ՀՀ 10 լավագույն մարզիկների 25 թեկնածուներից ով ինչ է նվաճել 2017-ին

2 օր է մեկնարկել է Հայաստանի 2017 թ. լավագույն մարզիկների տասնյակի քվեարկությունը: Դեկտեմբերի 11-ից դեկտեմբերի 25-ը՝ մինչև ժամը 18:00-ը, Հայաստանի եւ Արցախի Հանրապետության բնակիչները կարող են SMS-ի միջոցով քվեարկել 25 թեկնածուների օգտին:

ՀՀ սպորտի եւ երիտասարդության հարցերի նախարարության www.msy.am պաշտոնական կայքում տեղադրված է մրցույթին մասնակցող մարզիկների՝ այբբենական կարգով դասավորված անվանացանկը, որից անհրաժեշտ է ընտրել նախընտրած մարզիկի հերթական (անհատական) համարը եւ SMS հաղորդագրություն ուղարկել 10-06 կարճ համարին:

Քվեարկության համար սահմանված ժամանակահատվածում 1 հեռախոսահամարից կարելի է ուղարկել միայն 1 SMS հաղորդագրություն: SMS-ի արժեքը 50 դրամ է:

Armtimes.com-ը ներկայացնում է տասնյակի թեկնածուների՝ 2017 թվականի ընթացքում ունեցած կարեւոր նվաճումները:

1)Արթուր Ալեքսանյան- հունահռոմեական ոճի ըմբշամարտ (98 կգ)- օլիմպիական չեմպիոնը դարձել է Եվրոպայի 2017 թ. առաջնության բրոնզե մեդալակիր, այս տարի նաեւ 3-րդ անգամ անընդմեջ դարձել է աշխարհի չեմպիոն:

2)Ռուբեն Ալեքսանյան- ծանրամարտ (+105 կգ) - 2017 թ. դարձել է Եվրոպայի բրոնզե մեդալակիր

3)Լեւոն Արոնյան- Հայկական շախմատի առաջատարը հաղթել է GRENKE Chess Classic միջազգային մրցաշարում, Գերմանական իր «Բադեն» ակումբի կազմում դարձել է Բունդեսլիգայի չեմպիոն, հաղթել է Ստավանգերում կայացած Norway Chess գերհզոր մրցաշարում, հաղթել է Grand Chess Tour-ի՝ Ամերիկայի Սենթ Լուիս քաղաքում կայացած փուլում, հաղթել է Թբիլիսիում կայացած աշխարհի գավաթի խաղարկությունում՝ ձեռք բերելով հավակնորդների մրցաշարին մասնակցելու իրավունք: Եվրոպայի թիմային առաջնությունում ՀՀ հավաքականի կազմում զբաղեցրել է 12-րդ տեղը, սակայն անհատական ոսկե մեդալ է նվաճել՝ լավագույն արդյունքը գրանցելով 1-ին խաղատախտակի վրա:

4)Հովհաննես Բաչկով- բռնցքամարտ (64 կգ)- դարձել է Եվրոպայի 2017 թ. չեմպիոն, աշխարհի առաջնության բրոնզե մեդալակիր:

5)Լեւան Բերիանիձե- ազատ ոճի ըմբշամարտ (125 կգ)- դարձել է Եվրոպայի 2017 թ. առաջնության բրոնզե մեդալակիր, աշխարհի 2017 թ. առաջնության բրոնզե մեդալակիր:

6)Անաստասիա Գալուստյան- գեղասահք - 2017 թ. սեպտեմբերին Գերմանիայի Օբերսդորֆ քաղաքում կայացած օլիմպիական վարկանիշային մրցաշարում զբաղեցրել էր 8-րդ տեղը՝ դառնալով 1-ին պահեստային: Եթե վարկանիշ ձեռք բերած որեւէ մարզիկ ինչ-ինչ պատճառներով չմասնակցի 2018 թ. ձմեռային օլիմպիական խաղերին, նա կմասնակցի:

7)Գրիգոր Գրիգորյան- ազատ ոճի ըմբշամարտ (74 կգ)- դարձել է Եվրոպայի 2017 թ. առաջնության բրոնզե մեդալակիր:

8)Արթուր Թովմասյան- մարմնամարզություն (օղակներ)- դարձել է Դոհայի աշխարհի գավաթի հաղթող, 2-րդ անգամ կարիերայում նվաճել է համաշխարհային ուսանողական խաղերի ոսկե մեդալ:

9)Անդրանիկ Կարապետյան– ծանրամարտ (85 կգ)- Ռիո 2016-ում ստացած արմունկի ծանր վնասվածքից հետո այս ամառ Թայփեյում կայացած համաշխարհային ուսանողական խաղերում նա փոխչեմպիոն դարձավ, ոսկե մեդալ նվաճեց Եվրոպայի 2017 թ. մինչեւ 23 տարեկանների առաջնությունում:

10)Գեորգի Կետոեւ- ազատ ոճի ըմբշամարտ (97 կգ)- դարձել է աշխարհի 2017 թ. առաջնության բրոնզե մեդալակիր:

11)Տիգրան Կիրակոսյան- մարզական սամբո (52 կգ)- դարձել է Եվրոպայի 2017 թ. չեմպիոն, աշխարհի 2017 թ. չեմպիոն:

12)Մաքսիմ Մանուկյան- մարզական սամբո (57 կգ)- դարձել է աշխարհի 2017 թ. բրոնզե մեդալակիր:

13)Մաքսիմ Մանուկյան- հունահռոմեական ոճի ըմբշամարտ (80 կգ)- դարձել է աշխարհի 2017 թ. չեմպիոն:

