Մանկապարտեզի տնօրինությունը ծնողներից գեթ մեկ լումա չպետք է պահանջի. Արայիկ Հարությունյան

Երեւանի ավագանու «Ելք» խմբակցության անդամ, կրթության, մշակույթի եւ սոցիալական հարցերի մշտական հանձնաժողովի նախագահ Արայիկ Հարությունյանը, արձագանքելով մանկապարտեզի երեխաների բազմաթիվ ծնողների հարցումներին, պարզել է, թե որքան ֆինանսավորում են ստանում Երեւանի պետական նախակրթարանները:

Ֆեյսբուքում ծնողները շարունակ գրառումներ են կատարում, տեղեկատվություն փոխանակում եւ քննարկում, թե մանկապարտեզներում որքան հաճախ են գումար պահանջում այս կամ այն պատրվակով, հիգիենիկ պարագաներ պահանջում եւ այլն: Ի դեպ, ավելի վաղ Երեւանի քաղաքապետարանի հանրակրթության վարչության նախկին պետ Գայանե Սողոմոնյանը մեզ հետ զրույցում վստահեցրել էր, որ մանկապարտեզներում իրավունք չունեն երեխաների ծնողներին նման պահանջներ ներկայացնել, որովհետեւ նախնական կրթության այդ հաստատությունները ստանում են անհրաժեշտ ֆինանսավորում:

Ինչ վերաբերում է Արայիկ Հարությունյանի պարզած տեղեկատվությանը, նա, դիմելով «Մանկապարտեզը եւ երեխաները» խմբի ծնողներին, գրել է.

Հարգելի ծնողներ, վերջին շրջանում այս հարթակում շատ են հարցերը, թե որքան գումար է քաղաքապետարանը հատկացնում մանկապարտեզներին:

Պետք է տեղեկացնեմ, որ յուրաքանչյուր մանկապարտեզ շենքի խնամքի համար ստանում է ամսական 650.000 դրամ: Յուրաքանչյուր սանի համար հատկացվում է 22.500 դրամ: Այսինքն՝ միջին՝ 120 սան ունեցող մանկապարտեզը ամսական ստանում է 3.350.000 դրամ (տարեկան 40.200.000 դրամ), որից երեխաների սննդին հատկացվում է մոտավորապես 1.300.000 դրամ:

Մնացած գումարից վճարվում է աշխատավարձ, կոմունալ ծախսեր, ուսումնական նյութերի, հիգիենայի եւ խոհանոցի պարագաների, ննջասենյակների պարագաների գումար: Բոլոր հաշվարկները ցույց են տալիս, որ արդյունավետ կառավարման դեպքում մանկապարտեզի տնօրինությունը ծնողներից գեթ մեկ լումա չպետք է պահանջի:

Ավելին, այս գումարից կարելի է գնել նաեւ սպիտակեղեն եւ այլն:

Պաշտոնական հարցում եմ ներկայացրել Տարոն Մարգարյանին. ծախսերի ավելի մանրամասն բացվածքը ստանալուն պես կտեղեկացնեմ Ձեզ:

Մանկապարտեզներն «Օգնի՛ր մանկապարտեզիդ» հիմնադրամի միջոցով կարող են լրացուցիչ գումարներ ներգրավել: Բայց այս գումարը հստակ չէ, այսինքն՝ կարող է տվյալ ամիս էդ հիմնադրամից ունենալ գումար, կարող է՝ ոչ:

Իհարկե, կան նաեւ ֆակուլտատիվ դասեր, որոնց համար մանկապարտեզները գումար են ներգրավում՝ ամսական 1000 դրամ յուրաքանչյուր դասընթացի համար: Բայց եթե նույնիսկ Ձեր երեխան չի գնում էդ ֆակուլտատիվներին, ու, ասենք, միայն ինքն ամբողջ խմբից չի գնում, մանկապարտեզը պարտավոր է ապահովել երեխայի խնամքը տվյալ ժամանակահատվածում:

Այսինքն՝ ոչ մի դեպքում ֆակուլտատիվի համար գումար չվճարող ծնողի երեխան չպետք է իր վրա զգա այդ խտրականությունը:

Լինում են դեպքեր, երբ իքս խմբի ծնողները ցանկանում են լրացուցիչ զարգացնող խաղեր, նյութեր գնել իրենց երեխաների համար, եթե մանկապարտեզը բյուջեով սահմանված միջոցներից ի վիճակի չէ դա անել:

Հ.Գ. Չենք մոռանում, որ մանկապարտեզներն աշխատում են մինչեւ 17:30, դրանից շուտ դուք պարտավոր չեք վերցնելու Ձեր երեխային:

Հավելենք, որ մանկապարտեզներում աշխատանքային ժամանակի խնդիրը նույնպես ծնողներին ամենահուզողներից մեկն է: Հատկապես աշխատող ծնողները դժգոհում են, որ մանկապարտեզներում պահանջում են շուտ գնալ երեխաների հետեւից, ինչն իրենց լուրջ խնդիրների առաջ է կանգնեցնում:

Տպել
13728 դիտում

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 6 հա տարածք

Ասում եմ՝ ԱՅՈ՛. «ԱՅՈ՛» քարոզչական կողմի տեսահոլովակը պատրաստ է (տեսանյութ)

ՀՀ տարածքում կան փակ եւ դժվարանցանելի ճանապարհներ, մերկասառույց

Լուսանկարի երիտասարդներն էին ներկայանում որպես ԱՅՈ՛-ի լոգոյի հեղինակ. Հակոբ Կարապետյան

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքներ

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է