2012-ից նպաստառուների թիվը չի փոխվել. որտե՞ղ եք մեզ «քցում». Փաշինյան

Հայաստանի Ազգային ժողովի առողջապահության եւ սոցիալական հարցերի մշտական հանձնաժողովի նիստի ժամանակ «Ելք» խմբակցության ղեկավար Նիկոլ Փաշինյանն աշխատանքի եւ սոցիալական հարցերի նախար Արտեմ Ասատրյանից հետաքրքրվեց, թե ինչու՞ է արդեն 6 տարի ՀՀ պետական բյուջեի նախագծում ընտանեկան նպաստ ստացողների թիվը նշված 104 հազար եւ երբեւէ փոփոխության չի ենթարկվում:

«2012 թվականից ընտանեկան նպաստ ստացողների թիվը 104 հազար է, սա ինչի՞ մասին է վկայում: Այս թիվը նշված է բոլոր տարիների բյուջեների նախագծերի մեջ: Ասում են, թե կլոր թվերը խաբում են:  Այս թիվը մեզ խաբում է, որտե՞ղ է մեզ քցում: Տպավորույթուն է, որ ասում են այս թիվն է, գնացեք, բաժանեք այդ ընտանիքների մեջ: Ընդ որում կապ չունի, թե այդ թվի մեջ քանիսն են աղքատ, քանիսն են անապահով: Ինձ թվում է, որ այս 104 հազար թիվը մենք առաջիկա հինգ տարվա ընթացքում էլ կարդալու ենք: Գործող համակարգը ոչ մի ազդեցություն չունի, ոչ շատացնում է, ոչ քչացնում նպաստ ստացողների թիվը»,-նշեց Նիկոլ Փաշինյանը:

Նախարար Ասատրյանը խոսելով ընտանեկան նպաստ համակարգ ընդգրկվող ընտանիքների մասին ասաց, որ այժմ հնարավոր չէ ունենալ ահնատական հայտարարագրեր այդ ընտանիքների ունեցվածի վերաբերյալ: Ասատրյանի խոսքով՝ համակարգ ընդգրկվելու համար հիմք է ընդունվում քաղաքացու բերված տեղեկանքները, ինչպես նաեւ մաքսային ծառայության այն տեղությունները, թե քաղաքացին ինչ-որ ապրանք ներկրել է:

«Մեկ բան պետք է հստակեցնենք, որ մենք աղքատություն վերացնելու համար հույսերներս չպետք է դնենք նպաստ տալու վրա: Եթե հասցեական պատկերացնենք բոլոր աղքատ ընտանիքներիների եւ  իրենց պակասող գումարը վճարվի, այսինքն գտնում ես բոլոր աղքատ ընտանիքներին եւ իդեալական վճարում: Այս դեպքում անհրաժեշտ է մոտ 150 միլիարդ դրամ: Կարող ենք ասել, որ նրանք դուրս կգան թիրախային վիճակից: Պարզ է, որ մենք այդպիսի միջոցներ չունենք: 104 հազարի հետ կապված ասեմ, որ մենք յուրաքանչյուր տարի իրականացնում ենք տնային տնտեսությունների հաշվառում, որպեսզի կարողանանք մեր սոցիալական ծրագրերը ուղղորդենք այն թիրախային խմբերին, որոնք ավելի շատ են ռիսկի ենթարկվում: Անապահովության գնահատման համակարգը հիմա անուղղակի մեթոդաբանությամբ է գործում ունի սոցիալական խմբերը շարված, որոնք միավորներ են ստանում եւ ձեւավորվում է նպաստի բալը: Այդ 104 հազարը ձեւավորվում է վերլուծությունների հաշվին: Պետք է հաշվի առնենք, որ ամսական կտրվածքով 1000-1500 ընտանիք այդ համակարգում փոփոխության է ենթարկվում: Հնարավոր է, որ մի ընտանիքում անձերից մեկը աշխատանքի է անցնում կամ կենսաթոշակի եւ դուրս է գալիս նպաստի համակարգից»,- ասաց Արտեմ Ասատրյանը:

ԱԺ առողջապահության մշտական հանձնաժողովի նախագահ Հահկոբ Հակոբյանն էլ նշեց, որ եթե ընտանիքը վարկ է վերցնում, իր համար աշխատանքային պայմաններ ստեղծում, ապա այս դեպքում եւս զրկվում է ընտանեկան նպաստից:

Այստեղ հետաքրքիր է մի բան, որ վարկ վերցնելիս գումարի օգտագործման նպատակ հիմնականում նշվում է գյուղտեղխիկա, խոշոր եւ մանր եղջերավորներ ձեռքբերելը: Սակայն գաղտնիք չէ, որ այսօր Հյաստանում վարկեր վերցնում են օրվա հացի խնդիր լուծելուց մինչեւ անգամ հարսանիք անելու նպատակով: Ստացվում է, որ վարկը վերցնում են եկամուտ ստեղծելու նպատակով, եւ դա չի ծառայում նպատակին, բայց պաշտոնական փաստաթղթերում նշվում է, որ օգտագործվել է աշխատանքային պայմաններ ստեղծելու նպատակով, ինչի արդյունքում ընտանիքները զրկվում են նպաստից: 

Տպել
3215 դիտում

Վթար Նալբանդյան և Մոսկովյան փողոցների խաչմերուկում. կան տուժածներ

Վարչապետի որոշումներով՝ աշխատանքից ազատվել են Մովսես Հակոբյանը, Կամո Քոչունցը եւ Վաչագան Ներսիսյանը

Ռուսական թատրոնի տնօրենի թափուր պաշտոնի համար մրցույթ է հայտարարվել. նախորդը չէր կայացել

Քաբուլում պայթյունի հետեւանքով 4 զինվորական է տուժել

Ունենալով բավական փորձառություն՝ քաղաքացին չի կարողանում զբաղեցնել խորհրդականի պաշտոնը. Վաղարշակ Հակոբյան

Նոր Հաճնում մահացած չորս երեխաների հայրը հնարավորություն կունենա վերջին հրաժեշտը տալ նրանց ու մորը. մարզպետ

Արթուր Ալեքսանյանը նշանակվել է ՅՈՒՆԻՍԵՖ-ի բարի կամքի դեսպան

Ոստիկանության 6-րդ վարչությունը ստուգումներ է իրականացնում փոխվարչապետի խորհրդականի եղբոր ընկերությունում

Եվրոպայի գործող չեմպիոն Պորտուգալիան եւս Եվրո 2020-ում է. 17 թիմ արդեն իրեն ապահով է զգում

Հայաստանի պետական սիմֆոնիկ նվագախումբը Սոչիում կկատարի հայ կոմպոզիտորների ստեղծագործություններ

Արմեն Սարգսյանը շնորհավորական ուղերձ է հղել Մարոկկոյի Թագավոր Մուհամմադ Վեցերորդին

ՀՀ ՊԵԿ-ի եւ Վրաստանի ֆինանսների նախարարության միջեւ կնքվել են մի շարք փաստաթղթեր

Նախորդ շաբաթվա ընթացքում արձանագրվել է թունավորման 8 դեպք, տուժել է 19, զոհվել՝ 5 քաղաքացի

Մեղրաձոր գյուղում այրվել է մոտ 1000 հակ անասնակեր

Թբիլիսիում հազարավոր մարդիկ արգելափակել են խորհրդարանը, պահանջում են կառավարության հրաժարական և արտահերթ ընտրություններ

Սիսիան-Երևան ավտոճանապարհին ավտոմեքենան կողաշրջվել է. կա տուժած

Հանձնաժողովի տեղ ծախեմ դոլարով. ընդդիմությունը հանձնեց նաեւ դալարը

Աչք են դրել. ո՞ւմը կդառնա պոլիկլինիկայի շենքը

Եկեք մեզ ստուգեք. արդեն զավեշտական է դառնում

56 տարեկանում մահացել է նախկին պատգամավոր Հովհաննես Ահարոնյանը