«Ելք» խմբակցության ղեկավարած հանձնաժողովը մանկապարտեզներում ուսումնասիրություն կիրականացնի

Երեւանի ավագանու «Ելք» խմբակցության ղեկավար Դավիթ Խաժակյանն այսօր գրավոր դիմում է ներկայացրել Երեւանի քաղաքապետ Տարոն Մարգարյանին եւ հայտնել, որ խմբակցությունը հանդես է գալիս քննող հանձնաժողով ստեղծելու նախաձեռնությամբ՝ օրենքով սահմանված կարգով ներկայացնելով այդ հանձնաժողովի ստեղծման պահանջը:

«Ելքը» կարծում է, որ Երեւանի քաղաքապետարանի ենթակայությամբ գործող նախադպրոցական ուսումնական հաստատություններում առկա է ուսումնասիրություն անցկացնելու անհրաժեշտություն:

Նշենք, որ քննող հանձնաժողով ստեղծելու պահանջն արդեն բավարար է, որ դա իրականություն դառնա: «Երեւան քաղաքում տեղական ինքնակառավարման մասին» օրենքի 35-րդ հոդվածի 1-ին մասը սահմանում է. «Ավագանու որեւէ խմբակցության պահանջով Երեւանում տեղական ինքնակառավարմանը վերաբերող հասարակական հետաքրքրություն ներկայացնող փաստեր պարզելու նպատակով ստեղծվում է ժամանակավոր քննող հանձնաժողով։ Պահանջի հետ ներկայացվում է նաեւ հանձնաժողովի նախագահի անունը»:

Դավիթ Խաժակյանը քաղաքապետին ուղղված գրության մեջ ներկայացրել է «Ելք» խմբակցության անդամ Արայիկ Հարությունյանի անունը: Վերջինս նաեւ կլինի քննող հանձնաժողովի նախագահը:

Ինչ վերաբերում է հանձնաժողով ստեղծելու անհրաժեշտությանը, Դավիթ Խաժակյանը նշել է.

«Երեւանի քաղաքապետարանի ենթակայության տակ գտնվող նախակրթական մի շարք ուսումնական հաստատություններում անընդհատ նկատվում են չարաշահումներ աշխատանքի կազմակերպման, ապօրինի դրամահավաքների, տնօրենների, դաստիարակների, դայակների մասնագիտական գործունեության, երեխաների նկատմամբ բռնություն գործադրելու, խմբերի խտության եւ այլ խնդիրների վերաբերյալ: Խնդրահարույց է նաեւ Երեւանի քաղաքապետարանի կողմից տրամադրված դրամական միջոցների ծախսման արդյունավետությունը, ինչպես նաեւ «Օգնիր մանկապարտեզիդ» համացանցային կայքով հանգանակված  գումարների ծախսումը:

Շատ հաճախ բողոքները հնչում են ծնողների կողմից, սակայն դրանք մնում են անանուն եւ թույլ չեն տալիս պարզել այդ բողոքների իսկությունը: Ծնողներն էլ մտավախություն են ունենում, որ բողոքների հրապարակայնացման դեպքում իրենց երեխաները տվյալ ՆՈՒՀ-երում կենթարկվեն կոշտ վերաբերմունքի, ինչի վերաբերյալ նույնպես կան բողոքներ:

Հաշվի առնելով վերոգրյալը, ելնելով այն փաստից, որ նշված խնդիրների վերաբերյալ «Ելք» խմբակցությունը քաղաքացիներից ստացել է բազմաթիվ բողոքներ, որոնք վկայում են ՆՈՒՀ-երում դրանց համակարգային բնույթի մասին, ղեկավարվելով «Երեւան քաղաքում տեղական ինքնակառավարման մասին» Հայաստանի Հանրապետության 2008 թվականի դեկտեմբերի 26-ի ՀՕ-5-Ն օրենքի 35-րդ հովածի 1-ին մասով, «Ելք» խմբակցությունը նախաձեռնում է Երեւանի քաղաքապետարանի ենթակայության նախադպրոցական ուսումնական հաստատությունների գործունեության ուսումնասիրության քննող հանձնաժողով ստեղծելու գործընթացը օրենքով սահմանված կարգով՝ ներկայացնելով համապատասխան պահանջը»:

Օրենքը նախատեսում է, որ քննող հանձնաժողովը բաղկացած է լինելու խմբակցությունների մեկական ներկայացուցչից եւ կարող է գործել առավելագույնը վեց ամիս:

Երեւանի ավագանու «Ելք» խմբակցության նախագահը մեզ հետ զրույցում պարզաբանեց, որ խմբակցություններն իրավունք ունեն տարեկան մեկ անգամ հանդես գալ քննող հանձնաժողով ստեղծելու պահանջով: Այսպիսով, «Ելքն» իրացրել է 2017 թվականի իր իրավունքը: Եվս մեկ քննող հանձնաժողով ստեղծելու պահանջ կներկայացվի 2018 թվականին: Ուսումնասիրության ոլորտը դեռ կհստակեցվի:

Տպել
6916 դիտում

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքները

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է

Արմավիրի քրեական հետախույզները մարիխուանայի իրացման դեպք են բացահայտել

Կրթական տեխնոլոգիաների ազգային կենտրոնի տնօրենի պաշտոնը թափուր է. նախկին տնօրեն Արտակ Պողոսյանը եւս կմասնակցի մրցույթին

Արցախի Հանրապետությունում իրականացվել են մի շարք միջոցառումներ կորոնավիրուսի ներթափանցումը կանխելու նպատակով

Էկոնոմիկայի նախարարությունում քննարկվել են ոռոգման սեզոնի մեկնարկին ընդառաջ առկա խնդիրները