ԵԱՏՄ-ի նիստի համար բյուջեից 20 միլիոն դրամ է ծախսվել. 6 մլն-ը՝ Ծառուկյանի հյուրանոցին

Հոկտեմբերի 25-ին Երեւանում տեղի ունեցած ԵԱՏՄ միջկառավարական խորհրդի նիստի համար ՀՀ պետական բյուջեից ծախսվել է ավելի քան 20 միլիոն դրամ: Այս մասին տեղեկացնում է ՀՀ կառավարության աշխատակազմի ղեկավարի տեղակալ Վահե Ջիլավյանը՝ պատասխանելով մեր գրավոր հարցմանը:

Հոկտեմբերի 27-ին գրավոր հարցում էինք ուղարկել ՀՀ կառավարության աշխատակամզի ղեկավար Վահե Ստեփանյանին խնդրելով տեղեկություն տրամադրել, թե ԵԱՏՄ նիստի համար ընտրված «Մուլտի գրանդ» հյուրանոցն ի՞նչ սկզբունքով էր ընտրվել, որքա՞ն գումար է հատկացվել միջոցառման կազմակերպման համար, որքա՞ն է արժեցել հյուրանոցային համալիր ծառայությունների մատուցման պայմանագիրը: Հարցրել էինք նաեւ, թե Կառավարության ընդունելությունների տան (Երեւան, Մաշտոցի պողոտա, 47 շենք) վրա վերջին 10 տարում որքան գումար է ծախսվել, եւ ինչո՞ւ ԵԱՏՄ-ի նիստը չի անցկացվել կառավարության ընդունելություների տանը:

«Տեղեկատվության ազատության մասին» օրենքով նախատեսված ժամկետների խախտմամբ կառավարությունից մոտ 20 օր անց մեզ թերի պատասխան են տրամադրել:

Նախ Վահե Ջիլավյանը նշել է, որ որ  2017  թվականի հոկտեմբերի 25- ին Երևան քաղաքում տեղի ունեցած Եվրասիական միջկառավարական խորհրդի հերթական նիստն անցկացվել է «Մուլտի Գրանդ»  հյուրանոցում, քանի որ հյուրանոցը ապահովված է նման կարգի միջոցառումների կազմակերպման  համար  բոլոր անհրաժեշտ պայմաններով (խորհրդատվությունների դահլիճ, հյուրանոցային համալիր և այլն) և  բավարարում է նիստի օրակարգով նախատեսված միջոցառումների անցկացման պահանջներին: «Ինչպես տեղեկացվում է «Պետական արարողակարգի ծառայության» գործակալության  կողմից,  նիստի կազմակերպման և անցկացման աշխատանքների համար  հատկացված   գումարը   կազմել  է  20 միլիոն 755 հազար ՀՀ դրամ,  իսկ «Մուլտի Գրանդ» հյուրանոցում  կեցության և այլ ծախսերը կազմել են 6 միլիոն 229 հազար ՀՀ դրամ»,- պատասխան նամակում գրել է Վահե Ջիլավյանը:

Անդրադառնալով կառավարության ընդունելությունների տան վերաբերյալ հարցերին, կառավարության աշխատակազմի ղեկավարի տեղակալը նկատել է, որ «Ընդունելությունների տուն» ՓԲԸ 100% պետական բաժնեմասի տնօրինման լիազորությունը վերապահված  է ՀՀ կառավարությանն առընթեր  պետական  գույքի  կառավարման  վարչությանը, և տվյալ շենքն իր  պայմաններով և սրահների քանակով չի բավարարում Եվրասիական տնտեսական միության միջկառավարական խորհրդի նիստի օրակարգից բխող պահանջներին:

Առաջիկայում մենք այնուամենյանիվ կփորձենք պարզել, թե վերջին 10 տարում որքա՞ն գումար է հատկացվել կառավարության ընդունելություների տան վերանորոգման եւ պահպանման համար:

Տպել
2511 դիտում

ՀՀ ֆուտբոլի հավաքականը գոլ բաց թողեց Ֆինլանդիայի դեմ խաղում. պարտվում է 0:1

Հակատուբերկուլոզային դիսպանսերը դեռ չի փակվի, սակայն քննարկվում է կառույցին տրվող ֆինանսական միջոցների կրճատման հարցը

ՀՀ Ազգային ժողովի նախագահը ելույթ է ունեցել Միջխորհրդարանական միության 141-րդ նստաշրջանում

Վարչապետ Փաշինյանի անունից ի պատիվ Գեորգի Գախարիայի տրվել է պաշտոնական ընթրիք

Համալիր մարզումներ են իրականացվել ՊՆ հակաօդային պաշտպանության ստորաբաժանումում

ՀՀ պաշտպանության նախարարը հետևել է խաղաղապահների վարժանքներին

Գրիգորի Հայրապետովն ազատվել է ԱԱԾ պետական պահպանության ծառայության պետի պաշտոնից

«Նուբարաշեն» ՔԿՀ-ում մեկնարկեց մասնավոր ընկերության կողմից սննդի ապահովման փորձնական ծրագիրը

Դուք ապացուցել եք, որ կարող եք հրաշքներ գործել. վարչապետը՝ ՀՀ ֆուտբոլի հավաքականին

Դավիթ Սանասարյանի կողմից 9-ամյա տղային վրաերթի ենթարկելու մասին մայրը հաղորդում է ներկայացրել ոստիկանություն

Տեղի են ունեցել մի շարք իրադարձություններ, որոնց մասին ձեզ տեղեկություններ կհաղորդեմ. Բ. Սահակյանը՝ Ն. Փաշինյանին

Ներկայացրել է կեղծ վկայական ու աշխատավարձի մասին կեղծ փաստաթուղթ՝ վարկ վերցնելու համար (տեսանյութ)

Արմեն Սարգսյանը հյուրընկալել է Վրաստանի վարչապետ Գեորգի Գախարիային

Վրաստանի վարչապետը հարգանքի տուրք է մատուցել Հայոց ցեղասպանության զոհերի հիշատակին

Պողոս Պողոսյանի սպանության գործով դատապարտված Աղամալ Հարությունյանը կկանչվի հարցաքննության

Հովհաննես Հարությունյանն ազատվել է ՀՀ առողջապահության նախարարի տեղակալի պաշտոնից

«Հայկական Ժամանակ» օրաթերթը և ArmTimes լրատվական կայքը փնտրում են փորձառու և ստեղծագործ լրագրողներ

ՈՒԵՖԱ-ն գուցե պատժի Թուրքիային. կդիտարկվի Չեմպիոնների լիգայի եզրափակիչը տեղափոխելու տարբերակը

Նախնական տվյալներով՝ երեխաները սննդային թունավորում ստացել են դպրոցի բուֆետում վաճառվող սննդից. Քննչական կոմիտե

Հայտարարություն մրցույթի մասին