Երեւանի N104 մանկապարտեզը վտանգավոր է երեխաների համար. Արայիկ Հարությունյան. Լուսանկարներ

Երեւանի համար 104 մանկապարտեզը բավական վատ վիճակում է, այնտեղ կան ընդհուպ մինչեւ անվտանգության խնդիրներ:

Նման կարծիքի է հանգել Երեւանի ավագանու «Ելք» խմբակցության անդամ, կրթության, մշակույթի եւ սոցիալական հարցերի մշտական հանձնաժողովի նախագահ Արայիկ Հարությունյանը, երբ ստացված բողոքի հետքերով այցելել է Նոր Նորք վարչական շրջանում գտնվող այդ մանկապարտեզ:

Այնտեղ պարզել է, որ մանկապարտեզի պատուհանները հին են. մեծածավալ ապակիներն առնված են հնամաշ փայտե շրջանակների մեջ, ինչը կարող է լուրջ վտանգ սպառնալ երեխաների անվտանգությանը, ջերմամեկուսացումը կատարվում է ցելոֆանների միջոցով, իսկ վերջերս վերանորոգված տանիքը չի պաշտպանում անձրեւաջրերից:  

«Համար 104 մանկապարտեզում էի։ Թվում է, թե մի կոտրված պատուհան է, բայց դա անգործության ու գործի նկատմամբ անտարբերության մի անտանելի դրսեւորում է։ Կան խնդիրներ, երբ չեմ հանրայնացնում ու դիմում եմ քաղաքային իշխանություններին՝ լուծումների համար։ Բայց այս դեպքում անգործություն ցուցաբերած պաշտոնյան՝ կլինի մանկապարտեզի տնօրեն կամ այլ պաշտոնյա, պետք է հանրային պարսավանքի ենթարկվի։ Տնօրենները պետք է իմանան, որ անհրաժեշտ է աշխատել, հանգստանալու համար չեն նշանակվել այդ պաշտոններում։ Ես հասկանում եմ, որ կան նաեւ մեծ խնդիրներ, այդ դեպքում իրենք պետք է պայքարեն, պահանջեն պաշտոնյաներից, որ լուծումներ տրվեն»,- «ֆեյսբուքի» իր էջում գրել է Արայիկ Հարությունյանը։

Կից տեսանյութում նա նաեւ տեղեկացրել է, որ այսօր անպայման դիմելու է Երեւանի քաղաքապետին, որպեսզի անմիջապես միջոցներ ձեռնարկվեն՝ այս մանկապարտեզում իրավիճակը շտկելու նպատակով:

Համար 104 մանկապարտեզի տնօրեն Կարինե Հայրապետյանն armtimes.com-ի հարցմանն ի պատասխան հրաժարվեց որեւէ մեկնաբանություն տալ: «Ես ոչինչ այս պահին չեմ կարող ասել, կներեք ինձ: Մի քիչ լարված եմ, չեմ կարող խոսել, ինձ համար էլ էր զարմանալի, խնդրում եմ՝ հետո»,- ասաց նա:

Հարցին, թե մանկապարտեզի վիճակի հետ կապված դիմե՞լ է համայնքային իշխանություններին, Կարինե Հայրապետյանն արձագանքեց: «Ես ոչինչ չեմ կարող ասել: Այս պահին չգիտեմ՝ ես ձեզ ինչ պատասխանեմ»,- ասաց տնօրենը՝ հաստատելով, որ Երեւանու ավագանու անդամի ներկայացրած լուսանկարներում մանկապարտեզի գործող մասնաշենքեր են:

ognirmankapartezid.am կայքում Երեւանի համար 104 մանկապարտեզի վերաբերյալ հրապարակված տեղեկատվությունից իմանում ենք, որ նախնական կրթության այս հաստատությունում գործում է 9 խումբ, երեխաների քանակը շուրջ 270 է: Աշխատակազմում՝ 34 մարդ:

Մանկապարտեզին նվիրատրված գումարը կազմում է 215 հազար դրամ, որից օգտագործվել է 146 հազարը:

Շենքը կառուցվել է 1968 թվականին: Որպես առկա խնդիր՝ նշվում է. մանկապարտեզը կարիք ունի երեք խմբասենյակների, մարզադահլիճի, բուժկետի, դիմապատերի վերանորոգման աշխատանքների:

