Աշտարակում 11 միլիոն դրամի հրեշտակ են գնել. ճոխ Նոր տարի են անում, քաղաքապետն էլ խառն է

Աշտարակում 2018 թվականը ճոխ են դիմավորելու: ՀՀ ֆինասների նախարարության գնումների պաշտոնական համակարգից տեղեկանում ենք, որ Աշտարակի քաղաքապետ Թովմաս Շահվերդյանը դեկտեմբերի 13-ին, պայմանագիր է կնքել անհատ ձեռներեց Եղիսաբեթ Ալմազյանի հետ:

Վերջինս պայմանագրի շրջանակներում պարտավորվել է ապահովել Աշտարակի տոնական արդուզարդի պարագաները: Ուշագրավն այն է, որ Աշտարակի տնտեսագետ քաղաքապետ Թովմաս Շահվերդյանը ոչ ավել եւ ոչ պակաս մոտ 3000 տոնածառի լույս եւ այլ զարդարանքի պարագաներ է գնել, որի համար վճարել է 18 մլն դրամ:

Մասնավորապես, Շահվերդյանի տոնական ցուցակում ներառված է 80 հատ հրեշտականման զարդ, որոնցից յուրաքանչյուրը, ըստ գնումների տեղեկագրի արժե 140 հազար դրամ: Հրեշտակների համար հատկացվել է 11 մլն 200 հազար դրամ:

Նույն աղբյուրի փոխանցմամբ՝ «2018» գրության համար քաղաքապետարանը վճարել է 190 հազար դրամ:

Համայնքային բյուջեի հաշվին կատարվող ճոխ գնումների թեմայով՝ «Հայկական ժամանակ»-ը փորձեց զրուցել Թովմաս Շահվերդյանի հետ: Սակայն, ինչպես քաղաքապետարանից տեղեկացրեցին, Շահվերդյանն Աշտարակի փողոցներում է, վերահսկում է քաղաքի զարդարման աշխատանքները, քանի որ այսօր երեկոյան տեղի է ունենալու «լույսերի հանդիսավոր միացման արարողությունը»:

«Հայկական Ժամանակ»-ը թեմայի շուրջ զրուցեց Շահվերդյանի տեղակալ Գեւորգ Եղիազարյանի հետ: Հարցին, թե Աշտարակի միջոցները թույլ տալիս են նման ճոխ Նոր տարի անել, Եղիազարյանը պատասխանեց.

«Եթե բյուջեն թույլ չտար, նման ճոխության չէինք գնա»,- ասաց Եղիազարյանը:

Տեղեկացնենք, որ Աշտարակի բյուջեն մոտ 707 մլն դրամ է: Դիտարկմանը, թե անհրաժեշտություն էր նման սոցիալական ծանր պայմաններում 18 մլն դրամ հատկացնել Ամանորին, Եղիազարյանը մեկնաբանեց.

«Աշտարակ քաղաքի զարգացման հնգամյա ծրագրում մատնանշված են համայնքի բոլոր հիմնախնդիրների առաջնահերթություններն՝ ըստ տարիների: Ամանորյա միջոցառումների կազմակերպումն առաջնահերթությունների մեջ չի մտնում: Երկրորդ՝ նման գումարը, որ ծախսել են, դա մեծ գումար չէ համեմատած այլ քաղաքների ծախսերի հետ»:

ՍիվիլՆեթ-ի փոխանցմամբ՝ նախորդ տարի Աշտարակի համայնքնապետարանը 19 մլն դրամ էր հատկացրել Նոր տարվա զարդարանքին: Եղիազարյանի փոխանցմամբ, որոշ պարագաներ նախորդ տարվանից են մնացել, իսկ շարքից դուրս եկածներն էլ նորերով են փոխարինել:

«Որոշները վնասվել են, որովհետեւ դա թանկարժեք գույք չէ, այլ մեկ կամ երկու անգամյա օգտագործման է»,- մանրամասնեց քաղաքապետի տեղակալը:

Ի դեպ, սա Աշտարակի քաղաքապետի տոնական առաջին ճոխ առեւտուրը չէ: Մարտի 8-ի եւ ապրիլի 7-ի առթիվ կինոդիտումների տոմսեր եւ օծանելիքներ էր գնել կառույցի աշխատակցուհիների համար:

Տպել
5778 դիտում

Մովսես Հակոբյանն ու նրա տեղակալները նորից պաշտոն կստանան. ՊՆ-ում վերահսկողության ծառայություն է ստեղծվում

Ափսոսում եմ, որ Արտակ Զաքարյանի համար անակնկալ է եղել հակառակորդի հարձակումը․ Անդրանիկ Քոչարյան

Հայաստանում հաշվառված թմրամիջոց օգտագործողների թիվն աճել է․ նախարարության մասնագետը 3 պատճառ է նշում

ՀՀ քաղաքացիների ոտքերից կախվելը և նրանց ճահիճների մեջ քաշելն ու այնտեղ պահելը չի ստացվելու. վարչապետ

Ինչպե՞ս Ճապոնիային հաջողվեց նվազեցնել սիգարետի վաճառքը․ փաստեր

Որպես անհետ կորած որոնվող 77-ամյա Լաուրա Հայրապետյանը հայտնաբերվել է. ոստիկանություն

18 մարմնավաճառ է բերման ենթարկվել ոստիկանության Շենգավիթի բաժին (տեսանյութ)

Նախարար Ռուստամ Բադասյանը Պրոբացիայի ծառայության աշխատակազմին է ներկայացրել նորանշանակ պետ Գեւորգ Սիմոնյանին

Հայկական շոու-բիզնեսի աստղային զույգերը

Ամուսինը խոհանոցային դանակով հարվածել է կնոջը. նշանակվել է դատաբժշկական փորձաքննություն

Կոռուպցիայի կանխարգելման հանձնաժողովի գործառույթները ավելի լայն շրջանակ ունեն, քան Էթիկայի հանձնաժողովը․ Էդգար Շաթիրյան

Պատգամավորներն առաջարկում են մետաղական օգտակար հանածոների արդյունահանման նոր թույլտվությունների տրամադրումը դադարեցնել

ԱԺ-ն քննարկում է կառավարությանը եւ վարչապետին ենթակա մարմինների նախագծերը ինքնուրույն հանրային քննարկման դնելու հարցը

Գեւորգ Կոստանյանը ոնց որ թե միտք չունի գալ Հայաստան․ Անդրանիկ Քոչարյան

Մովսես Հակոբյանը հրավիրվելու է Ապրիլյան պատերազմի քննիչ հանձնաժողով. Անդրանիկ Քոչարյան

Հանդիպում-քննարկում ՊՆ-ում կոշիկի արտադրությամբ և ներմուծմամբ զբաղվող կազմակերպությունների հետ

Աննա Հակոբյանը Վիլնյուսում աշխատանքային ճաշ է ունեցել Լիտվայի վարչապետի տիկնոջ հետ

Շմոլ գազի թունավորումից մահացած 4 երեխաների հայրը վաղն առավոտյան կլինի Հայաստանում. ԱԳՆ խոսնակ

Նոր Հաճնում տատիկի եւ 4 թոռների կյանքը խլած դեպքի առթիվ քրեական գործ է հարուցվել

Համընկնող հետաքրքրություններ և հեռանկարային համագործակցություն. Արմեն Սարգսյանն այցելել է Կատարի հիմնադրամ