Ո՞վ է գեներալ-լեյտենանտ Հայկազ Բաղմանյանը եւ ի՞նչ գիտենք նրա մասին

Երեկ գեներալ-լեյտենանտ Հայկազ Բաղմանյանի աշխատանքից ազատման լուրը ցնցեց հասարակությանը: Հիշեցնենք, ՊՆ նախարար Վիգեն Սարգսյանը ԶԼՄ-ների ներկայացուցիչների հետ զրույցում ասաց, որ գեներալ-լեյտենանտ Հայկազ Բաղմանյանն աշխատանքից ազատման զեկուցագիր է ներկայացրել՝ իր հորդորով։

Ո՞վ է իրականում գեներալ Բաղմանյանը, ի՞նչ գիտենք նրա մասին եւ ինչու նրա պաշտոնանկության լուրը անտարբեր չթողեց ոչ ոքի։

Գեներալ-լեյտենանտ Բաղմանյանը ծնվել է 1963 թ.հոկտեմբերի 24-ին՝ Ադրբեջանի Հանրապետության Խանլարի շրջան, գ. Գետաշենում: 1981-1992 թթ. ծառայել է ԽՍՀՄ զինված ուժերում: 1992-94 թթ. մասնակցել է մարտական գործողությունների: Նա համարվում է բանակի ամենաազդեցիկ ներկայացուցիչներից մեկը: 1999 թվականից մինչեւ 2009-ը նա զբաղեցրել է նախ 5-րդ բանակային կորպուսի, ապա 2-րդ բանակային կորպուսի հրամանատարի պաշտոնները: 2009-ից նա Զինված ուժերի Գլխավոր շտաբի պետի տեղակալն էր: 2007 թվականին Բաղմանյանի անունը շատ էր կապվում Կարճաղբյուր գյուղի զորամասում սպանված զինծառայող Տիգրան Օհանջանյանի սպանության հետ։ ԶԼՄ-ների հետ զրույցում զոհվածի մայրը՝ Գոհար Սարգսյանը, ասել է, որ  իր տղային սպանել են գեներալի թիկնապահները՝ գեներալի ցուցումով։

Մի քանի ամիս առաջ էլ քաղաքացի Թաթուլ Բաղդասարյանը դատական հայց էր ներկայացրել գեներալի դեմ, նշելով, որ գեներալ Հայկազ Բաղմանյանը՝ օգտվելով իր պաշտոնական դիրքից, կեղծիքների միջոցով իրենից խլել է համատեղ հիմնած բիզնեսը՝ գազալցակայանը, եւ հենց գեներալի ճնշումներով կադաստրը գազալցակայանի հողատարածքը, որը Թաթուլ Բաղդասարյանի սեփականությունն է, ապօրինի դարձրել է համայնքի սեփականություն: Դատարանը մերժել է բողոքը։

Ըստ ԶԼՄ-ների տարբեր հրապարակումների, գեներալ Բաղմանյանը զբաղվում է նաեւ մի շարք բիզնեսներով՝ զորամասերի թեյարաններ, բիլիարդանոցներ, եւ նաեւ մենաշնորհ է դարձրել խեցգետնի արտահանումը, որը կատարում է Սպայկա ընկերության միջոցով։ Նրա եղբայրը՝ Բորիս Բաղմանյանը, նույնպես լավ պաշտոն էր զբաղեցնում ժամանակին «Գազպրոմ-Արմենիա» ընկերությունում, սակայն հետո պաշտոնի իջեցում է եղել, ինչի համար գեներալը կոնֆլիկտների մեջ է եղել իշխանության բարձրաստիճան պաշտոնյաների հետ։

ԶԼՄ-ների փոխանցմամբ՝ գեներալ Բաղմանյանը Մոնումենտ թաղամասում ընտրությունների ժամանակ թաղային հեղինակությունների միջոցով հովանավորում էր Արտակ Սարգսյանին, ինչի համար, ըստ տեղեկությունների՝ խոսակցություն է ունեցել Վլադիմիր Գասպարյանի հետ, ում փեսան՝ Արթուր Գեւորգյանը, նույնպես տվյալ տարածքում էր առաջադրել իր թեկնածությունը։