Լուծված խնդիրների մասին էլ կարդում ենք, որ «Օգնիր մանկապարտեզիդ» ծրագրով 2015 թվականին մասնակի վերանորոգվել է խոհանոցը, պահեստը, ձեռք է բերվել որոշակի խոհանոցային գույք եւ էլեկտրատեխնիկա:

Հիշյալ կայքում տեղեկություն կա նաեւ մանկապարտեզի վերանորոգված տանիքի մասին: Նշվում է, որ 2015 թվականին Երեւանի քաղաքապետարանի կողմից վերանորոգվել է տանիքը եւ դիմապատը:

Սակայն, ինչպես արդեն նշեցինք, Երեւանի ավագանու «Ելք» խմբակցության անդամը նկատել էր, որ վերանորոգված տանիքն անորակ է ու նպատակին չի ծառայում:

«Համար 104 մանկապարտեզի տանիքը ինչ-որ չափով վերանորոգվել էր, բայց մենք տեսանք, որ այնքան վատ է արված այդ վերանորոգումը, որ ջուր է հոսում: Պետք է հասկանալ՝ ո՞ր մարմինն է ընդունել այդ աշխատանքը, ստորագրել, որ աշխատանքը հավուր պատշաճի է կատարվել»,- նախակրթարան այցելության մասին պատմող տեսանյութում նկատում է Արայիկ Հարությունյանը:

 

Տպել
3775 դիտում

Գյումրու «Մոր եւ մանկան Ավստրիական հիվանդանոց»-ում բրուցելոզով հիվանդ կովի արյուն է հետազոտվել. Տիգրան Պետրոսյան

Քարոզչական նախապատրաստման փուլն է

Մարալիկ-Լանջիկ ավտոճանապարհին մեքենա է կողաշրջվել. 29-ամյա վարորդը հոսպիտալացվել է

Արթիկում 46-ամյա էլեկտրիկը հոսանքահարումից մահացել եւ ընկել է բարձր լարման բջջի մեջ

Կուտոյանի մահը չի կարող ինքնասպանություն լինել․․․նա ինֆորմացիայի կենդանի կրող էր․ քաղաքագետ

ՀՀ ԱԺ նախագահ Արարատ Միրզոյանը զրույց է ունեցել Արցախի խորհրդարանի նախագահ Աշոտ Ղուլյանի հետ

Գեորգի Կուտոյանի հոգեհանգիստը տեղի կունենա վաղը՝ հունվարի 19-ին, ժամը 17:50-ին

Սոթք-Քարվաճառ ավտոճանապարհը դժվարանցանելի է, Հարթաշեն-Տաշիրը՝ փակ

Վարչապետը ծանոթացել է CARD հիմնադրամի գործունեությանը և հանձնարարական տվել Էկոնոմիկայի փոխնախարարին

Խոսքի ազատության ու պետական շահերի նուրբ սահմանագիծը

Արսեն Թորոսյանը հանդիպել է «Հոսփիթլ Մենեջմենթ» ծրագրի մասնակիցների հետ

Կառավարությունն ամեն ինչ կանի Գեորգի Կուտոյանի մահվան հանգամանքները լիարժեք բացահայտելու համար

ՀՀ եւ ԱՀ միջխորհրդարանական հատուկ նիստում Բաքվի հայկական ջարդերը դատապարտող համատեղ հայտարարություն է ընդունվել

ՀՀ գլխավոր դատախազությունը կապահովի Գեորգի Կուտոյանի մահվան բոլոր պատճառների ու հանգամանքների բացահայտումը

ՀՀ Քննչական կոմիտեն նոր մանրամասներ է հրապարակել Գեորգի Կուտոյանի մահվան դեպքի հետ կապված

«Մամուլի շենքի»-ի հրդեհը մարված է. տարհանվել է 50 քաղաքացի

Ամփոփվել են ԶՈՒ ՌՔԿՊ զորքերում իրականացված աշխատանքները

«Դալմա Գարդեն մոլ»-ը հունվարի 19-ից կվերսկսի աշխատանքը

Բալային համակարգի ներդրումից հետո որոշ քաղաքացիներ բիզնես են սկսել. 1 բալն արժե 50-65 հազար դրամ, զեղչեր էլ չկան

Արցախի հայության գոյության միակ հնարավոր ճանապարհը Արցախի ինքնորոշումն է. Արարատ Միրզոյան