՄԱԿ-ի ԱԽ հարթակը՝ վնասելով դրա հեղինակությանը: 

ՄԱԿ-ում ՌԴ մշտական ներկայացուցիչ Վասիլի Նեբենզյան

«Ինչու է ԱԽ մշտական անդամ և ՄԱԿ-ի կանոնակարգի հեղինակներից մեկը հանդիսացող ԱՄՆ-ն վնասում ԱԽ հեղինակությանը՝ որպես աշխարհում խաղաղություն և անվտանգություն ապահովող հիմնական օրգանի: Բոլորի համար ակնհայտ է, որ այսօր ընտրված թեման չի համապատասխանում ԱԽ կանոնակարգին», - ասել է Նեբենզյան: 

ՄԱԿ-ում ՌԴ և ԱՄՆ մշտական ներկայացուցիչներ Վասիլի Նեբենզյան և Նիքի Հեյլին

ՄԱԿ-ում ԱՄՆ դեսպան Նիքի Հեյլին իր ելույթում կոչ է արել համաշխարհային հանրությանը թույլ չտալ Թեհրանին զսպել քաղաքացիների ցույցերը՝ արգելափակելով սոցցանցերը: Հեյլին Իրանի իշխանություններին զգուշացրել է, որ աշխարհը հետևում է իրենց գործողություններին: 

ՄԱԿ-ում ԱՄՆ մշտական ներկայացուցիչ Նիքի Հեյլին՝ ձախից երրորդը

«Իրանի ռեժիմն այժմ ուշադրության կենտրոնում է: Աշխարհը կտեսնի, թե ինչ են անում նրանք: Ցույցերը կարող են վերածվել լայնամասշտաբ կոնֆլիկտի, ինչպես 2011-ի մարտին արաբական գարնան ալիքի տակ տեղի ունեցավ Սիրիայում», - ասել է Հեյլին: 

Ֆրանսիան համաձայն չէ Իրանում կատարվածին տրված Վաշինգտոնի գնահատականներին, հայտարարել է ՄԱԿ-ում ֆրանսիացի դիվանագետը: Ֆրանսուա Դելատրը զգուշացրել է Իրանյան զարգացումներն իրենց շահերի համար չօգտագործել: 

«Ինչպիսին էլ որ անկարգությունները լինեն, Իրանում կատարվողն աշխարհում խաղաղության և անվտանգության համար վտանգ չեն ներկայացնում: Մենք պետք է համապատասխան արձագանքենք՝ հետևենք և ուշադիր լինենք խաղաղ ցույցերի ձևաչափով զարգացումներին», - ասել է Դելատրը: 

Իրանում դեկտեմբերի 28-ին սկսված հակակառավարական ցույցերի յոթ օրվա ընթացքում առնվազն 21 մարդ է զոհվել, ավելի քան 450 մարդ ձերբակալվել է: 

Ցույցերն իրականացվում են «միջնորդավորված պատերազմի» շրջանակում, որը Թեհրանի դեմ սկսել են մի քանի երկրներ, հայտարարել է Իրանի ազգային անվտանգության բարձրագույն խորհրդի քարտուղար Ալի Շամհանին: Նրա խոսքով ԱՄՆ-ն, Մեծ Բրիտանիան և Սաուդյան Արաբիան են գլխավորում սոցիալական ցանցերում քարոզչությունը, որն ազդում է ցույցերի կազմակերպման և ընթացքի վրա: 

Ցույցերին արձագանքել է նաև ԱՄՆ-ում ապրող Իրանի վերջին շահ Ռեզա Փեհլևիի որդին: Նա հայտարարություն է տարածել՝ աջակցություն հայտնելով ակցիայի մասնակիցներին: Իրանագետ Գոհար Իսկանդարյանը ֆեյսբուքի իր էջում գրում է.«Իրանում հոգևոր առաջնորդի այրվող նկարները, Ռեզա շահ Փահլվիի անվան կոչերն իսկական մարտահրավեր են Իրանի Իսլամական Հանրապետության համար»: 

Թեհրանի հայոց թեմի առաջնորդ Գերշ. Տ. Սեպուհ Արք. Սարգսյանը հայտնել է, որ Իրանի հայկական բնակավայրերը չեն մասնակցել ցույցերին

 

Տպել
2628 դիտում

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)

«Ազնիվ գողեր» ֆիլմը նկարահանվել է հեղափոխության ժամանակ, ու դժվարություններ են եղել. կայացավ պրեմիերան

Բացառում եմ երբեւիցե ԲՀԿ-ին եւ առհասարակ ցանկացած քաղաքական ուժի անդամակցություն. Արթուր Վանեցյան

Հրայր Թովմասյանի սանիկի ձերբակալումը ԱԺ-ի կողմից ՍԴ դիմելու որոշման հետ կապ չունի. Արարատ Միրզոյան

Հայբիզնեսբանկը «Արմենիա Էքսպո 2019» ցուցահանդեսի մասնակից

Հաղարծնի կոյուղաջրերի հեռացման համակարգի խնդիրը լուծվել է. բնակիչները դիմել էին հնարավոր բոլոր մարմիններին

Վանաձորում հնչած կրակոցները վրեժի հետեւանք են. հրազենային վիրավորում ստացածը նոր էր ազատվել բանտից

Պարզվել է Վանաձորում 27-ամյա երիտասարդի նկատմամբ սպանության փորձ կատարած անձի ինքնությունը. ՔԿ

21-րդ դարում 30 աշակերտ օգտվում է 19-րդ դարի զուգարանից. Սիփան Փաշինյանը՝ Տավուշի 3 գյուղերի դպրոցների խնդրի մասին

Այս տարի ԿԲ կողմից գնված արտարժույթը հասավ 398 միլիոն դոլարի. սա շատ լավ նորություն է. վարչապետ

Ադրբեջանում «Երեւան» անունով ֆուտբոլային ակումբ է բացվել

Ինչ եմ ցանկանում լսել Փաշինյանի ՄԱԿ-ի ելույթում

Ոստիկանության պետի ու ԱԱԾ նախագահի ժամանակավոր պաշտոնակատարները նշանակվեցին

Վրաստանն օգոստոսին կորցրել է զբոսաշրջիկներից ստացվող եկամուտների 10 տոկոսը