Իսկ ամենազավեշտալի երեւույթներից մեկը գեներալի մոտ 150 հազար դոլար արժեցող Պորշ Պանամերա մեքենան է, որը ըստ ԶԼՄ-ներում տարածված տեղեկության, նրան նվիրել են քրեական հեղինակությունները։ Արդյո՞ք այս ամենը կապ ունի նրա ազատման հետ, դժվար թե, որովհետեւ այդ պարագայում նա շատ ավելի շուտ պետք է ազատված լիներ: Մյուս կողմից՝ այսօր ամենաակտուալ հարցն այն է, թե արդյո՞ք գեներալ Բաղմանյանը որեւէ տեսակի պատասխանատվություն կկրի վերը նկարագրված իրադարձությունների եւ ընդհանրապես պաշտոնավարման ընթացքում թույլ տված չարաշահումների համար: Եթե իշխանությունը Բաղմանյանին չհեռացրեց միայն ու միայն քաղաքական հաշվարկներից ելնելով, ապա առաջիկայում պետք է մի քանի քրեական գործով գեներալ Բաղմանյանը կոնկրետ կարգավիճակով անցնի: 

Նիկոլայ Ավետիսյան

Տպել
13633 դիտում

Հայկական Ռոնալդուն. Մխիթարյանը գրավել է «Ռոմայի» երկրպագուների սրտերը

Մեկնարկել է ԱԳ նախարարի պաշտոնական այցը Լիտվա. հանդիպում Լիտվայի ԱԳ նախարարի հետ

Իսակովի պողոտայի մոտ 25-ամյա երիտասարդի են դանակահարել

ԱԺ «Իմ քայլը» խմբակցությունը փակ նիստ է անցկացնում

Իրանի Իսլամական Հանրապետության նախագահին հոկտեմբերի 1-ին սպասում ենք Երեւանում․ Փաշինյան

ՍԴ երկու անդամների հատուկ կարծիքի հրապարակումն ակնհայտ է դարձնում, որ ՍԴ-ն կայացրել է ապօրինի որոշում․ վարչապետ

Ադրբեջանական բանակը լայնածավալ զորավարժություններ է անցկացնում

Արթուր Ալեքսանյանը հրաժարվել է աշխարհի առաջնության եզրափակչին մասնակցելուց

Սեպտեմբերի 24-ից հոկտեմբերի 5-ը կանցկացվի աննախադեպ ծավալի ու բնույթի զորավարժություն. ՊՆ (տեսանյութ)

Գալիս եմ եզրակացության, որ Սաշիկը էդ ընտանիքի ամենաանմեղ դեմքն ա. Նիկոլ Փաշինյան

Վրաստանի նախագահի որդին աշխատանքի է անցել Էմանուել Մակրոնի վարչակազմում

Միքայել Մինասյանը սեփականաշնորհել է Լոռու մարզում գտնվող ստրատեգիական նշանակության շատ կարեւոր օբյեկտ․ վարչապետ

«Մեծ է Ձեր ներդրումը Հայոց ցեղասպանության ճանաչման ուղղությամբ». Արմեն Սարգսյանը հյուրընկալել է ԳԴՀ նախկին նախագահին

Չմոռանանք, որ մենք շատ երկար ժամանակ ընդդիմադիր դաշտում ենք գործել. Սեֆիլյանի և Չուգասզյանի հետ հանդիպման մասին

Արթուր Վանեցյանն ազատվել է ԱԱԾ տնօրենի պաշտոնից. նախագահի հրամանագիրը

Ինքն արդեն պետական պաշտոնյա չէ, եւ կարող է ցանկացած հայտարարություն անել. Փաշինյանը՝ Վանեցյանի մասին

Ոստիկանության «Զվարթնոց» օդանավակայանի բաժնի ծառայողները միջազգային մակարդակով հետախուզվողի են հայտնաբերել (տեսանյութ)

Ըմբիշ Չալյանն օլիմպիական ուղեգիր նվաճելուց հետո պարտվեց աշխարհի առաջնության կիսաեզրափակչում

Իմ հրաժարականը թող լինի «Կանգ ա՛ռ»-ի սթափեցնող քայլ. Վանեցյանի հայտարարությունը

ԱԱԾ տնօրենին ազատելու միջնորդագիրը ստորագրել եմ․ վարչապետ