Նախարար Լեւոն Մկրտչյանի հրամանով սահմանվել են դպրոցներում անցկացվելիք քննությունների օրերը

ՀՀ կրթության եւ գիտության նախարար Լեւոն Մկրտչյանի դեկտեմբերի 4-ի հրամանով հաստատվել է 2017-2018 ուսումնական տարվա գիտելիքների ստուգման, պետական ավարտական քննությունների կազմակերպման, անցկացման աշխատակարգը եւ ժամանակացույցը:

Ըստ այդմ,  

հանրակրթական ուսումնական հաստատության 4-րդ եւ 9-րդ դասարաններում անցկացվում են համապատասխանաբար` գիտելիքների ստուգում եւ ավարտական քննություններ` հունիսի 1-24-ը:

12-րդ դասարաններում անցկացվում են պետական ավարտական քննություններ՝ դեկտեմբերի 25-29-ը եւ/կամ հունիսի 1-23-ը:

Ինչպես հայտնի է, 12-րդ դասարանի սովորողներին հնարավորություն է ընձեռվել դեկտեմբերին ավարտական քննություն հանձնել այն առարկայից կամ առարկաներից, որոնք չեն ուսումնասիրելու երկրորդ կիսամյակում եւ որոնցից չեն հանձնելու միասնական քննություն:

Դեկտեմբերին կազմակերպվող պետական ավարտական քննություններին մասնակցելու համար, ըստ հրամանի, սովորողները մինչեւ դեկտեմբերի 5-ը գրավոր պետք է դիմեն դպրոցի տնօրենին, իսկ հաստատության տնօրենը դեկտեմբերի 5-ից մինչեւ 11-ը ներառյալ քննություններ հանձնողների դիմում-հայտերը էլեկտրոնային եղանակով պետք է փոխանցի Գնահատման եւ թեստավորման կենտրոն (ԳԹԿ): Այսպիսով, ավարտական դասարաններում սովորող աշակերտները սովորականից շուտ քննություն հանձնելու համար դիմում գրելու ժամանակ, փաստորեն, արդեն չունեն կամ գրեթե չունեն:

Հունիս ամսին կազմակերպվող պետական ավարտական քննություններին մասնակցելու դիմում-հայտերը հաստատության տնօրենը նույն ձեւով ԳԹԿ է փոխանցելու փետրվարի 1-ից մինչեւ մարտի 15-ը ներառյալ:

Քննությունները սկսվում են ժամը 10:00-ին: Սովորողները հանրակրթական ուսումնական հաստատություն են ներկայանում ժամը 9:00-ին:

4-րդ դասարանում գիտելիքների ստուգումն անցկացվում է.

1) «Մայրենի» առարկայից` թելադրություն. քննությանը տրվում է 60 րոպե:

2) «Մաթեմատիկա» առարկայից` գրավոր. քննությանը տրվում է 60 րոպե:

3) «Ռուսաց լեզու» առարկայից` բանավոր՝ ռուսերենով ուսուցմամբ դասարաններում:

4) «Մայրենի լեզու եւ գրականություն» առարկայից` բանավոր՝ ազգային փոքրամասնությունների դասարաններում:

Կրթության առանձնահատուկ պայմանների կարիք ունեցող երեխաների համար գրավոր քննության ժամանակ կարող է տրվել լրացուցիչ 30-40 րոպե` ապահովելով երեխայի կարիքին համապատասխան պայմաններ:

9-րդ դասարանի ավարտական քննություններն անցկացվում են.

1) «Հայոց լեզու եւ հայ գրականություն» առարկայից` փոխադրություն. քննությանը տրվում է 90 րոպե:

2) «Գրականություն» առարկայից` բանավոր:

3) «Հայոց պատմություն» առարկայից` բանավոր:

4) «Մաթեմատիկա» առարկայից` գրավոր. քննությանը տրվում է 120 րոպե:

5) «Բնագիտություն»ֆիզիկա», «Քիմիա», «Կենսաբանություն», «Աշխարհագրություն»/ առարկայից՝ գրավոր՝ սովորողի ընտրությամբ, քննությանը տրվում է 120 րոպե:

6) «Օտար լեզու» («Ռուսերեն», «Անգլերեն», «Ֆրանսերեն», «Գերմաներեն» եւ այլ լեզուներ) առարկայից` բանավոր` սովորողի ընտրությամբ.

7) «Ֆիզկուլտուրա» առարկայից` քննաշրջանի ընթացքում (նորմատիվների հանձնում):

8) «Ռուս գրականություն» առարկայից` բանավոր` ռուսերենով ուսուցմամբ դասարանների համար:

9) «Մայրենի լեզու եւ գրականություն» առարկայից` բանավոր` ազգային փոքրամասնությունների դասարանների համար:

Սովորողները քննասենյակում տեղավորվում են վիճակահանության միջոցով: Քննության ընթացքում քննասենյակում կարող են գտնվել միայն հանձնաժողովի անդամները:

12-րդ դասարանում պետական ավարտական քննություններն անցկացվում են.

1) «Հայոց լեզու եւ հայ գրականություն» առարկայից` գրավոր` դեկտեմբերին կամ հունիսին. քննությանը տրվում է 120 րոպե:

2) «Հայոց պատմություն» առարկայից` գրավոր` դեկտեմբերին կամ հունիսին. քննությանը տրվում է 120 րոպե:

3) «Մաթեմատիկա» առարկայից` գրավոր` դեկտեմբերին կամ հունիսին. քննությանը տրվում է 120 րոպե:

4) «Ռուս գրականություն» առարկայից` բանավոր` ռուսերենով ուսուցմամբ դասարանների համար` դեկտեմբերի կամ հունիսի քննաշրջանի ընթացքում` ըստ սովորողի ցանկության:

5) «Մայրենի լեզու եւ գրականություն»  առարկայից` բանավոր` ազգային փոքրամասնությունների դասարանների համար` դեկտեմբերի կամ հունիսի քննաշրջանի ընթացքում` ըստ սովորողի ցանկության:

ԿԳ նախարարի նույն հրամանի համաձայն, ուսման մեջ գերազանց առաջադիմության համար Հայաստանի Հանրապետության կրթության եւ գիտության նախարարության գերազանցության մեդալի հավակնորդ սովորողները թույլատրվում են քննության`ըստ նախարարություն ներկայացված ցուցակի: Քննությունների միջեւ ընկած օրերին դասավանդող ուսուցիչները սովորողների համար քննական առարկաներից կազմակերպում են խորհրդատվություններ` հանրակրթական ուսումնական հաստատության տնօրենի կողմից հաստատված ժամանակացույցով: Քննությունից բացակայած կամ ուշացած մեդալի հավակնորդ սովորողը զրկվում է մեդալ ստանալու իրավունքից:

Տպել
25660 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