Ես համաձայն եմ, որ նախագահի ձեռքերն արյունոտ են եւ հպարտ եմ դրա համար. ավագանու ՀՀԿ անդամ

Երեւանի ավագանու ՀՀԿ-ական անդամ Կամո Հովհաննիսյանը «Երկիր Ծիրանիի» անդամ Մարինա Խաչատրյանին դատի չի տալու: Այս մասին քիչ առաջ armtimes.com-ի հետ զրույցում տեղեկացրեց Հովհաննիսյանը:

«Դատի տալու մասին ես իրենց որպես նախազգուշացում ասացի, որ եթե կրկնվի, նորից շարունակեն անպայման դատի կտանք»,- պարզաբանեց Հովհաննիսյանը, որը Երեւանի ավագանու հոկտեմբերի 11-ի նիստի ժամանակ հայտարարում էր, թե վաղը եւեթ դատական գործ է սկսելու:

«Դուք ինչպե՞ս եք պատասխան տալու, եթե ես ձեզ դատի տամ, ես պատրաստ եմ հենց վաղը ձեզ դատի տալ ձեր հերյուրանքների համար»,- նիստի ժամանակ ասել էր Հովհաննիսյանը, երբ «Երկիր Ծիրանիի» անդամը վիրավորել էր Սերժ Սարգսյանին՝ ասելով, թե վաստակավոր արտիստները կոչումներ են ստանում նրա արյունոտ ձեռքերից:

«Ստացել եք վաստակավոր արտիստի կոչում արյունոտ եւ պատերազմը պարտված ձեռքերից: Եվ հիմա էլ ուզում եք ստանալ բնակարան Երեւանը քանդող, աղտոտող ձեռքերից»,- մասնավորապես ասել էր Խաչատրյանը`նկատի ունենալով Սերժ Սարգսյանին եւ Տարոն Մարգարյանին:

«Ես համաձայն եմ, որ նախագահի ձեռքերը արյունոտ են, բայց ես համոզված եմ, որ նա թուրք է սպանել եւ դրանով ավելի հպարտ եմ: Կարծում եմ, որ յուրաքանչյուր հայ եւս հպարտ է»,- այսօր մեր զրույցում նման տեսակետ հայտնեց Հովհաննիսյանը: Իսկ դիտարկմանը, թե քաղաքացիական օրենսգիրքը թույլ չի տալիս, որ նա այլ անձին վիրավորանք հասցնելու համար դատական գործ սկսի, Հովհաննիսյանն ասաց.

«Դուք դատական օրենսգիրքը լա՞վ գիտեք: Ես երեւի լավ չգիտեմ, բայց որ շարունակեն երեւի, թե մի բան կանենք»:

Armtimes.com-ի հարցին, թե հատուկ ցուցո՞ւմ են ստանում ՀՀԿ էլիտային ընդդիմադիրներից պաշտպանելու համար, ավագանու  ՀՀԿ-ական անդամն ասաց.

«Մենք բոլորս հասուն մարդիկ ենք, խմբակցությունն ինչո՞ւ պետք է ասի»,- ասաց Հովհաննիսյանը եւ նշեց, որ եթե «Երկիր Ծիրանիի» անդամները խոսեն երկրում առկա խնդիրների մասին՝ վիրավորանքներ հնչեցնելու փոխարեն, դա ընդունելի կլինի:

«Անկախության տարիներից ի վեր մեր երկրում շատ բացասական բաներ կան, աղքատություն, կոռուպցիա եւ այլն, բայց անձնական վիրավորանք հասցնելը լրիվ այլ բան է: Ոչ մեկը չի հերքում, որ մեր երկրում անկատար օրենքներ կան, բայց դա թույլ չի տալիս անձնական վիրավորանքներ հնչեցնել»,- նշեց նա:

Armtimes.com-ի ճշտող հարցին, իսկ եթե «Երկիր Ծիրանին» էլ որոշի Լեւոն Իգիթյանին դատի տալ, Մարինա Խաչատրյանին հայհոյելու համար, Հովհաննիսյանը կրկին դատարանի ճանապարհը մատնանշեց:

«Շատ ճիշտ կլինի, որ դատի տան, բայց Լեւոն Իգիթյանի բերանից ես նման բառ չեմ լսել: Իր կողքն եմ նստած եղել, կարող ա ես լավ չեմ լսում, ինչ կա»:

Տպել
8232 դիտում

Երեւանի քաղաքապետարանը 2 մլն դրամ հատկացրեց 2008-ի մարտի 1-ի զոհերի հուշահամալիրի կոռուցման համար

Հանրայինում եմ արդեն 22 տարի եւ դեռ ոչ մի անգամ աշխատանքից ազատման դիմում չեմ գրել. Անթառանյան

Մխիթարյանը խաղադաշտ մտավ ու 4 րոպե անց գոլ խփեց. նրա ցուցանիշները «Ռոմա» տեղափոխվելուց հետո

Գեղարքունիքի մարզի Գեղհովիտ գյուղում այրվել է տուն. 61-ամյա բնակչուհին այրվածքներ է ստացել

«Հայփոստ» ՓԲԸ աշխատակցին մեղադրանք է առաջադրվել՝ յուրացումների եւ փաստաթղթեր կեղծելու համար

Մանվել Գրիգորյանը գրավի դիմաց ազատ չի արձակվի. Վերաքննիչ քրեական դատարանը հրապարակեց որոշումը

Էրդողանն ԱՄՆ-ին սպառնացել է ընդունել ամերիկացիների կողմից հնդկացիների «ցեղասպանությունը»

Սերժ Սարգսյանն ու Սերգո Կարապետյանը առերես հարցաքննվել են

ԱԱԾ-ում տեղի է ունեցել տնօրենին առընթեր խորհրդի նիստ. քննարկվել են ՀՀ անվտանգության սպառնալիքների չեզոքացման հարցեր

Լոռիում մեքենան դուրս է եկել ճանապարհի երթևեկելի հատվածից և ընկել ձորակը

Էջմիածին քաղաքում ոչ բնակելի վագոն-տնակն ամբողջությամբ այրվել է

«Իմ քայլը» հիմնադրամի ամենամյա բարեգործական գալա-ընթրիքը՝ լուսանկարներով

Երևանում թալանել են Հայաստանում Վրաստանի դեսպանի՝ դիվանագիտական համարանիշով Mercedes-ը

Սարյան և Լեոյի փողոցների խաչմերուկում բախվել են 3 մեքենաներ, տուժել է վարորդներից մեկը

Սևան, Ճամբարակ քաղաքներում և Արագածոտնի տարածաշրջանում գիշերը ձյուն է տեղացել

Երևանում «Մակարով» ատրճանակից մի քանի անգամ կրակել են ոստիկանական Hyundai ավտոմեքենայի վրա

Խառնակչություններ՝ բանտից եւ աքսորից

Մանկապարտեզի տնօրենն ապօրինի աշխատակից է ընդունել, հետո կռիվ սարքել քաղաքապետարանում. Արմավիրի քաղաքապետ

Մարիամի հետ կիրակի երեկոն անցկացրել ենք Երևանում բացված Ամանորյա տոնավաճառում. Աննա Հակոբյան

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը