Պատգամավորներն առաջարկում են 3-րդ տուգանքից հետո փակել խաղատները, եւ ինտերնետ խաղերը

Ազգային Ժողովի մի խումբ պատգամավորներ օրենքների նախագիծ են մշակել, որով առաջարկվում է խաղատներին եւ ինտերնետ շահումով խաղեր կազմակերպողներին խիստ պատժի ենթարկել, եթե վերջիններս 18 կամ 21 տարին չլրացած անձանց թույլ տան կամ մտնել խաղատուն կամ ինտերնետի միջոցով խաղադրույք կատարել: Այս մասին տեղեկանում ենք կառավարության դեկտեմբերի 14-ի նիստի օրակարգից, քանի որ կառավարությունն իր դիրքորոշումն է հայտնել առաջարկությունների վերաբերյալ:

Պատգամավորներն առաջարկում են օրենսդրական փոփոխություն կատարել «Շահումով խաղերի, ինտերնետ շահումով խաղերի եւ խաղատների մասին» եւ «Վիճակախաղերի մասին» օրենքներում:

Առաջարկվում է սահմանել, որ ինտերնետ շահումով խաղեր կազմակերպողներին ավելի խիստ պատասխանատվության ենթարկել, եթե նրանք չեն արգելել մինչեւ 21 տարեկան անձին խաղադրույք կատարել, իսկ խաղատներին՝ մինչեւ 18 տարեկան անձանց չեն արգելել խաղատուն մուտք գործել: Գործող օրենսդրությամբ, եթե վիճակախաղի կազմակերպիչը խախտել է օրենքը, ապա պատասխանատվության է ենթարկվում ամեն դեպքի համար 100 հազար դրամ տուգանք վճարելով, իսկ շահումով խաղերի դեպքում՝ 200 հազար դրամ: Առաջարկվող տարբերակով առաջին անգամ խախտում թույլ տված խաղատունը կամ ինտերնետ խաղեր կազմակերպողը կտուգանվի 2 միլիոն դրամով, երկրորդ դեպքի համար՝ 5 միլիոն դրամով, 3-րդ դեպքի համար 10 միլիոն դրամով, իսկ եթե 4-րդ անգամ խախտում կատարի, ապա կզրկվի լիցենզիայից:

Ֆինանսների նախարարությունում ուսումնասիրելով պատգամավորների հեղինակած օրենսդրական նախագիծը եկել են եզրակացության, որ վերը նշված նախագծերի ընդունումը կարող է հան­գեցնել ՀՀ պետա­­կան բյուջեի եկամուտների ավելացման, իսկ ՀՀ համայնքների բյու­ջե­նե­րի եկամուտների, ինչ­­­պես նաև ՀՀ պե­տա­­կան և համայնքների բյուջեների ծախսերի վրա կու­նենա չեզոք ազդեցություն:

Միեւնույն ժամանակ ֆինանսների նախարարությունն իր պատրաստակամությունն է հայտնում սահմանված պատասխանատվության իրավաչափ լինելու հարցի շուրջ քննարկում ունենալ նախագծի հեղինակների հետ, քանի որ հիմ­նավորման կարիք ունի, թե նախագծերով ինչու է կազմակերպչին խախտման երեք դեպքի հնարավորություն տրվում:

«2017 թվականի հոկտեմբերին պետաիրավական նախարարական կոմիտեի նիստում քննարկված Վարչական իրավախախտումների վերաբերյալ նոր օրենսգրքի նախագծի հետ ներկայացված հարակից օրենքների նախագծերի փաթեթով նախատեսվում է ուժը կորցրած ճանաչել «Շահումովխաղերի, ինտերնետ շահումով խաղերի և խաղատների մասին» ՀՀ օրենքի 13-րդ և «Վիճակախաղերի մասին» ՀՀ օրենքի 14-րդ հոդվածներով սահմանված տուգանքին վերաբերող դրույթները, առաջարկում ենք նախագծերի կարգավորման առարկա հանդիսացող հարաբերությունները քննարկել Վարչական իրավախախտումների վերաբերյալ նոր օրենսգրքով առաջարկվող իրավակարգավորումների համատեքստում»,- նշվում է նախարարության եզրակացության մեջ:

Նախագիծը հեղինակել են ԱԺ պատգամավորներ Սամվել Ֆարմանյանը, Աղվան Վարդանյանը, Ռուզաննա Մուրադյանը, Հրայր Թովմասյանը, Վարդեւան Գրիգորյանը, Մանե Թանդիլյանը, Գագիկ Մելիքյանը, Ռուստամ Մախմուդյանը, Շուշան Սարդարյանը, Սերգեյ Բագրատյանը, Արման Սաղաթելյանը եւ Միհրան Հակոբյանը:

Տպել
1959 դիտում

Սեպտեմբերի 21-ին Գյումրիում փակ են լինելու որոշ փողոցներ (տեսանյութ)

Նիկոլ Փաշինյանը եղել է Հանրայինի արխիվի նոր մասնաշենքում, լսել Առաջին ալիքի հաշվետվությունը

Գրոզնիում առեւտրի կենտրոն է հրդեհվել. ուժգին կրակն ընդգրկում է 700 քմ տարածք

Եվրախորհրդարանը դատապարտել է Թուրքիայում հիմնարար իրավունքների ու ազատությունների ոտնահարումը

Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ

Փոխվարչապետ Գրիգորյանն ընդունել է ԵՀ Հարևանության հարցերով գլխավոր տնօրենի տեղակալին

Սևանի ոստիկանները ապօրինի թմրաշրջանառության դեպք են բացահայտել (տեսանյութ)

Ոստիկանները բացահայտել են Վահագնի գյուղի հարակից անտառում երկու ծառի անօրինական հատման դեպք

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս. Կառավարությունն արձագանքում է հանրային պահանջին

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)

«Ազնիվ գողեր» ֆիլմը նկարահանվել է հեղափոխության ժամանակ, ու դժվարություններ են եղել. կայացավ պրեմիերան