ՌԴ-ից մեծ քանակի հայկական կոնյակ է ետ ուղարկվել. խաղի կանոնները փոխվել են

Ռուսաստանի Դաշնությունը Հայաստանի կոնյակ արտադրողների համար խնդիրներ է ստեղծում: Այս մասին այսօր «Տեսակետ» մամուլի ակումբում լրագրողների հետ հանդիպմանն ասաց Հայաստանի գինեգործների միության նախագահ Ավագ Հարությունյանը՝ խոսելով կոնյակի եւ գինու արտահանման եւ խաղողի մթերման գործընթացի մասին:

Նրա խոսքով, այս տարի ՌԴ-ից կոնյակով բեռնված 8 ավտոմեքենա ետ է ուղարկվել Հայաստան: «Ես գիտեմ, որ մոտ 8 ավտոմեքենա ետ է եկել, բայց դրա մի մասը ոչ թե կեղծարարության, այլ ժամկետների խախտման պատճառով է եղել: Պրոցեդուրային խախտումներ կան փաստաթղթերը ներկայացնելու, մի մասն էլ, իհարկե՝ կեղծ է եղել»,- ասաց Ավագ Հարությունյանը՝ չցանկանալով նշել, թե կոնյակ արտադրող որ ընկրության արտադրանքն է ետ ուղարկվել:

Բանախոսը նշեց, որ ՌԴ-ն կեղծ կոնյակների ներմուծման վերաբերյալ նոր չափանիշներ է ստեղծել, իսկ հայ կոնյակ արտադրողների մեծ մասը չի կարողանում համապատասխան փորձաքննություններն անցկացնել, քանի որ տեխնիկապես հնարավոր չէ Հայաստանում նման փորձաքննություն անցկացնել:

«ՌԴ-ն կտրուկ փոխել է խաղի կանոնները: Առաջ իմիտացիա էին անում, թե պայքարում են կեղծարարության դեմ: Նոր ցուցանիշ են մտցրել, որը Հայաստանում չի չափվում: Մենք այդ գործիքները չունենք: Կեղծարարները չեն կարող նախապես իմանալ, որ իրենք կեղծում են: Հայաստանից արտահանվող կոնյակի մի մասը կեղծ է, սա ասում են բոլորը, եւ ընդունում են բոլորը: Այդ կեղծարարության մակարդակը կարողանում էին անցյալում վերահսկել, թե՛ այստեղ՝ արտադրողները, թե այնտեղ՝ ստուգողները: Կային սարքավորումներ, որոնք թույլ էին տալիս այստեղ ստուգել, հետո հասկանալ կեղծիքի սահմանները: Նոր չափորոշիչներ են մտցրել: Թթվածնի 17 իզոտոպի քանակությունն այստեղ չենք կարող ստուգել սարքերի բացակայության պատճառով: Ոչ կեղծ կոնյակ արտադրողները չգիտեն «Օ 17»-ի քանակությունը: Դեպքեր կան, որ ՌԴ շուկայից ետ են ուղարկվել»,- ասաց Ավագ Հարությունյանը:Հայաստանի գինեգործների միության նախագահ Ավագ Հարությունյան

Մեր ճշտող հարցին, թե ո՞ր ընկերությունների արտադրանքն է ետ ուղարկվել, Ավագ Հարությունյանը խուսափեց պատասխանել. «Ախր ես չեմ կարող դա ասել»: Մյուս հարցին՝ Երեւանի կոնյակի գործարանը կարողանո՞ւմ է ստուգել, թե իր արտադրանքի մեջ կեղծիք կա, թե՞ չէ, նա պատասխանեց. «Պեռնո ռիկարը խնդիր չունի, որովհետեւ, երբ գնեց Երեւանի կոնյակի գործարանը ինքն իր մայր գործարաններում ուներ իզոտոպային մեթոդների հնարավորություն, եւ անընդհատ ԽՍՀՄ-ից ժառանգություն ստացած կոնյակի սպիրտները ստուգվում էին»:

