Կանեփով աղանձ կարելի՞ է օգտագործել. ԱԺ-ում քննարկում են թմրանյութերի վտանգի չափաքանակը

«ՀՀ քրեական օրենսգրքում փոփոխություններ եւ լրացումներ կատարելու մասին» եւ «Վարչական իրավախախտումների վերաբերյալ ՀՀ օրենսգրքում փոփոխություններ եւ լրացումներ կատարելու մասին» ՀՀ օրենքների նախագծերն առաջարկում են սահմանել թմրամիջոցների, հոգեմետ նյութերի, խիստ ներգործող նյութերի կամ թունավոր նյութեր պարունակող բույսերի կոնկրետ չափորոշիչները։

ԱԺ պետական-իրավական եւ մարդու իրավունքների պաշտպանության հարցերի մշտական հանձնաժողովում հարցի քննարկման ժամանակ գլխավոր զեկուցող ՀՀ կառավարությանն առընթեր Հայաստանի Հանրապետության ոստիկանության պետի տեղակալ Վարդան Եղիազարյանը ընդգծեց, որ կատարվող փոփոխությունները նպատակ ունեն սահմանել, թե որ չափաքանակն է վտանգավոր համարվում։

Հարցով հարակից զեկուցող «Ծառուկյան» խմբակցության պատգամավոր Տիգրան Ուրիխանյանը հետաքրքրվեց, թե ինչպես է որոշվելու այն չափաքանակը, որը վտանգ է ներկայացնում 18 տարին լրացած անձանց համար, որոնց օրգանիզմը դեռ անսովոր է նման թմրանյութերի հանդեպ։

«Թմրանյութերի ներգործությունն այս դեպքում չափելը դժվար կլինի»,- նշեց Ուրիխանյանը։

Վարդան Եղիազարյանն էլ պատասխանեց, որ հարցով խորհրդակցել են գլխավոր նարկոլոգի հետ եւ վերցրել են միջինացված չափը։ Մինչդեռ հանձնաժողովի նախագահ Հրայր Թովմասյանը չհամաձայնեց մտքի հետ՝ պնդելով, որ սերնդի թմանյութերն անընդհատ փոփոխվում են, իսկ սահմանված ցանկը շատ արագ հնանում է։

«Ելք» խմբակցության պատգամավոր Արտակ Զեյնալյանը եւս նշեց, որ նախագծերում առաջարկվող փոփոխությունները չեն լուծի խնդիրը, քանի որ միջին քիմիկի միտքն ավելի արագ է փոփոխվում: Պատգամավորը նաեւ ընդգծեց, որ հստակ պետք է սահմանել, թե բժշկության մեջ աճեցվող բույսերն արդյո՞ք վտանգավոր են, թե՞ ոչ։

«Կանեփով աղանձ կարելի՞ է օգտագործել, հետն էլ հացի վրա»,- կատակեց պատգամավորը։

«Ելք» խմբակցության ղեկավար Նիկոլ Փաշինյանն էլ որպես բացթողում նկատեց, որ ինքնասպանություն կատարած անձանց պատշաճ փորձաքննություն չի կատարվում եւ չկա վիճակագրություն։ Նիկոլ Փաշինյանն առաջարկեց ինքնասպանություն կատարած անձանց արյան քննություն կատարել եւ հստակ վիճակագրություն կազմել, թե ինքնասպանություն գործածների, քանի տոկոսի արյան մեջ է թմրանյութ պարունակվել։

Տպել
4899 դիտում

Սեպտեմբերի 21-ին Գյումրիում փակ են լինելու որոշ փողոցներ (տեսանյութ)

Նիկոլ Փաշինյանը եղել է Հանրայինի արխիվի նոր մասնաշենքում, լսել Առաջին ալիքի հաշվետվությունը

Գրոզնիում առեւտրի կենտրոն է հրդեհվել. ուժգին կրակն ընդգրկում է 700 քմ տարածք

Եվրախորհրդարանը դատապարտել է Թուրքիայում հիմնարար իրավունքների ու ազատությունների ոտնահարումը

Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ

Փոխվարչապետ Գրիգորյանն ընդունել է ԵՀ Հարևանության հարցերով գլխավոր տնօրենի տեղակալին

Սևանի ոստիկանները ապօրինի թմրաշրջանառության դեպք են բացահայտել (տեսանյութ)

Ոստիկանները բացահայտել են Վահագնի գյուղի հարակից անտառում երկու ծառի անօրինական հատման դեպք

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս. Կառավարությունն արձագանքում է հանրային պահանջին

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)

«Ազնիվ գողեր» ֆիլմը նկարահանվել է հեղափոխության ժամանակ, ու դժվարություններ են եղել. կայացավ պրեմիերան