14)Սիմոն Մարտիրոսյան- ծանրամարտ- Ռիո 2016-ի արծաթե մեդալակիրը դարձել է Եվրոպայի 2017 մեծահասակների առաջնության չեմպիոն (105 կգ), նույն քաշային կարգում նվաճել է համաշխարհային ուսանողական խաղերի հաղթողի կոչումը, +105 կգ քաշային կարգում չեմպիոն է դարձել Եվրոպայի առաջնության մինչեւ 20 տարեկանների պայքարում:

15)Հարություն Մերդինյան- մարմնամարզություն (նժույգթափեր)- Եվրոպայի 2016 թ. չեմպիոնը 2017 թ. նվաճել է Եվրոպայի առաջնության բրոնզե մեդալ:

16)Գոռ Մինասյան- ծանրամարտ (+105 կգ)- Ռիո 2016-ի արծաթե մեդալակիրը դարձել է Եվրոպայի 2017 թ. մեծահասակների առաջնության արծաթե մեդալակիր, 2017 թ. համաշխարհային ուսանողական խաղերի չեմպիոն, Եվրոպայի 2017 թ. առաջնության մինչեւ 23 տարեկանների չեմպիոն:

17)Սերգեյ Միքայելյան- դահուկասպորտ- ձմեռային Ուսանողական խաղերում բրոնզե մեդալակիր է դարձել, նվաճել է 2018 թ. ձմեռային օլիմպիական խաղերի ուղեգիր:

18)Հենրիխ Մխիթարյան- ֆուտբոլ- «Մանչեստեր Յունայթեդի» կազմում դարձել է Անգլիայի լիգայի գավաթի եւ Եվրոպա լիգայի հաղթող:

19)Գրիգոր Մխիթարյան- մարտական սամբո (52 կգ)- դարձել է Եվրոպայի 2017 թ. առաջնության արծաթե մեդալակիր, աշխարհի 2017 թ. չեմպիոն:

20)Լիլիթ Մկրտչյան- հրաձգություն- դարձել է Եվրոպայի 2017 թ. առաջնության արծաթե մեդալակիր:

21)Սարգիս Սարգսյան- ուշու- դարձել է Եվրոպայի 2017 թ. չեմպիոն, աշխարհի 2017 թ. առաջնության բրոնզե մեդալակիր:

22)Էդգար Ստեփանյան- հեծանվասպորտ- Լեհաստանում կայացած աշխարհի գավաթի խաղարկության արծաթե մեդալակիր է դարձել: Այս մեդալը հեծանվային սպորտում անկախ Հայաստանի պատմության 1-ին մեդալն է մեծահասակների պայքարում:

23)Սերգեյ Վարդազարյան- թաեքվանդո (68 կգ)- դարձել է 2017 թ. համաշխարհային ուսանողական խաղերի բրոնզե մեդալակիր:

24)Վաչիկ Վարդանյան- մարտական սամբո (68 կգ)- դարձել է աշխարհի 2017 թ. առաջնության արծաթե մեդալակիր:

25)Վալոդյա Ֆրանգուլյան- ազատ ոճի ըմբշամարտ – 61 կգ քաշային կարգում դարձել է Եվրոպայի 2017 թ. առաջնության բրոնզե մեդալակիր:

ՀՀ 2017 թ. լավագույն 10 մարզիկների ընտրությանը մասնակցում են նաեւ հավատարմագրված մարզական լրագրողները: Հավատարմագրվել է 23 մարզական լրագրող: Նրանք քվեարկելու են դեկտեմբերի 25-ին՝ ժամը 16:00-ից 18:00-ն: Լավագույն մարզիկի տասնյակը կազմվելու է լրագրողների եւ SMS քվեարկության հանրագումարով:

Տպել
3516 դիտում

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան

Փոխվարչապետ Տիգրան Ավինյանն ընդունել է Գերմանիայի դեսպանին

ԵՄ-ն իր անվտանգության համար ստիպված է համագործակցել Թուրքիայի հետ. Հունգարիայի արտգործնախարար

«Forbes»-ը բացահայտել է՝ ինչ ինքնաթիռներ ունեն հայկական ծագմամբ ռուս գործարարները

Լավ կլիներ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում

Ամերիկացի զինվորականները զբաղեցրել են դիրքեր՝ Սիրիայի նավթահորերի մոտ

Երկրաշարժ Շիրակի մարզի Աշոցք գյուղից դեպի 6 կմ հարավ-արևելք. ցնցման ուժգնությունը կազմել է 2-3 բալ. ԱԻՆ

Վանաձորի քաղաքային գերեզմանատան մոտակայքում խոտածածկույթ է այրվել. ԱԻՆ

Բնակիչը փորձում է ինքնասպան լինել՝ նետվելով պատուհանից. ԱԻՆ

Մել Դալուզյանն իմ անձնական պաշտպանության ներքո է․ թույլ չեմ տա ՀՀ դրոշը բարձրացրած մարդուն գցեն ոտքերի տակ․ վարչապետ

Իմ ու ՌԴ նախագահի խոսակցությունները աննախադեպ դինամիկա ունեին. Նիկոլ Փաշինյան

Արման Բաբաջանյանն անդրադարձել է Վազգեն Մանուկյանի հրաժարականին. Բաբաջանյանը հանդես էր եկել նրա հրաժարականի պահանջով

Արա Զոհրաբյանը դիմել է ԱԱԾ տնօրենի պաշտոնակատարին՝ ձերբակալված փաստաբաններին հանդիպելու համար