Հարկայինի հետ կապված ոչ մի խնդիր չկա, բոլորը գոհ են. Գագիկ Ծառուկյան (Տեսանյութ)

Armtimes.com-ն արդեն տեղեկացրել էր «Առինջ մոլում» վաճառականների եւ հարկային ծառայության միջեւ  տարաձայնությունների մասին: Այսօր երեկոյան հարցին միջամտել է նաեւ մոլի սեփականատեր Գագիկ Ծառուկյանը: Վերջինս հարկայինի աշխատակիցների հետ միասին  հանդիպել է առեւտրականների հետ եւ հորդորել, որ մոլ այցելող հարկային ծառայության աշխատակիցների հետ չվիճեն, փորձեն լեզու գտնել եւ հարցը լուծել առանց ԱԺ-ի մոտ միտինգներ կազմակերպելու:

«Հարկայինի հետ կապված ոչ մի խնդիր չկա: Մեկ-երկու անճշտություն կար, խնդրեցի, որ հավաքվենք, միասին կարգավորենք: Փաստաթղթերի ճշտումներ է, առանձնապես ոչ մի բան չկա: Հիմա տեսեք, որ բոլորն էլ գոհ, շնորհակալ են: Հարցերը կկարգավորվի, կգնա»,- armtimes.com-ի հետ զրույցում ասաց Գագիկ Ծառուկյանը:

 Առեւտրականների խոսքով՝ խնդիրն այն է, որ հարկայինը յուրաքանչյուր ապրանքի շարժի համար առանձին փաստաթուղթ է պահանջում, որը եւ ժամանակատար է, եւ ծախսատար: Այն դարձել է վաճառականների համար բոյկոտի առիթ:

«Հարկայինը թղթաբանություն է պահանջում, որ ապրանքը ստացանք եւ կարողանանք այնուհետեւ տեղափոխենք: Այսինքն, եթե ես խանութից տուն շոր եմ տանում, դրա համար պետք է հարկայինից հատուկ թուղթ ունենամ, եթե չունեցա՝ կտուգանվեմ: Դրա համար ենք անհանգստանում: Մինչ այս նման թղթաբանության կարիք չի եղել: Ես չգիտեմ, թե ինչի համար են դա անում, ավելորդ քաշքշուկ է, եթե չունեցա, կտուգանվեմ: Շուկայում արդեն քանի հոգի տուգանվել են: Մարդ կա, որ 20 հազար դրամի առեւտուր չի անում, բայց 240 հազարի արդեն տուգանվել է: Ուզում են, որ թողնենք գնանք էս երկրից: Օգոստոսից սկսել են պահանջել»,- armtimes.com-ի հետ զրույցում ասաց «Առինջ մոլ»-ի վաճառականներից մեկը:

Ըստ վաճառականների, այդ դեպքում հագուստը եւ այլ ապրանքներ կիլոգրամով ներկրելու փոխարեն Հայաստան են բերելու հատով, որպեսզի հնարավոր լինի յուրաքանչյուրը փաստաթղթավորել, իսկ առեւտրականները պնդում են, որ այս դեպքում Թուրքիայում իրենց թերի թվաքանակով ապրանք կտրամադրեն:

«Ժողովուրդ, Ձեզ ոչ մեկը չի խանգարի, երկուշաբթի հարկայինի աշխատակիցները գալիս են ձեզ ամեն ինչ բացատրում են: Շաբաթվա վերջ հավաքվում ենք այստեղ, եթե անհասկանալի հարց լինի, էլի կքննարկենք: Առանց ըմբոստանալու հարցը կլուծենք: Հանգիստ, ոչ մի տեղ չեք գնում: Մենք ձեր կողքին ենք»,- ասաց Ծառուկյանը, որին պատասխանելով՝ վաճառականներից մեկը Գագիկ Ծառուկյանին մեղադրեց հարկայինի «կողմն անցնելու» համար:

