Եթե պատմեմ, թե ինձ հետ ովքեր են կապվում եւ ինչեր են ասում, ԱԱԾ-ն կշշմի. Թորոս Սեֆիլյան

ՀՀ կառավարությանն առընթեր ազգային անվտանգության ծառայության կողմից իրականացված օպերատիվ-հետախուզական միջոցառումների եւ քննչական գործողությունների արդյունքում պարզվել է, որ ազգությամբ հայ, ԱՄՆ քաղաքացի Ռ.Ք.-ն 2017 թվականի սեպտեմբերին «Ֆեյսբուք» սոցիալական ցանցում գրանցել է «Martin Avagyan» օգտատիրոջ կեղծ տվյալներով անհատական էջը, որի միջոցով հրապարակել է նյութեր` «Մարտիկներ հանուն արդարության» անվանմամբ խմբավորում ձեւավորելու, խմբավորման գործունեության մարտավարության, դրա անդամների կարգապահության, անվտանգության եւ գաղտնապահության կանոնների մասին:  Քրեական գործի նախաքննության ընթացքում ձեռք բերված բավարար ապացույցների համակցության հիման վրա որոշում է կայացվել նշված անձին՝ նրա կողմից կատարված ենթադրյալ հանցագործության՝ հանցավոր համագործակցություն ստեղծելու փորձի եւ ահաբեկչության նախապատրաստության համար ՀՀ քրեական օրենսգրքի 34-223-րդ հոդվածի 1-ին մասով եւ 35-217-րդ հոդվածի 3-րդ մասի 1-ին կետով որպես մեղադրյալ ներգրավելու մասին, դատարանի որոշմամբ նրա նկատմամբ որպես խափանման միջոց կիրառվել է կալանավորումը եւ հայտարարվել է հետախուզում: Այս մասին այսօր առավոտյան հաղորդագրություն տարածեց ԱԱԾ մամուլի կենտրոնը: Նշված ֆեյսբուքյան օգտատիրոջ ընկերների շարքում մեծ թիվ են կազմում «Սասնա ծռեր»-ի հետ կապ ունեցող անձինք:

Այս դեպքի առնչությամբ մեր հարցերին պատասխանում է Ժիրայր Սեֆիլյանի եղբայրը՝ Թորոս Սեֆիլյանը, որը նույնպես սույն օգտատիրոջ ֆեյսբուքյան ընկերներից է:

- Պարոն Սեֆիլյան, ի՞նչ կասեք, ձեր ֆեյսբուքյան ընկեր Martin Avagyan օգտատիրոջ մասին:

- Ծանոթ չեմ, ոչ էլ կարծիք կարող եմ կազմել, ֆեյսբուքի ընկեր է, ոչինչ ավելին:

- Տեղյա՞կ եք, որ ԱԱԾ-ն հետախուզում է սկսել նրա նկատմամբ:

- Ոչ. տեղյակ չեմ:

- Նրա ընկերների ցուցակում գրեթե բոլորը «Սասնա ծռեր»-ի համակիրներ են, ի՞նչ կասեք սրա մասին:

- Հնարավոր է, որ ընկերներ լինեն, շատերը կան այսօր «Սասնա ծռեր»-ի անդամների և համակիրների ընկերներում, բայց չկարծեք, որ այդ մարդիկ նրանց բարեկամն են, կամ ընկերն են:

- Ձեր նկատմամբ կարող է արդյո՞ք քրեական հետապնդում սկսվել:

- Ամեն ինչ հնարավոր է, քանի այս համակարգի ներսում ապրում ենք, ամեն ինչ հնարավոր է այստեղ: Այսինքն՝ մարդ արարածն այսօր, որքան պիտի արթուն լինի՝ գիտակից լինի, որ կարողանա զանազանել, ով՝ ով է: Ահագին մարդիկ խանգարում են, ահագին մարդիկ փորձում են աջակցել, խանգարված մի լաբիրինթոս է դարձել հայկական քաղաքական դաշտը:

- Ի՞նչ կասեք նրա մասին, որ այդ օգտատիրոջ խորհուրդներով, ցուցումներով եւ միջոցներով ՀՀ-ում ահաբեկչության էր նախատեսվում իրականացնել, ինչպես նշված է ԱԱԾ մամուլի կենտրոնի հաղորդագրության մեջ:

- Այդպիսի մտքեր արտահայտողներ կան, ես հիմա, եթե իմ փակագծերը բացեմ և սկսեմ խոսել, թե կոնկրետ իմ հետ ովքեր են կապվում, և ինչ մտքեր են արտահայտում, ուղղակի պիտի շշմեք, շատերը պիտի շշմեն, ԱԱԾ-ն կսկսի շատ մտահոգված գործի գցվել: Եթե հիմա ես ասեմ բաներ, որ մարդիկ ինձ զանգում ու գրում են, ոմանց ո՛չ ծանոթ եմ, ո՛չ էլ տեսել եմ, բայց որպես Սեֆիլյան կապվում են հետս, և ինչ մտքեր են հղացնում ... Եթե ես դրանք հրապարակեմ, իրոք շատ վտանգավոր բան արած կլինեմ, որովհետև իմ մոտ շատ վտանգավոր մտքեր են արտահայտում, և ոմանք ինձ հարգելով, Ժիրայրին հարգելով՝ ձևացնում են, որ մեզ մոտիկ են՝ մեզանից կանաչ լույս սպասելով: Եթե ես սրանց մասին սկսեմ խոսել, իսկապես կխանգարվի քաղաքական դաշտը: Դրա համար ես ավելի զուսպ եմ մնում:

- Իսկ կոնկրետ այս անձը Martin Avagyan օգտատիրոջ անունով, ձեզ ի՞նչ-որ բան գրել է:

- Հիմա ես հիշեցի՝ ում մասին եք ասում, ամերիկահայ է, ես տեսել եմ նրա նկարները, գրառումները, դնում է ֆեյսբուքում, բայց դա մարդու անձնական գործողությունն է, եւ ինքը պիտի պատասխան տա դրա համար, որքան լուրջ է, կամ որքանով անլուրջ: Ես հիմա ձեզ ասացի, շատերը ինձ հետ կապվում են, և ինչ մտքեր են արտահայտում, եթե ամեն ինչ պիտի ասեմ, իրապես դուք կսկսեք մտահոգվել:

- Իսկ ձեզ հետ նման նպատակներով կապ հաստատողները Հայաստանի՞ց են, թե՞ այլ երկրներից:

- Երկու տեսակն էլ կա: Մարդիկ, որոնք ապրում են արտերկրում լուրջ մտահոգություններ ունենալով, սկսել են շատ սուր, ծայրահեղ մտածել, որովհետև առիթ է տրվել մեր այժմյան համակարգի կողմից: Սա լուրջ մտահոգության առիթ է, և ԱԱԾ-ն պիտի մտահոգվի, բայց ԱԱԾ-ն նախ պետք է ավելի լրջանա այն իմաստով, որ պետք է իրապես Հայաստանի անվտանգությամբ զբաղվի: Քանի որ մեր երկրի հիմքը դրվեց ոչ լավ ձևով, և նպատակներ չկային, որ ունենալու ենք բարոյական մի երկիր, և ահավասիկ հասանք այս հանգրվանին, որովհետև հիմքը դրվեց, և մարդիկ սկսեցին ծայրահեղությունից ծայրահեղություն գնալ: Մենք ուշացել ենք արդեն, բայց եթե քաղաքական դաշտին հետևենք, այսօր ինչերով են զբաղված, մեկը մյուսին վատ բան է ուզում ասել, մեկը մյուսին ուզում է կծել, բայց արտագաղթը ո՞վ պիտի կանգնեցնի, շարքային քաղաքացի՞ն թե՞ պետության ղեկավար մարմինը:

Այսօր, եթե նույնիսկ ԱԱԾ-ն այդպիսիներին փորձի հալածել իմաստը ո՞րն է, թող իրենք հալածեն այն ղեկավար մարդկանց, որ երկիրն այս վիճակին հասցրեցին, առանց հիմքի, առանց ապացույցի, փաստի, մարդկանց բանտարկում են, ո՞նց կարելի է, ո՞ւր ենք ապրում, Հարավաֆրիկյան ջունգլիներո՞ւմ: Որտե՞ղ ենք ապրում, ես չհասկացա մինչև երբ պիտի փորձեն այս ձևով ուժ կիրառել ժողովրդի վրա: Մինչև ե՞րբ պիտի փորձեն ընդդիմադիր կեցվածք ունեցող մարդուն հալածել, սա պիտի իր վերջը գտնի, այսպես չի լինի: Սա իրենք էլ գիտեն, բայց պարզապես մենք ազգովի ժամավաճառությամբ ենք զբաղվում: Այսօր եթե մենք իսկապես ունենայինք ազգային արժանապատվություն, մենք այստեղ հասած չէինք լինի, բոլոր ղեկավար մարմինները, բոլոր կուսակցությունները, բոլորը ուրիշ բաներով են զբաղված, բոլորի մասին է խոսքը, չկա մի կուսակցություն, որի մասին ես կարող եմ մի լավ բան ասել: Եվ այսպե՞ս պետք է լիներ, ոչ՝ ճիշտ հակառակը պիտի լիներ, բազմատեսակ կուսակցությունները, եթե ազնիվ լինեին, առողջ մրցակցությամբ մենք քաղաքական դաշտ կձևավորեինք:

Նիկոլայ Ավետիսյան

Տպել
7023 դիտում

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