Անդրադառնալով խաղողի մթերման ծավալներին՝ խաղողագործների միության նախագահն ասաց, որ մթերողների հետ ձեռք բերված պայմանավորվածությունների համաձայն, վճարումները ժամկետներում կատարվում են:

«Տարին լավ էր,  խոչընդոտներ չեղան: Մթերման իրական թիվը մոտ 90 կամ 85 հազար տոննա է, խաղողի մասին է, այդքան մթերվել է: Բացառիկ բարձր գնով մթերվեց գինու խաղողը: Արենիում այն հասավ 350 դրամի, 400 դրամն անցավ սպիտակ խաղողի համար: Դա ռեկորդային գին էր տարածաշրջանի պատմության մեջ: Զանգվածային ծավալներով նման գին դեռ չկար: Ցածր բերքատվության ֆոնին բարձր գին չառաջարկվեց կոնյակի խաղողի համար, գործեց նույն ստվերային մեխանիզմը, որը գործել էր նախորդ տարիներին: Կառավարությունն ազնվություն ունեցավ դեմն առնելու, բայց ուժ չունեցավ»,- ընդգծեց Ավագ Հարությունյանը:

Տպել
9624 դիտում

Գերմանիան ևս դադարեցրել է զենքի արտահանումը Թուրքիա. Մերկելը Էրդողանին կոչ է անում անհապաղ դադարեցնել կրակը

Վայք քաղաքի բնակիչներից մեկի ավտոտնակում «Տրոտիլ» տեսակի 4 պայթուցիկ է հայտնաբերվել

Եղեգնուտ գյուղի 50-ամյա մի բնակիչ բենզասղոցի գործադրմամբ 63 ծառ է կտրել ու տարել իր բակ

Վանաձորի աղմկահարույց սպանությունների գործով Բագրատաշենի անցակետում հայտնաբերվել է եւս մեկ կասկածյալ

Ոստիկանները հայտնաբերել են «Դայմոնդ» ֆիթնես» ակումբի և մեկ այլ ԱՁ-ի տնօրեններին դանակահարողին

Աննա Հակոբյանն իրականացրել է հաշմանդամություն ունեցող Ռազմիկի երազանքը

Սարավան գյուղում այրվել են ավտոմեքենա և խոտածածկույթ

Արարատ Միրզոյանը Բելգրադում հանդիպել է Սերբիայի խորհրդարանի խոսնակի հետ

Բակո Սահակյանը այցելել է գյուղաշխատողի օրվա կապակցությամբ կազմակերպված տոնավաճառին

Եղանակային առումով նորից ունենալու ենք հրաշք շաբաթ, արեւային աշունը շարունակվում է. Սուրենյան

Թուրքական բանակը Ռաքքայի հյուսիս-արևելքում գրավել է Սուլուք բնակավայրը

Ստեփանակերտում կկառուցվի ֆրանկոֆոնիայի կենտրոն. Արցախում հուշագիր է ստորագրվել

Արմեն Սարգսյանը ցավակցական հեռագիր է հղել ֆրանսահայ նկարիչ Ռիշար Ժերանյանի մահվան կապակցությամբ

Ծեծկռտուք՝ Արարատի մարզում. Մասիսի Բ/Կ-ի տնօրենը քթի շրջանում վնասվածքով տեղափոխվել է հիվանդանոց

«Ավրորայի» հերոս Զանա Բուկար Մուստաֆան արդեն ժամանել է Երևան

Բակո Սահակյանը հանդիպել է ՌԴ Պետդումայի պատգամավոր Կոնստանտին Զատուլինի հետ

Սպիտակ քաղաքում տնակ է հրդեհվել. տուժածներ չկան

Թուրքիան միտումնավոր կրակ է բացել Սիրիայում տեղակայված ամերիկյան դիրքերի վրա. Washington Post

Կոնգոյում վթարի ենթարկված օդանավը հայկական պատկանելություն չունի. ՀՀ վարչապետի խորհրդական

Ֆրանսիան դադարեցնում է սպառազինությունների արտահանումը Թուրքիա. որոշումն ուժի մեջ է մտնում անհապաղ