«Որ ասում եք հատով բեր, ես ի՞նչ իմանամ մեշոկի մեջ քանի հատ է, բա որ թուրքը ինձ խաբի: Մենք առանց բան վաճառելու 20 տոկոս ԱԱՀ ենք վճարում, մեզ ազատեք թղթաբանությունից: Էս երկրում վստահություն չկա, ես ո՞նց կարող եմ ինչ-որ մեկին վստահեմ, հարցը մտցրեք Ազգային ժողով: Պարոն Ծառուկյան, դուք մեզ երեք տարի անվճար տաղավար եք տվել, հիմա մեզ քաշում եք, ինչի եք հիմա մեզ դայաղ անում սրանց, իրանց կողմից եք խոսում: Թող այս հարցին դրական լուծում տան, թույլ տվեք, որ ես իմ երկրում ապրեմ»,- ասաց վաճառականը:

Ինչպես եւ տեղեկացրել էինք, այս վաճառականներն այսօր պետք է բողոքի ակցիա կազմակերպեին Ազգային ժողովի դիմաց, սակայն հարկայինի աշխատողների՝ մոլ այցի պատճառով չեն եկել: Մեր այս տեղեկությունը հաստատեց նաեւ մոլի վաճառականներից մեկը:

«Դե չգիտեմ, թե Ազգային ժողով երբ կգանք, այստեղ խմբեր են կազմել, երբ ասեն՝ կգնանք: Այսօր չեկանք ԱԺ, որովհետեւ եկավ հարկայինի ներկայացուցիչը, այստեղ ժողովը կազմակերպեց»,- նշեց նա:

Ստեղծված իրավիճակի առթիվ armtimes.com-ը պարզաբանում էր խնդրել նաեւ հարկային ծառայության լրատվական բաժնից: Սակայն մեզ դեռ որեւէ պարզաբանում չեն տրամադրել:

Մանրամասները՝ տեսանյութում:

Տպել
5095 դիտում

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել

Հրդեհ Մեծ Մանթաշ գյուղում. 2 տների բակերում այրվել է 800 հակ անասնակեր

Առաջիկա շաբաթը կանցնի առանց տեղումների, եղանակը կտաքանա 2-3 աստիճանով

Երևանում անցկացվում է սուսերամարտի միջազգային մրցաշար

Երեւանի 5-հարկանի շենքի տանիքում բռնկված հրդեհը մեկուսացվել է

Նիկոլ Փաշինյանը ծանոթացել է Հյուսիսային ավտոկայանում իրականացվող աշխատանքներին (տեսանյութ)

Սուրբ Հովհաննես եկեղեցում մոմ վառեցինք երեկվա ողբերգության 5 զոհերի հոգիների հանգստության համար. վարչապետ (տեսանյութ)

Վիճաբանություն-ծեծկռտուք՝ Վ. Սարգսյանի անվան մարզադաշտի տարածքում. կա վիրավոր եւ բերման ենթարկվածներ

Ուկրաինայի հայ երիտասարդները հավաքվել էին մեկ հարթակում. Զարեհ Սինանյանը մասնակցել է ֆորումի

Նոր Հաճնում սուբվենցիոն ծրագրով նորոգվում է մարզադպրոց. վարչապետի շրջայցը շարունակվում է (տեսանյութ)

Ուսանողությունը մեր երկրի զարգացման գլխավոր գրավականն է. ԵՊԲՀ ռեկտոր Արմեն Մուրադյանի ուղերձը

Առողջապահության նախարար Արսեն Թորոսյանն ուղերձ է հղել ռազմական բժիշկներին

Մահճակալից կախված վիճակում հայտնաբերվել է կալանավորված անձի դին

Վարչապետը Նոր Երզնկայում է, ծանոթանում է գազաֆիկացման ծրագրին (տեսանյութ)

Արայիկ Հարությունյանը ուղերձ է հղել Ուսանողության միջազգային օրվա կապակցությամբ